ذكرتوني بقصة صارت مع خالتي زمااااااااااااان
اخذ زوج خالتي الجواز وراح بيجدده ويضيف عياله الباقين
المهم
في اليوم الثاني دق على البيت في الصباح رجل وترد عليه خالتي
الرجل : انا موظف في الجوازات حاب اخذ بعض المعلومات الناقصة عشان التجديد والاضافة
خالتي : طيب
الرجل: كم عددكم
خالتي:8
الرجل: طبعا الزوج عايش
خالتي : اجل ..مين اللي جابلكم الجواز أمس - وبدت خالتي تحلل -
الرجل : عدد البنات
خالتي:5
الرجل: عدد الاولاد
خالتي:1
الرجل : اكبر بناتك ..ايش اسمها ؟
خالتي : يوووووه ...مو مكتوب عندك في الجواز
الرجل: آسف ما انتبهت ...طيب ... امممم - يفكر- ... بنتك فلانة كم عمرها
خالتي : دامك عرفت اسمها اكيد برضه مكتوب تاريخ ميلادها
الرجل : صح بس اقصد ما يمديني احسب ....
طيب ... عمرها صغير يعني اكيد تدرس بصف كم ؟
خالتي : أوووووو - يعني مستغربة جدا من سؤاله
خالتي: انتا من جدك من الجوازات
في هذي اللحظة تسمع خالتي صوت جارتها ينادي : يااااااااحسن تعال الفطور مين قاعد تكلم ساعة من الصبح
خالتي : اووووووووو ....حسن ..لعنة الله عليك - استغفر الله - ياكـ... ... :hahaha: وتسب وتسب وهو ضحك وصك السماعة
طبعا اخذ المقسوم في السب والدعاوي من الطاقة - الشباك او النافذة- لان بيت خالتي يطل على بيت أم حسن وكانت البيوت زمان جنب بعض مجرد تفتحي الطاقة وتكلمي جارتك --بيوت مكة اللي يعرفها وخاصة اللي في الجبل --
... لمن قالت لنا ..طيب ايش درّاه حسن بموضوع الجواز .. فافتكرت انها بالأمس كانت عند جارتها أم حسن جامعة الجيران في بيتها وتكلمت في الجواز وشكله ولدها لقط الهرجة - كان في المتوسط طايش حركات مراهقين -
يا بنات احذروا من اتصالات مجهولة تدعي إنها تعمل أبحاث وتاخذ عنكم معلوماتكم
متابعة النقاش، صفحة 3