بعض البشر لأمن حشمته طمع فيك





****

بعض البشر لامن حشمته طمع فيكـ
وبعض البشر لامن جفيته يودكـ

وبعض البشر يتعب على شان يرضيكـ
وأغلى من اخوانه بقلبه يعــــدكـ

ويا صاحبي هالحين بانت خوافيـــكـ
علقـــتني مابين مزحـــــــك وجدكـ

وش جاك مني ياعشيري وانا اخيكـ
قبل امس انا صاحبك واليوم ندكـ

لاضاق صدري من عنا وقتنا اجيكـ
واشوف دمعات الغلا فوق خـــدكـ

والحين تظلمني وانا منك وفيــكـ
بكل إحترام اقول يا خوي حــــــدكـ

ثمن كلامك يا عسى الله يهديكـ
لاصار ماي الوجه يعجز يـــــــردكـ

ثوب الردى ياصاحبي مايقديكـ
الثوب لا ثوبك ولا القــــــــد قــــدكـ

انا اول انسان اذا ضقت بجيكـ
حتى ولا اذكر يوم وقــفت ضــــدكـ

ماتذكر اني بالوفا كنت اجازيكـ
وانته تجازيني بظلمك وصــــــــدكـ

لكن خلاص اليوم والله مابيكـ
النفس طابت ســــو ماهــــو بــودكـ

الطعنه اللي من ورى الظهرتنهيكـ
وشلون لاجاتــك من اللي يـــــودكـ

30 تعليق 2,497 مشاهدة

شاركي في النقاش

سجلي الدخول لإضافة تعليق.

التعليقات

28
  1. الطعنه اللي من ورى الظهرتنهيكـ
    وشلون لاجاتــك من اللي يـــــودكـ


    صح لساان قايلها
    ويعطيك العافيه ك
    كل بيت اقوى من الثااااااااني
  2. @alhylaaa_alhyla

    ثمن كلامك يا عسى الله يهديكـ
    لاصار ماي الوجه يعجز يـــــــردكـ

    أقوى تعبير لما يدور بخاطري
    صح لسان القائل
  3. @lsagd22

    بعض البشر لامن حشمته طمع فيكـ
    وبعض البشر لامن جفيته يودكـ

    صــــــــــــــــــــــــح لسانك
    صــــــــــــــــــــــــح بدنك
    هههههههههههههههههههه والله أعجبني البيت الآووووووووول مرة

تابعي تجارب أخرى من هذا القسم.