تجمع امهات اطفال نقص الاكسجين والشلل الدماغي (( الثاني))

تسلمي ياقلبي ماقصرتي
ولازم اجربه واشوف كيف:)

مرحب خواتي
طبعا انا ما صارلي فتره في المنتدى
ومثل ما خبرتكم قبل انا بنتي شلل دماغي
طبعا انا اشتغل اخصائيه علاج طبيعي
بنتي حاليا 11 شهر
طبعا في كل انحاء العالم اذا بحثتو بتلقون انواع واشكال من العلاج ومنها تنفع ومنها ما تنفع والي تنفع ما اتشوفو النتائج بسرعه
من خبرتي ف مجال اشوف اباء يجو عندنا العياده وهم متحمسين بس بعد فتره يقل تحمسهم ويصيرو ما يجو
ليش الي انا احسه انهم ما يشوفو النتائج بسرعه طبعا كاخصائيه بقول يحتاجله وقت ولازم صبر بس كام انا بنفسي مليت اريدها بنتي ترفع راسها اريدها اتشوف يعني بصراحه اقولكم الحين عرفت احساس الام لما صرت مكانها

مع هذا جلست ادور على حلول في النت بصراحه انا امكانيتي ما تسمح اوديها اخر الدنيا عشان العلاج وانا ما اعرف اذا اصلا بيفيد ولا لا
ولا عندي المبلغ اوديها خاص وادفع فلوس عشان يقولولي بنتي مب طبيعيه لاني اعرف انها مب طبيعيه الي اجتاجه شو اقطر اسوي عشان اساعدها.
لازم كل وحده فينا تسال شو اقدر اسوي حق ولدي ولا حق بنتي عشان اساعدها
طولت صح الي اريد اوصله لكم عاملو عيالكم كانهم طبيعين خالطوهم مع اخوانهم لا تعزلوهم خلوهم علارض على بطنهم اطول فتره ممكنه
العلاج معكم انتو يا امهات مب مع اي شخص ثاني المعالج ما راح يحب بنتك ولا ولدك اكثر منك فاكيد انتي راح اتعالجيه اكثر واحسن

انا صراحه سويت برنامج لبنتي دامها قايمه وفاتحه عيونها اقلبها اضحكها اخليها اتصيح ماشي راحه بصراحه احسها اتقولي ياليت كنت نايمه بس ماعلي منها
خذيتلي قفازات خشنه شوي واسويلها مساج جسمها كامل بالاول كانت اتصيح الحين صارت تضحك (طبعا هذا بيساعد على تتطور الاحساس عندها) وبعدها اسبحها طبعا كانت تكره الماي بس الحين اتحبه واحسه اتركز لما اسبحها بعدها صرت امسحها وهي في الماي وبعدين افوطها ( طبعا كل هذا انا اقدر اختصره بس هذا كله عشان الاحساس يتطور رنفس الوقت مثل اللعبه)
وبعدين يجي المساج الحقيقي بالزيت وحناني اتموت ف المساج مره ريلاكس ( طبعا لازم اتعرفو كيف اتسون المساج الصحيح مب عشوائي)
بعدها احطها علي بطنها واخليها لمده نص ساعه
واشليها واقلبها وحركات بعدين تستسلم وتنام
من اتقوم يجي تمرين حق العيون لانها ما اتشوف
ادخل غرفه مظلمه ما فيها ضوء وامسك تورتش واسكر عين وحده والثانيه اصوب التورتش عليها مباشر لمده ثانيتين واشيله لمده 5 ثواني وهكذا من اخصل احطها في كرسي ولا نايمه علارض واشغل ليت فيع الوان نفس مال الحفلات واخليها 10 دقائق
وطبعا هي سمعها زين بس بعدني اسوليها تمارين السمع احط اصوات خلف راسها واشغل مثل قران ولا اي شي يخطر في بالي

طبعا بتقولولي ماشي وقت حق كل هذا. ماشي وقت بس نحتاج لمساعده عن نفسي علمت امي وعمتي كل هذه التمارين لما اطلع ولا اروح الدوام مايقصر عليها شي طبعا من التمارين اطلعها برا نص ساعه اتسم هواء ف الحوش طبعا

انا اخبركم شو اسوي ف بنتي بس اريد اوضح نقطه وهي لازم اتشاركي ولدش العلاج مب بس اتودينه للمعالج ولا المعالج يجي البيت
اهم نقطه لا اتحبسو عيالكم يا ف السرير ولا ف الحضن ولا الي مكان ما يقدر يعبر عن نفسه
خلوه علارض خلوه مع اخوانه يسمع اصوات ويشوفهم اذا يقدر 

السلام عليكم و رحمة الله و بركاته ،

أممم حابة أدخل معكم في تجمعكم ،، مع أني بجد محطمة ،،،
مثل ماأنتوا شايفين بتوقيعي ، عندي ولدين ،
الأول اللي عمره أربع سنوات مريض عنده ضمور بالمخ ،
و الثاني اللي عمره سنة و أربعة أشهر تقريبا طيب ماعليه إلا العافية و مجنني الله يصلحه و يهديه و يشفي أخوه ،،،

محطمة ليش ؟
ولدي أتابع به في مدينة الملك فهد الطبية ، طبعا أنا مو من سكان الرياض لكني أبعد عن الرياض تقريبا ساعة و نروح لمواعيد ولدي ،،،
بأعلمكم عن حالة ولدي :
شكله ووجهه طبيعي جدا و جميييييييل بسم الله عليه و الكل يثني على جماله حبيب قلبي ،
عنده ضمور بالمخ ، ماأدري بالضبط وين مكانه بصراحة ،
عنده تشنجات ، يتسخدم علاج كبسولات توباماكس 3 حبات باليوم مرتين ، يعني حبة صبباح و حبتين مساء
و شراب تيقرتول 3 مرات باليوم ، ياخذ 4 مل تقريبا ،
طبعا ولدي لا يحبي ـ لا يمشي ـ لا يتكلم ـ لا يتقلب ـ لا يجلس ،
بس مجرد منسدح على ظهره ،
وزنه جدا قليل 9 كيلو تقريبا ،
محيط الرأس عنده صغير ، 38 سم فقط ، يعني رأسه صغير بشكل ملاحظ ،،،
طبعا اختلفوا الدكاترة في تشخصيهم لسبب مرضه ،
مرات يقولون فيروس ،
و الأطباء اللي ولدوني بولدي الثاني قالوا الأول أكيد عنده نقص أكسجين ، لأنه ماينفع معاي الولادة الطبيعية ،
و ولدي الثاني صار عنده ضعف بالنبض و اضطروا على طول يولدوني عملية و الحمدلله طيب و يمشي مثل أي طفل بسم الله عليه ،،،
طبعا في ولادتي بولدي المريض ، تعبت أخذ معاي الطلق يومين و زيادة و زيادة على كذا أعطوني طلق صناعي و لا حطوا الجهاز اللي يكشف نبض الجنين ،،
و بكرية وولدت خلال أقل من ساعة بس ،
كأني جاية قاعدة على قلوبهم يبون يولدوني على طول ،،،

أكمل لكم عن ولدي ، عندي يسوى الدنيا و مافيها ،
عنده شد بالأعصاب ،
نتابع له عند طبيب عيون و لحد الآن ماقال لنا عن شيء ، بس مشكلة ولدي مايركز أبدا ، الطبيبة تقول من العلاجات ،،،
مرة رحت لموعد له عند طبيبة المخ و الأعصاب ،
حطت الكشاف على عيونه و كان هو أصلا مدخدخ يبي النوم ، و لاتابع النور ،
فقالت لي بصريح العبارة ترى ولدكم أعمى ،،،

بصراحة ذهلت ،،
قلت لها كيف أعمى و الولد يتابعني في البيت ،
كيف اعمى و أنا إذا لاعبته و طلعت من المكان اللي موجود فيه يبكي و يطلع أصوات و كأنه متضايق يبيني أرجع ،،،
قلت لها يمكن مو مركز علشان فيه النوم و لأنه يستخدم العلاجات للتشنجات و هي تشتت التركيز عنده و ذا الشيء معروف ،،،

سألتها مرة : قلت فيه احتمالية يمشي ،
قالت ولدكم ماراح يمشي ، بيظل طول عمره كذا ،،،
ليش التحطيم ،، و الله أني خرجت من الموعد و أبكي بكاء ربي يعلم فيه ،،
العلاج الطبيعي عندهم بمدينة الملك فهد مرة كل أسبوعين ، وش يفيد فيه ، ماراح يفيده أبدا ،،،
جبنا طبيب للبيت ياخذ 50 ريال على الجلسة ، تحسن فترة ياربي لك الحمد ،،،
لكن الشد مازال معاه ،،
شرينا له وقافة بذاك المبلغ ، وقفناه ، تضايق منها ،، و ماشفت تحسن ،،
ماأتحمل أشوفه يبكي ويتضايق ،
دمعته تعذبني و الله ،،،
أحبه من كل قلبي ،
أحاول أوضح للناس تماسكي ،،
يجرحوني حتى أقرب الناس لي ،، لكني أسكت و أمسك دمعتي ،،

ولدي صحيح أنه معاق على قولة الناس ،
لكنه يمكن يكون سبب في دخولي للجنة ،،،

صحيح يتعبني ، حتى بالاكل متعب ،
أكله أعطيه إياه بالرضاعة مهروس هرس ناعم ، و يقعد ساعة إلين يشربه كله ،،
و مع ذلك يشرق شوي ، و يستفرغ مرات ،،،
قالوا لي الدكاترة نحط له أنبوب ،
رفضت بقوة ،، لأني عارفة مشاكل الأنبوب ،
و بما أنه ولدي يرضع و يقدر يمص حلمة الرضاعة نعمة و الله نعمة ،،
مايهمني أني أنا أتعب ، أهم شيء هو ،،،

طبعا بعد حملي بولدي الثاني اضطريت أقدم على خادمة ،،
و ماجاتني الخادمة إلا يوم كملت الشهر السادس تقريبا ،
كنت أشيل ولدي ، كنت أجلس فيه أرضعه ،
و كانت أمي مرات تهاوشني تقول لا تشيلينه كثير ، تراك بتتعبين ،
زوجي مايقصر إذا هو موجود مايشيله إلا هو ،،،
و الحمدلله جات الخدامة و شالت عني عبء كبير في البيت و شغله و الغسيل و صار وقتي كله لولدي ،،
ولدت بالسلامة في مدينة الملك فهد بقيصرية و أمي نامت معي يوم ، و أختي الكبيرة اهتمت بولدي الكبير ، ربي يجزاهم خير و لا يحرمني منهم ،
اليوم الثاني أمي اضطرت تطلع و تخليني علشان ولدي ، لانه متعلق فيني و في أمي ، و هو عند أختي بس يون ، و ضايق ،
راحت أمي له ، بس يبكي ، كلمتني و حطت الجوال على السبيكر و قالت كلمي ولدك ، يبكي و عجزت فيه ، أكيد فاقدك ،
و الله يابنات من يوم كملته و ناديت عليه سكت ، أمي تقول بس يدور مصدر الصوت و يضحك ، و تحسنت نفسيته حبيبي ،،،
قعدت أربع أيام بالمستشفى و طلعت ،
اضطريت أعلم الخادمة كيف ترضعه و تأكله ، لأني ماأقدر أجلس كثير و أمي ماقصرت بس صعب عليها تجلس و ياخذ وقتها كله بالرضاعة و الأكل ،،،،

قبل حملي كانوا الناس يتكلمون يقولون هذي ماتجيب إلا أطفال معاقين ، من طفل واحدا حكموا ،
و زوجي ماسلم ، كلن يتكلم و يقول له تزوج ، هذي ماتجيب غير معاقين ،،،
و ربي أكرمني بولد طبيعي ماعليه إلا العافية ،
و الله أنه شايل البيت بحركاته و شقاوته و نباهته بسم الله عليه ،،،
كل من شافه انهبل عليه ،
و سكتوا اللي تكلموا ،،،

كثيرين يقولون لي ودي طفلك لمركز معاقين ينام عندهم و يهتمون فيه ، مافيه فايدة منه ،،
كيف مافيه فايدة منه و هو يفهم ، و يبكي إذا تألم ،
يسمع صوتي أو صوت أمي و يضحك ،،
يازينه بس و يازين ضحكته و كل شيء منه حلو حبيب قلبي ،،،

آاااااااااااااا ه ياجدتي ، ياماجرحتيني و أنت ماتدرين ،
دايم كل ماشافته تدعي ،
تقول يابنتي و الله دايم أدعي له ،
ياربي يشفيه أو يقضي عليه ،، يعني يموت و ترتاحين ،
هي كبيرة بالسن و مريضة ،
بس تجرحني هذي الدعوة ،،
و الله لو أفقده ماأتخيل حياتي بدونه ،،
أحببببببه من كل قلبي ،
اليوم اللي أحطه عند أمي علشان أروح السوق أفقده و أرجع لأهلي آخذه بس أشمه و أحبه حبيب قلبي ،،،
ماني عجزانة عنه ، بس مرات كلام الناس يسم بدنك ،،،
مرات أتجاهل كلامهم و أقول هم ماحسوا بالنعمة اللي أنا عايشة فيها ،،،
و الله مرات تنفرج علينا هموم وش كثرها و تتيسر أمورنا ، و أنا متأكدة أنه بفضل ربي و رعايتنا لولدنا و الحمدلله ماقد تذمرنا أو اشتكينا ،،،
بس الناس لو يتركونا بحالنا نرتاح و الله ،
أنا تزوجت و أنا متخرجة من ثالث ثانوي ،
الحين عمري 22 و عندي ولدين ،
الكبير ولدت فيه و عمري 19 تقريبا ، كلن كان يوقل صغيرة و كذا ،

و الحين أسمع الناس يقولون ياحرام تبهذلت و هي توها صغيرة ،
أو اللي تقول / ليش أنت نحيفة ، أكيد علشان همك وولدك ،
أنا نحيفة خلقة ، و الحمدلله ماأعتبر هذا هم ، بالعكس مستمتعة برعايتي لولدي حبيب قلبي ،،،

طبعا أنا جاتني عين من يوم تزوجت و ماأحد خلاني بحالي و كلن تكلم ،
وش لقيت منهم ،، الله يكفينا شر عيون الناس بس ،،،

طبعا أنا ناوية بإذن الله الأسبوع الجاي أبدأ بطريقة الرقية الشرعية للشيخ عادل المقبل ، للشفاء من العين و السحر و جميع الأمراض ،
بأستخدمها لي و لزوجي و لعيالي الاثنين ،
مكونة بس من عسل أصلي و زيت زيتون أصلي و موية زمزم ، بأحط طريقتها برد ثاني بإذن الله ،،،


طبعا ولدي مالقى العلاج الطبيعي المكثف ،،،
ساكنة بعيد عن الرياض و مدينتنا مافيها ذاك الاهتمام ،،
علاجهم الطبيعي 10 دقايق بس و أي كلام ،
فصرنا نجيب الطبيب للبيت ،
و بعدها تركنا و شاف ناس غيرنا ،
صرت أدلكه أنا مرات و مرات الخادمة و مرات زوجي ،،
و الحمدلله على كل حال ،،،



نصيحتي لكل واحدة حامل
* لاتفكرين كثير بأن طفلك بيجي مريض مثل أخوه أو أخته ، بتتعبين ، و الله تعبت نفسيتي لمن كنت حامل بولدي الثاني ، بس أمي ربي يخليها لي كنت دايم تصبرني و تقول ربي قادر على كل شيء ، وصتني أقرأ سورة البقرة كل يوم و أمس على بطني من الماء اللي أقرا فيه سورة البقرة و زيت الزيتون ،،
و الحمدلله تم حملي وولدي جاء طبيعي و ربي حفظه من كل شيء ،، هذا غير تحسن النفسية لمن تعلقين قلبك بربك و تتفائلين خير ،،
* لازم تعلم طبيبتك بوضع طفلك المريض علشان يعتنون فيك أكثر ، تابعت أنا في مدينة الملك فهد علشان ولدي المريض يتابع عندهم و فتحوا لي ملف علشان مايتكرر نفس الشيء في حملي الثاني ،،
لقيت منهم عناية ماشاء الله ، الله يجزاهم خير ، و كانوا حريصين مرة ..
* حاولي أنك ماتسيلين طفلك كل شوي ، لأنك راح تتعبين ، أنا أمي كانت تحذرني ، بس ماكان عندي خادمة إلا يوم وصلت السابع تقريبا ،
الآن دايم ظهري متعبني بشكل غير طبيعي ،، إذا وقفت كثير و ااشتغلت خلاص يتعبني ،،
*أكثري من الدعاء أن الله يحفظ جنينيك و يكون سليم من غير زيادة أو نقصان ،، و ربي ماراح يخيبك بإذن الله ،،



حبيبت أفضفض شوي و أطلع اللي بخاطري ،،
و الله يصبرني عندي موعد بــ9 / 7 عند دكتورة المخ و الأعصاب و الله يعينني و يصبرني على الكلام اللي بتقوله لي ، و يارب يخيب ظنهم و يشفي ولدي ،،،

طبعا عندي السبت اللي بيجي موعد تحليل لنسبة العلاج في الدم ، لأن التشنجات مازالت متعبة ولدي حبيب قلبي و مستمرة ، و الله ييسر له ،،

أم حناني ،
الله يشفي بنتك و يخليها لك ،، و يشفي ولدي ،،
بصراحة من ناحية أنه الطفل لازم تخلينه يشارك أخوانه و كذا صادقة و الله ،،،
أنا قبل ماأجيب ولدي الثاني ، كان ولدي مايركز و دايم بس نايم ،
الآن أخوه كبر و بدأ يمشي ، و أنواع الإزعاج ،
بس تشوفين ولدي الكبير يدور الأصوات و يضحك ، طبعا أخوه الصغير ماقصر ، أزعجه ،
بس الكبير يضحك و يستانس لمن يسمع صوت أخوه ،
و قد قال لي طبيب مرة أنه علاج أطفال الشلل الدماغي بعد مايمشون تخالطونهم بالناس ، علشان يتحسن كل شيء عندهم ،
و راح يتحسن السمع و النطق و البصر و التفكير ،
بس إن شاء الله ربي يكرمني بشوفة ولدي يمشي و يتكلم ..

طيب هذي وصفة الشيخ عادل المقبل لمن تريد الاستفادة منها :



و يارب يفرج علينا و عليكم ..