:::: مجلس الزوجات الأوليات هلا ومليون هلااااا :::

سلااامتك والله يا قدورة

شوفي يمكن شد عضلي خذي زيت زيتون ودفيه خليه مايل شوي للسخونة بس يعني تقدري تتحمليه ودهني رجلك ولفيها وان شاء الله ماتشوفين شر :)

ويبقى حبيبي .. ورؤيــا جملة وحدة لا أكثر (( لا يرمى بالحجارة إلا الشجرة المثمرة .. وياجبل مايهزك ريح :) ))

ربي يخليكم لنا .. والله يابنات الملف أثبتوا بجد انكم أخوات حقيقيات أحببببببببببببببكم من كل قلبي

صمتي عن حكمة خخ ..خسارة ليت لك من اسمك نصيب ولكن لأبرء ذمتي أمام الله سأناصحك حتى تتخلصي من هذا الحقد الذي سيطر على تفكيرك وأفعالك وترك على عينيك غشاوة .. رددي يا اختي كثيرا (( اللهم لا تجعل في قلوبنا غل على اللذين آمنوا )) اضغطي على نفسك وردديها كثير وراح تشوفين الحياة احلى من اللي تشوفينها الحين :)

لا تعليق .. سمو فكر .. قلب هادي ... ربي يكون بعوني وعونكم ويكتب لنا الخيرة في امرنا .


الكل بدون استثناء صباحكم ورد وفل .. اممم ونفل مبلول بقطرات الندى <<< تحبه ههه .. ورضى وسعادة ورااااحة بال

رؤيا ياقلبي .. استشارة على الطاير شكلنا راح نقلبها ملف متابعة حمل :)

هل فيه خطر من الدرج انا بالدور الثالث وبدون مصعد :( ودرجنا ليته عادي الا كأنك طالعة جبل على قولة امي اسناد خخخ
يعني ابطل انزل واطلع منو وانحكر في البيت من الشهر الخامس والا ان شاء الله مافي خطورة على البيبيهات

سعوديه صار لي اكثر من تسع سنين بالبحرين بسبب عمله

اساسا ما اعتقد ان بيرجعني السعوديه لان ما بقى احد ما جابه هنا :09:

بس اني اخذت على كلام البحرين عشرة مو يوم يومين ههههههه

انا صرت حتى لو امر عند الايرانيات الي صارو بحرينيات وسمعتهم يسبون وله يحكون

عن شي معين افهم عليهم واحيانا ارد عليهم واحيانا احرجهم هههههههه




والله يا قلبي ادخل بس اشوي بسبب مذاكرة عيالي ابتدينا من اليوم الين خمسه من الشهر الجاي وبعدها يعطلون الله ييسر امورهم وتنقضي هالسنه على خير ان شاء الله وينجحون اللهم آمين





الله لا يحرمك الأجر ان شاء الله

اقضي هالليله على سجادتك ادعي الله وقومي الليل واقري قرآن

وانا يا حبيبتي ابقول لك زي ما قالوا لك البنات

وما قصروا ان شاء الله بالنصيحه

يا اختي زواجه ودخوله عليها افضل من مرحلة الملكه

وحطي ببالك

بكره الايام بتتوالى وبتصير الامور عاديه وروتينيه ومسؤوليات ما لها اول ولا اخر

بس الايام الاولى اصبري وجاهدي و تذكري ان لك اجر عظيم على صبرك

وانصحك يالغاليه من كل قلبي

لا تقسين قلبك عليه

ولا العكس خليك وسط

وان جاك بعدها عامليه بالمعروف وكلها شهور والله يا اختي بتصير الامور عاديه جدا

ما غير الا بينتقل الغيره من قلبك لقلبها

ما في حرمه ما تغير وتلاقينها هي كمان بتحترق من الغيره

ولو كانت الثانيه ما تغير معناته انها مو من البشر

والدليل لو قالوا لها بيتزوج زوجك الثالثه اشتاطت وطاشت

وان شاء الله شده وتزول عنك احساس الحزن

قوي نفسك وفكري لقدام وقولي وش بيكون عنده زياده

كل الذكريات الي كان وما زال بينكم بيخلقها من جديد مع انسانه ثانيه

خل يسوي الي يبي يسويه دام بعيد عنك ما يهم

الاهم حقوقك يا قلبي بالطيب اخذيها منه

وخليك هاديه بتعاملك معه

ولا تجيبين سيرتها ابدا ابدا ابدا

ولما تجي ليلتك تهني يا قلبي واسعدي نفسك

وانسي كل الي بحياته

لان هالشي يخصه هو ما يخصك حياته برا البيت اقصد بيته الثاني زي روحته للعمل

ما تعرفين هو بالعمل كيف يتعامل مع الناس كيف يقضي وقته كيف عنده مشاكل وضغوط

اعتبري روحته وكأن هو بالعمل ما لك دخل نهائيا فيه لا طلع من عندك

وربي ييسر لك امورك ويوفقك ويسعدك ويربط على قلبك

اللهم آمين

يارب اسعدها دووووووم موو يووووم يارب


قلب هاااادي راح ابقى أدعي لك .. يارب برد على قلبها ياااارب لاحول ولاقوة إلا بالله
بس والله والله انا امر بنفس حالتك وأمنيتي انو يتزوجها وافتك خلااااص تعبت من كلام الغزل حقهم << مادري بصراحة بس أكيد عايشين بعالم ثاني وحب وهيام لأنهم بعيدين عن بعض
قالي اول مرة اشوف وحدة تقول لزوجها تزوجها وفكني قلت ولا هالحالة اللي ترفع الضغط لا ترضي الله ولا خلقه

لو يتزوجها مالها الا يومها .. وبعدين الطنطاااوي الله يرحمه قال كلام واقعي سمعته باليوتيوب
ههه هو كان اسلوبه شبه مباشر استحي اقوله بس بما معناه .. انو مهما بلغ عشق الرجل للمرأة اللي مو متزوجها أول ماينام معها ينطفي كل الغرام .. انتهى كلامه .. كذا الله خلق الرجل أناني وتفكيره وحبه منبعها شهوته والله العظيم
والهيام اللي هو عايشة ترى لأنها لسا بعيدة عنه مالمسها
عشان كذا انا نفسي يتزوجها بسرررعة ساعتها اقدر ارجعه لي ان شاء الله بس الله المستعان وش اقول
فانتي احمدي ربك على كل حال .. والله يبرد على قلبك يا عمري

ترانيم

هلا يا قلبي

بالنسبه للخطوره ايه والله ما اخبي عليك

وخليني اكون معك صريحه

بالسابع والثامن صعب يا اختي

لان البيبيات بيكونون ضاغطين على الرحم واساسا التوائم

يكون الضغط للاسفل بشكل اكبر

في احتمال لنزول المشيمه وهذا شي طبيعي بالحمل بالتوائم

الدكتوره دائما تنصح بالراحه التامه مع القليل من المشي فقط

عشان بالشهور الاخيره ما يكون عندك نزول بالمشيمه والولاده المبكره

بالشهور الجايه لما تركبين الدرج يا اختي بتحسين ان الضغط بيرتفع عندك

هذا الي حصل معي كنت لما اركب الدرج احس ان راسي يدور وغثيان وسد بالاذن

وبعدها لما رحت المستشفى قالت لي الدكتوره ارتفاع بالضغط بسبب الاجهاد

ان كان لابد لك انك تركبين الدرج حاولي بعد كل طابق انك تريحي اشوي وبعدها تكملين بس مو بسرعه

خليك بطيئه بركوبك

اما نزولك ما فيه اشكال الاهم الركوب هو المتعب

وربي يحفظك ان شاء الله من كل شر

من كذا قلت لك خلصي اعمالك بدري واشتري وتقضي لان الوضع بيكون صعب بالشهور الثلاث الباقيه