حرقت شعري بمكواة السيراميك

شوفي غلاتي أنا وخواتي نستخدمه السراميك ع أعلى درجه بس مايكون مبلل مره يعني ناشف
وماصار شي لشعورنا الحمد لله <ماهو مثل سراميك
بس صدقيني أستخدمي خلطه للمعه والنعومه لان كثرت استخدامه يعدم الشعر

الله يبارك فيك والله غلاتي ماأحط شي ع شعري أبدا لاقبل ولابعد والحمدلله ماشوف شعري صار له شي
بعكس أحس الكريمات هذي تعدم الشعر لانه تكتمه
بس غلاتي لاتكثرين خلطات ع شعرك ولاتحطيها يوما
ماعليش خرجت عن الموضوع بس حبيت أفيدك من تجربتي بالخلطات

والله كسرتي خاطري ,,

ياعزيزتي انا كنت <<ركزي على كنت ,,استخدم السيراميك وفعلا مثل ماقلتي انو النتيجه تجنن ويخلي الشعر ياسلام ..

لكن بعد فتره تقطع شعري و خرب مع اني كنت اعتني فيه صدقيني لاسيروم ولا غيره ينفع لأن السيراميك اصلا يقطع الشعر والحراره تضر الشعر بعد ممكن مايبين في بداية استخدامك لكن مع الوقت صدقيني بيجيب العيد بشعرك ..

انا خالتي كوافير وخبرة سنيين وقالت لي مهما تسوين السيراميك بيعدم شعرك وهذا اللي صار مع الاسف :(

لكن الحمدلله تلاحقت على شعري ,,وبقولك طريقتي في الاعتناء بشعري وبهالطريقه كل ما احد شافني يقولي وش حاطه ف شعرك؟؟!!!!

طريقتي ياعزيزتي ,, استخدم زيت السمسم مرتين ف الاسبوع ..

واتركه بشعري لمدة 5 ساعات بعدها اغسل شعري بالشامبو وبعد الشامبو احط بلسم وافرك شعري من الخلف للأمام واسوي مساج لفروة راسي لمدة دقيقه ..وبعدها اترك البلسم شوي بشعري يعني دقيقتين الى ثلاث,,واغسله

وببعدين احط بشعري كريم (silver moon)او اسمه معالج الشعر مع العلم انو شعري يكون رطب مانشف ..
واستشور شعري بالهوائي مش الاستشوار العادي .. وبس اذا تبين تلفينه استخدمي اللفافات ولاتستخدمين لاسيراميك ولافير

ويطلع شعرك ياسلام ..

انا عن نفسي لاحظت الفرق بشعري بعد اسبوعين من هالطريقه.. ويارب اكون افدتك بشيء

وبعد حابه اقول لك شيء سمعته من اخصائي شعر انو الشعر ماينغسل بشكل يومي وماتستخدمي عليه الاستشوار او تعرضيه للحراره الا مرتين ف الاسبوع فقط!!

واخيرا,, موفقه

دمتـي بـود...:)