السلام عليكم
ازيكم يا بنات
يارب تكونو كلكم بخير يارب
انا عارفة انى مقصرة معاكم بس اعذرونى النفسية تحت الصفر
والدورة طولت جدا معايا المرة دي وجت قبل معاد التحليل ب 4 ايام اول مرة تحصلي مع انها تالت عمليه ليا بس يمكن عشان انا اخدت ابر سيوله المرة دي
وعلى فكرة يا بنات الدكتورة ثريا لما سالتها عن سبب عدم ثبوت الاجنة عندى كل مرة مع ان الاجنة بتكون درجتها ممتازة على كلامهم والرحم بيبقي سمكه مناسب قالتلي مفيش سبب هى ارادة ربنا وده نفس الكلام اللي الدكاترة بيقولهولي في مصر بعد الفشل كل مرة وقالتلي ان هيجى لهم جهاز فحص الاجنة على شهر 7 علشان يشوفو اذاكان في تشوه او خلل داخل الجنين او لاء قبل ما يرجعوه بس انا لسه بصراحة مقررتش اذاكنت هعيدها هنا تانى ولا لاء بجد تعبت ومفيش حل تانى ادامنا غير العمليات والعمر بيجري الحمد لله على كل حال
ام اسمى وكل المنتظرات والمقبلات عالعمليه يارب يفرحنا بيكم يارب
نانو حبيبتى مش كان المفروض معادك في شهر 4 ؟؟؟؟؟؟؟؟؟
بنات انا مسافرة بكرة ان شاء الله لو حد زعلان منى اتمنى انه يسامحنى
يارب ارجع الاقي الملف كله اخبار حلوة
شكرالكل اللي دعولى وسالو عنى بحبكم كلكم في الله
استودعتكم الله الذى لاتضيع ودائعه
ولا تنسونى من صالح دعائكم
ملف المقبلات على اطفال الانابيب والحوامل في دولة قطر (التجمع العاشر )
متابعة النقاش، صفحة 153