شاركي في النقاش

سجلي الدخول لإضافة تعليق.

التعليقات

145
  1. @dlyl_shmshon

    لاااااااا تتسرعين لحد ما تتأكدين مليون بالمية من العلاقة بينهم عشان ما تعطين مجال للتشكيك بكلامك واستحملي وتعالي على نفسك فترة وراقبيهم واذا تأكدتي وعندك ادلة واجهيهم
  2. صاحبة الموضوع
    بنات كل الي قرأو موضوعي قبل يومين
    بها الرابط
    http://forum.hawaaworld.com/showthread.php?t=3110358&page=10
    يجون يقولون لي بنات هل يحق لي اتصرف ام لا احس اني بجد منهاره وعاجزه عن التفكير معقوله كل الي صار
    طبعا قلتلكم اني لقيت بيتي محيو ومكركب والله من القهر ماتفقدته رحت طلعت فراش لاخوي وزوجته واخذت الفرش مني زوجة اخوي وناموا في المجلس انا دخلت الغرفه وعلى طول حطيت راسي وانا مو مصدقه الي صار ماجاني نوم وضاقت بي الدنيا اضطريت افتح النت وقلت مالي غير بنات حواء يساعدوني بحل قضيتي لان فيهم صاحبات الخبره والمشوره بس الصدمه الي للحين ما انا قادره اصحى منها ان يوم الخميس وانا نايمه الساعه تقريبا 11 الا اسمع صوت شيبان عندي في البيت يقولون الله يفشلهم الله يفشلها واصوات عاليه وزوجي بعد صوته عالي صحيت من النوم مفجوعه كأني بحلم شويه الا زوجي فاتح باب الغرفه وقال اطلعي بسرعه البلكونه انا انربطت لساني مين ومين بتدخل هنا وفتحت باب البلكونه وتعركست بصحن فيه خبز يابس مكسر و4 فنجاين شاهي وجبنه وقرف كأن احد افطر فيها شوي الا الباب ينفتح الا ام زوجي دخلت عندي البلكونه انا مصدومه وما ادري وش السالفه الا تسلم علي وتقول امسحيها في وجهي والله لاخذلك حقك و و وانا مصدومه لحيي في الارض عن ايش تتكلمون والشيبان دخلوا لحد حمامي بغرفة النوم
    طلعوا الرجال الاثنين الشيبان خوال زوجي وامه وولد خاله جايبهم البيت تخيلوا ليش علشان يشهدهم على قذارة خالته بنات انا مصدومه
    انا من يوم رحت اجازة من اسبوعين جات خالة زوجي وطبعا ام زوجي اصرت عليهم مايستاجرون ويجون يسكنون بالبيت لانه فاضي وزوجي يروح يجلس معاها يونسها
    اثاري القصه زوجي رجع بنفس لليله الي انا جيت فيها وخالته وزوجها واولادها ال5 كانت في بيتي طبعا هو ماقال لي ولا استأ1ن مني وتخطيط مسبق منه هو وامه انهم يجون البيت بغيابي ويروحون وانا وش عرفني بس انصدموا لاني جيت فجأه وصدمتهم الكبرى بالحوسه الي حاستها في البيت والمطبخ قلبت البيت زباله حسبي الله عليها اليوم الثاني زوجي صحي من بدري وجاب اخوانها وامه علشان يشهدهم على وصخها وقذارتها ويطلبها هي وزوجها الحق قبل يجيب شركه تنظف البيت وكيف انها تجرأت تدخل زوجها غرفة نومنا ينامون على سريرنا ويستخدمون مناشفنا وادواتنا ولبست عباتي وجاوو خوال زوجي عندي وابشري بالحق والله يسود وجهها انها وصخه حتى في بيتاوكلام كثير انا مو فاهمه شي احس اني بعالم ثاني وام زوجي تجي عندي وتقول امسحيها بوجهي ترى مو من زوجك انا الي اقنعته يعطيهم مفتاح البيت بغيابك مادرينا انها وسخه هي وعيالها كذا
    طيب ماعلينا شوي دق اخوي هذا اخوي عزابي وساكن بنفس المتنطقه ويعرف اسرار زوجي وزوجي كان يروح عنده بشقته بعض الاحيان وينام معاه
    تدرون وش قالي اول مافتحت الخط يامريضه ياشكاكه متى تتوبين من هبالك فشلتينا مع الرجال اثاري زوجي علمه بالسالفه
    طيب انا الحين مو مركزه اتصلت على صديقتي وعلمتها بالسالفه وقلت لها على سالفة صاحبتي وصورة ولدي طيب المصيبه انها انهارت وقالت حرام عليك ظلمتي البنت انا عطيتها الصوره وقالت انها صورت ولدي لما رحت لها زياره بالبيت بس انا جد ناسيه تقول انها حست انك زعلتي لما قالت مايعجبني ولدك فحطته خلفيه على امل تطيب خاطرك وتشوفين الصوره بجوالها وتثبت لك انها كانت تمزح طيب
    انا رحت لقسم الرجال وكانت الفاجعه
    الله يسود وجهي كيف خليت اخوي وزوجته ينامون بهيك مكان قبل لا اتفقده وانظفه بس كنا جايين من خط وتعبانين كلنا والله انه مزبله والسقاير بكل مكان والادهى والامر على الطاوله الله يكرمكم حفايظ ولدها الصغير وصحن مويه ومناديل تتعيجز تغير لولدها عند المغسله تمسحه بالمناديل وتجمعها بكل زاويه
    ولما دخلت الحمام من جديد اتفقد لقيت بجد حفايظ لطفل الله يكرمكم على طرف المسبح ماشفتها من قبل يعني قلبت البيت زباله حسبي الله عليها وزوجي ماكان وده اجي واشوف لانه ما قال لي وصارت من ورى ظهري ويحاول يغطي عالموضوع بس لما اتهمته انقهر واضطر يكشف الموضوع كامل ويجيب خواله يشهدهم على قرف خالته وبلاويها
    طيب انا شكوكي طلعت بغير محلها في البنت وزوجي الحين شلون اتصرف زوجي حتى مو طايق يناظر في وجهي لانه الف مره حذرني اني اشك فيه او اتهمه بالخيانه هو صحيح جاء وقف قدامي واعتذر على حكاية انه دخل ناس لبيتي من دون علمي ووعدني مع الراتب يغيير كل الاثاث من الى بس قالي كلمه قال انتي شكك مرض تخيلوا اثاريه شافني مره وانا اشم ثيابه علشان اميز اذا فيها عطر نسائي اثاريه كان مراقبني وهالسالفه من فتره طويله وذكرني فيها وقال انه شافني الحين هو باقي ماحاسبني على وعد قطعته اني ماعاد اشك فيه ابد لانه يحلف انه مو راعي بنات بس انا معذوره بالله الي بمكاني كيف كانت رح تتصرف اكيد بتشك صح الحين شلون اتصرف اختي تقول اقلبي الدنيا عاليها واطيها وكمليها انك باقي زعلانه على حكاية البيت وخالته وانا اخاف اتمتدى ويجمعها لي وانا ادري انه اذا انتهى من سالفة البيت وخالته حسابي رح يكون عسير بالله شلون اتصرف والله ان عيني ماجفت من الدمع وهذا هو روماني عند امه علشان الشركه تغسل البيت وللحين ماطل في وجهي واتصل جواله مقفل وخالتي بس تصبرني وتحاول تطيب خاطري بس انا متاكده انه رح يحاسبني حساب عسير لان اخر مره عاهدته عالمصحف ما اشك فيه انه يخونني بس انا معذوره من الي شفته بالله كيف اتصرف
  3. @kna_ola_zlna

    ياسمينه مسكينه
    بنات كل الي قرأو موضوعي قبل يومين بها الرابط http://forum.hawaaworld.com/showthread.php?t=3110358&page=10 يجون يقولون لي بنات هل يحق لي اتصرف ام لا احس اني بجد منهاره وعاجزه عن التفكير معقوله كل الي صار طبعا قلتلكم اني لقيت بيتي محيو ومك…
    الله يعين ك يااختي
    اكثرررررررري من حسبنا الله ونعم الوكيل
    اكثري منه اكثري منها قوليها بقلب وبأذن الله مااايصير الا الخير

تابعي تجارب أخرى من هذا القسم.