1/ استحضار النيه واحتساب الأجر ( اطعام طعام + صله رحم + ادخال سرور ع مسلم + .... )
2/ رددي دعاء ( اللهم لاسهل الا ماجعلته سهلآ وانت تجعل الحزن اذا شئت سهلآ ) + ( الاستغفار ) + الدعاء ببركه الوقت
3/ شغلي القرآن بصوت مسموع بالبيت وانتي تنظفيه ونظمي نومك مع ابنك وهو صغير مايمشي فاحمدي ربك تقدرين تسيطرين عليه روشيه من الليل واحرصي ع المكيف مايكون بارد عشان بيوم العزيمه بس غسلي وجهه وغيري له وعطريه وجهزي لبسه ولبسك من الليل
4/ خلي نفسيتك هاديه بالحرص ع الصلاة بوقتها وقراءه الأذكار صباح ومساء فيها خير ليومك ولنفسيتك
5/ رتبي افكارك بورقه ورتبي اغراض السفررره من صحون ومغارف وكاسات وكل شي من الليل وغطيهن بسماط نايلون
6/ احرصي على دهان شد العضلات قبل العزيمه بيوم وبعد بيوم اذا ماعندك لياقه لانه كثيرررر بيفيدك
7/ استخدمي مساعده من المأكولات الجاهزه مثل ورق عنب
+ سمبوسه الكبير + سبرنغ رول الكبير + كفته <<< تلاقيهم بالسوبر ماركت قسم المجمدات
وعندك بف باستري تقدري تعملي فيه ميني بيتزا
8/ اعملي نوعين سلطه صلحيهم من الظهر بدون ملح وصوص وجهزي لك بقدونس وحلقات خيار وليمون وحطيهم بصحون وغلفيهن بالثلاجه عشان تزينين فيهن الأكل وقت العشاء
9/ اذا بتصلحي الرز بالبيت فصلحي الكشنه تبعه من الظهر واطبخي اللحم من صلاة العصر
10/ الحلى طبعآ من امس صلحيه
11/ المشروبات والمويه جهزيهن من امس بالثلاجه
12/ القهوه والشاي والبخور والسفره جهزيهم العصرررر +
تنظيف البيت يكون تنظيف كامل من الصباح قبل العزيمه بيوم وشيكي عليه مره ثانيه خاصه الحمامات العصر بيوم العزيمه
13 / المقليات اقليها ع الساعه خمس وانتي فاتحه الشبابيك وبعدها دخلي القلي بالفرن وبخري بيتك
14 / قبل يجون الضيوف ارفعي المكيف خلي المكان بارد وشغلي كل الاضاءات وجهزي العصير والمويه
15 / الاستقبال اهم شئ خليك مرتاحه ومبتســـمه وهاديه ورحبي فيهم بحراره
16 / لو حصل اي نقص او خطأ أو اي شئ خارج عن سيطرتك سيطري ع اعصابك وروقي وابتسمي وقولي ماصار الا الخير معليش
ووقت العشاء لاتنسي البخور و ضيفيهم ولزمي عليهم ويكون الشاي جاهز
وودعيهم بعدين بمثل ماستقبلتيهم من حراره وابتسامه
17 / زوجك بلغيه قبل بلين ولطف انك ممكن تحتاجيه يساعدك بالي يقدر عليه يمسك ولدك او يرتب معك او اقلها يخفف طلباته منك ويسمعك كلمات تشجيعيه واحرصي ماتتجادلي معه لأن نفسيتك مهما كان بتكون متوتره شوي
يايمه ببوفيهي لسلفتي... وش اسوي
متابعة النقاش، صفحة 12