...........
عائشة : ميري نآدي غيداء
قولي لهآ تجهز أغرآضهآ اليوم بنروح الشرقيه – مامداهآ تكلمت الا غيداء
دآخله - : صدددق اليوم وآآآي فلله
عائشة : يالله أنتي رتبي أغرآضك ترآ فهد عصصبي ومستعجل بعد
يعني دقيقه مأيبغى نأخره وأن تأخرتي ترآ بوريك يالله طيرآآن
غيداء : يمّه عمه أروى مو جآيه معنآ ؟
عائشة : عمّتك أروى الله مستعآآن بالشرقية ؟
غيداء : ماشاء الله رآحت ولآ دريت عن شيء
عائشة : أمس جت بس كنتي نآيمه
ترآ فهد يقول نص سسآعه وأنآ عندكم
غيداء : يووووه مآيمديني أبغى أخذ لي شور وأرتب
أغرآضي خييير نص ساعه وبعد توقعي يجي قبل
عائشة : عآد مأعلي , طيب بدل هالكلام أخلصي
علينآ وروحي
غيداء : طيب
..........
فهد – بملل - : ماشاء الله متى نآويه تجي بنت ولدك؟
عائشة : مدري يآولدي أصبرعليهآ شوي
فهد : لنآ ثلث سسآعه ننتظر
عائشة : يآولدي أصبر ببتروش ( تستحم – تآخذ له شآور)
فهد : لآ ماشاء الله عليهآ مطوووله طيب دقي عليهآ !
عائشه – تعطيه الجوآل - : طلع رقمهآ
فهد : ليش ؟
عائشة : يآولدي ما اعرف
فهد : أوكي , تفضلي هذا الرقم
عائشة : دق عليهآ
فهد : طيب سمي
عائشة : لآ أنت دق عليهآ أنآ مآفيني حييل تعبآنه
فهد : يمه وشو مآفيك حييل وش دخل التعب بس قولي
لهآ تجي لنآ سساعه ننتظرهآ – ردت غيداء وسمعت كلامه - : طيب اللحين جآيه
عائشة : خلاص اللحين تجي
فهد : طيب يمّه ترآ عمه لولو بكرى بتروح ان شاء الله
ليش مأتروح معآهم
عائشة : شف يآفهد أنآ رجلي مآرآح تتحرك من البيت الآ ومعي غيداء
لآ ترفع سكري وضغطي
فهد : بسم الله عليك
عائشة : هذاهآ جت
فهد : مآبغت تجي
..................
غيداء : السلام عليكم
فهد وعائشة : وعليكم السلام ورحمة الله وبركآته
غيداء – تأشر ع السلة - : يمــه هذي السلة نبغآهآ
عائشة – تذكرت - : أييه نسيتهآ جيبيهآ الله يعآفيك
غيداء : طيب
فهد : يمّه أن آمو قآيل لكم مآنبغى شآهي ولآ قهوة
بمر ع البقآله نشتري عصير وحلويآت
عائشة – بعناد - : جب لك أنتي وغيداء بس أنآ ما أبغى غير
شاهيي وقهوتي
فهد : سمي , - من دون نفس – غيداء وش تبغين
غيداء – باحترآم -: سلامتك
عائشة : غيداء لآ تستحين يابنتي قولي اللي تبين وين اللي بالبيت أبغى
مدري أيش ومدري أيش
غيداء – مو مصدقة خبر - : صدق
عائشة : ايه
غيداء : لو سمحت أبغى بطآطس بالفلفل وبالملح والخل وو كندر وسنكرز
وكروسآن و ثلاث علب بيبسي تعرف الطريق طوويل
عائشة : ههههههههههههه كل هذولي ؟
غيداء : ايه
فهد – ضحك بنفسه تذكر بيداء وكثر طلابآتهآ وتكتف - : وبــعد مآتبغين
شيء ثآني ؟!
غيداء : واذا ماعليك أمر بونتي ووبرنجلز
عائشة : ماشاء الله عليك قولي كل البقآلة أحسسن
غيداء : هههههههههههه
............
فهد مآيدري وش قآلت وأخذ كيسه
وعبآهآ حلآو مآيدري وش هي
.........
فهد : دوك هذي أغرآضك
غيداء – بصوت قصير - : مششكور
فهد : العفو
...
غيداء جلست تطآلع الكيسة وتفكر بفههد : يعني
فهد مو لذيك الدرجه سيء لكن يبقى فيه شوي
مدري يمكن بس عششان جدتي والله أعلم
لآ لآ حرآم ليش أظن به سسوء مدري عنّه وعن نويآه
...
فهد – متحمس - : ايه أقولك جآء وهاوشني لين قآل بس ,
وطبعاًَ أنآ سآكت وعصصب صدق لمآ سكتّ معي يمـّه
عائشة – نايمه - :.............
غيداء – ضحكت بصوت قصير وبنفسها : حرآآم له سآعه
يتكلم وأخر شيء نآيمه ههههههههه أرحمه
فهد : يمّّه
عائشة : ..........
فهد : يمّه يووه يمّه وينك ؟!
عائشة : .............
فهد – صرخ - : يماااااااااااااه
عائشة – قامت خآيفة - : بسم الله وصلنآ ؟
فهد – يضحك على شكلهآ - : هههههههههه لآلآ نآمي نآمي
حطي هذي الوسآدة تحت رآسك
عائشة – أخذت الوسآده ورجعت تنآم –
فهد : ماشاء الله وتقول مآعمري نمت ومدري أيييش ؟!
غيداء – بنفسها - : نفس الشيء !
...
غيداء – بملل - : كم بآقي ؟
فهد : ساعه تقريبآ نآمي أحسسن لك وفكينآ من الخربشة
أبغى أنآظر الفلم زييين
غيداء : أقول أنتبه لسوآقتك اللحين تصدم !
فهد : تعلميني ! , أقول نآمي وفكينآ
.......
عائشة : غيييداء قومي يآبنتي قومي وصلنآ
غيداء : همممممم بنآم ششوي
عائشة : وش تنآمين شوفي بيت خآلد يالله قومي
يالله
غيداء : دقيقة وأقوم
عائشة : يآبنت فهد بيصك السيآرة قوومي
غيداء – ماتدري وش تقول - : خلاص خلوني وصكروآ السيآرة بنآم
عائشة – تكلم فهد بقلة حيلة - : خلاص فهد دخل السيآرة دآخل البيت ونآد
بيداء ويآسمين وعائشة يقومونهآ
فهد : ان شاء الله
.........
بيداء : يآسسلام يالله بنآت بأي طريقة نقوم غيداء
ياسمين : أنآ أقوول نصآرخ وبتقوم مفجووعه
بيداء : لآ لآ
عائشة : نجيب ثلج ومآء بآرد ونخليهآ تسبح سبآحه
ياسمين : الفكرة زينه بس المشكله أنهآ بسيآرة فهد
بعدين بتصير مليآآآنه مويه وبيعصب علينآ
عائشة : ايي صح صآدقة
بيداء : أقوول أسكتي أنتي ويآها مآرآح يقول شيء
وأن قآل أنآ لهآ
عائشة : ههههههههههههههههههههه خببله
ياسمين : حلووه أنآ لهآ
بيداء – بحماس - : طيب يالله بلا كلآم زآيد بروح أجيب المويه والثلج وأنتم أنتظروني
ياسمين وعائشة : ان شاء الله
........
ياسمين – تهمس - : بنآت وشرآيكم الثلج نحطه بظهرهآ
وأول مآتحس فيييه نكب عليهآ الموويه
عائشة : آييه فكره حلووه
بيداء : يالله
غيداء – تحرك ظهرهآ - : اييييي بآرد
الجميع : هههههههههههههههههههه
غيداء –جليست ونصهآ نووم - : بآرد وش فيه بظهري
- أول مآقآمت: بيداء كبت عليهآ المويه –
غيداء – انتفضت وصرخت - : هييييييييييييييييييييييييي
أنتي ويآه وش هذا
غيداء – تمسح عيونهآ نآسيه أمر المويه - : أنآ بحلم ولآ علم
أنآ أشووف بيداء الحلوه قدآآمي
بيداء – بحيآ - : لآلآ بلعم
غيداء – تضمهآ - : يآلبىىى أخيييرآآآ أخييرآآ كفيك ؟
بيداء : بخيير الحمدلله وأنتي ؟
غيداء : أنآ تمآم الحمدلله
ياسمين وعائشة : وحنآآآ ؟؟! مآلنآ ضضمه
غيداء : يآبعد قلبيي أنتم , تعآلوآآآ أضمكم
بيداء : ههههههههههههههههههههه
غيداء : ويين يمّه ؟؟
عائشة : يمّه الله مستعآآآن من زمآآن دآخله
غيداء : طيب وشخبآر عنووده وكتوكته الصغنون ؟
بيداء : بخيير الحمدلله كتكوته يطآآمر ومآغير يصيييح
أزعجنــآآ بقووة الله يفكنآ منّه
غيداء : وكلهم موجودين
ياسمين : أي وفيه رش رش
غيداء – بفرحه - : جد ؟
ياسمين : آي بس تسوي نفسهآآ مره بعد شوي
بتجي معنآآ
بيداء : المشكله أنهآ كبرر عيووش يآلبى قلبهآ بس تتنآزل لنآ
عائشة – تسوي نفسهآ مستحيه - : تسلميين ^^
غيداء : ييييييييييييييييييع عيوووش مآيليق عليك الحيآ
بيداء : أي صآدقه أببد مو لآبق
ياسمين : أقوول بلآ كلآم زآيد ويالله ندخل
الجميع : يالله
......
غيداء : الحمدلله ع السلامه عنووده ماشاء الله صرتي أم
وبيوود خآله وعمه نوره (أم العنود وبيداء ) جده
العنود : الله يسلمك يآحبيله ولدي سوآ أشيآء كثيره بوجوده
غيداء : هههههههههههههه , عآد مآودك توريني ايآه ؟
العنود : آكييد – تشيله من سريره -
غيداء – تبوس خده : يآآآمللحه بسس كتكوت
العنود : تسلميين
غيداء : وتسمينه حمد أحسسه قدييم مره
كآن سميتي نوآف فيصل يآكثر الأسماء وقفت على حمد
العنود : كآن صرآحه بنفسي لكن زوجي يبغى نفس أسم أبوه
غيداء – تغمز لهآ - : يآعيني عليك يآمطيعه
العنود : شفتي , عآد مين يشبه ؟
غيداء : أمممم تقريبآ عمي خآلد
العنود : قصدك أبوي
غيداء : اييه ليه ؟
العنود : أنتي أول وحده تقول أنه يشبه أبوي
كلهم يشبه زوجي
غيداء : عآآد وأنآ وش درآني يمكن أذا شفت زوجك
أشبه علييه لكن اللحين مقدر أحدد !
العنود : اييه وشلونك أنتي؟ ترآ من زمآآن عنّك المره اللي رآحت
ماجيت ومآشفتك
غيداء : يآحبني لك , الحمدلله تمآآم زي مآتشوفيني
العنود : وشلون أمك هند ترآي أحبهآ كثيير
غيداء : يآحبي لهآ تمآم الحمدلله
العنود : وشخبآر رند ؟
غيداء : يآحبيلهآ كتوكوته زغنوونه
العنود : وو غلاوي مآغآرت منهآآ
غيداء : كثييير قبل كم يوم كلمت مآمآ وتقول
أنهآ نااشبه فيني وين مآتحركت
العنود : ههههههههههههههه يآعمري تخآف تسوي لرند
شيء ومآتسوي لها
غيداء : ايه هذا بلاهآ , يقولون أن حمودي مزعج وصيآح صدق
العنود : مرره مقدر أنام عششانه بالحيل مزعجني
غيداء : الله يعينك بس
العنود : آميين
غيداء : وكم عمره الجمييل ؟
العنود : أمممم أصبري يمكن 21 يووم
غيداء : ماشاء الله عقبال مآيصير سنه
العنود : خيير عآد يصير أصغر منّي بسنه
غيداء : هههههههههههه تخيلي
العنود : يآملحه
غيداء : يالله الأزعآج ينآدوني
العنود : ههههههههههههههه مالومك يوم سميتيهم
ازعآآج !
................
فهد : وشلونك بآبآ ؟
خالد : الحمدلله بخيير
محمد ( الجد ): ماشاء الله متى جيت ؟
فهد : جينآ قبل سساعتين تقريبآ
خالد : ومعك أحد ؟
فهد : ايه يمّه وغيداء
خالد : وشلونهآ غيداء ترآي من زمآن ماشفتهآ ؟
فهد : ان شاء الله أنهآ بخير
خالد : دق على بيداء أبغى أسلم عليهآ
محمد : وأمك عائشة وشلونهآ ؟
فهد : هههههههههههههههههههههههه يآعيني ع الوفآء يبه
يمّه عائشة بخيير الحمدلله وتسلم عليك
خالد : وشخبآر فزآع ؟
فهد : الحمدلله تمآم
خالد : الحمدلله وشخبآر أهله ؟
فهد : ماشاء الله بخير
خالد : روح مع الشباب بالملحق تلقآهم
فهد : وشعندكم أنتم مو معهم ؟
محمد : مدري وش يلعبون وبس صرآآخ أزعجونآ الله يهديهم
خالد : آميين
فهد : آجل شكل السآلفة فيهآ طق وطقيق برووح لهم ركض
خالد : هههههههههههههههههههههه طيب شوي شوي ترآ عمرك
أربع وعشرين مآبقآ الا شوي وتدخل بالخمس
محمد – بابتسآمه - : الله يصلحه ويزوجه
خالد : آميين
محمد : ومتى نآوي يتزوج ؟
خالد : مدري عنّه اذا فتحت الطآري له صكه ومآخلاني أتكلم
أنآ بسكت اللحين وبعدين يحله الحلال
محمد : ان شاء الله
خالد : وأنآ ان شاء الله بقول لنوره وأمي يدورون له وان شاء الله
مآرآح يقصرون
محمد : أنت أول أقنعه
خالد : ان شاء الله , نوره تمدح بنت لصديقتها
وشكلهآ زينه عآد أنآ أول بقول لفهد وبعدين نشوف وش يصير
محمد : يآولدي وش فيك مستعجل علييه خله يستآنس بشبابه
وبعدين الزوآج مو مشكله وبعد كم شهر اذا عقل زوجه
خالد : اللي تشوفه يبّه
محمد : بآرك الله فيك يآولدي
خالد : وفيك
.............
بيداء – جوعانه - : غيووود روحي جيبي لنآآ شيء نآكله
غيداء : لآ يآشيخه أنتي رآعية البيت روحي أنتي
ياسمين – تطيح رآسهآ على رشا - : لآ صدق أنآ جووعآآنه
رشا : وأنآ بعد
عائشة : وين الكرم بيداء ؟!
بيداء : أقوول بس كلكم تعرفون وين المطبخ خلاص روحوآ وكولوآ
عائشة : لآ أشكآلنآ غلط
بيداء : وشو أشكآلكم غلط بيت خآلك
ياسمين : غيوود أنتي الحبيبه تكفيين روحي جيبي
غيداء – تاقف - : ياسلام وقفت علي أنآآآ ماشاء الله
فيه عندنآ عوواشه ورش رش وياسموونه وصآحبت البيت
بيوود ورآه أنآ ؟
بيداء : يآبنت الحلآل دآمك وآقفه أنتي أنشط وحده فينآ ماشاء الله
روحي وجيبي لنآ شيء تكفيين
غيداء : طيب وش أجيب
بيداء – بابتسامه -: فيه بالثلاجه كم حلآ وحلآو وفي قهوة أكييد جيبهم
غيداء : ماشاء الله بعد مآتبغين شيء ثآني ؟
بيداء : سلامتك
ياسمين : وبسسرعه ترآني جوعآآنه
غيداء – تفتح بآب الغرفه- : آوآمر ثآنيه مسس ؟
......
المطبخ يفتح على بآبين بآب ع الحوش عند الملحق
وبآب ع الصآله
.............
في نفس الوقت
خالد : فههد روح جيب القهوة
فهد : تامر أمر
خالد : الله يبآرك فيك
.........
كآن المطبخ فآآضي
غيداء رآحت المطبخ وأخذت الحلا والحلآو ورآحت تبغى تشيل القهوة شوي ويدخل فهد
غيداء – تلمس القهوة - : لآ وبعد بآآرده – تفتح النآروجلست على
أقرب كرسي
فهد : ................
غيداء – رفعت عيونهآآ وشافت فههد منصدمه
جلست كم ثانيه تستوعب ودقيه ورآحت تركض
فهد – بنفسه - : ميين هذي ؟! شكلهآ رشا لآلآ ما أتوقع
لآ والمشكله أخدمتني جهزت القهوة وراحت
وأنآ بعد وش دخلني من تكوون رشا ولآ غيرهآ
بس فيهآآ شيء يجذب مدري أيش هو ؟!
.......
غيداء – منفجعه - : يآآآآآآآآآآآآآل
ياسمين : وش فيك ؟
غيداء : أكرهكم ؟
عائشة : اللحين وش سآلفتك من دخلتي بس تهآوشين !
غيداء : كنت بالمطبخ على حسب أوآمركم
وشوي ويدخل فههد
بيداء : هههههههههههههههههههههههههههههه
ياسمين : ههههههههههههههههههههههههه
عائشة : لآ ما أقدر هذي ثآآني مرره
رشا – ماقالت شيء لآنهآ تصنمت يوم سمعت أسم فهد ( من صغرهآ وهي تحب فههد )
غيداء : مآآآلت علييكم بس !! أنآ مفجووعه وأنتم تضحكوون !!
عائشة : ههههههههههههههههههههههه طآلعوآ ايدنهآ ترتجف
ياسمين : ههههههههههههههههههههههههههه لآ من جد غيداء شكلك
لوووول
بيداء – تضم غيداء باستهبآل - : حرآم عليكم ترآهآ اللحين خآدمتكم
المفرووض بدل هالضحك تشكرونهآ
ياسمين : يآبعد قلبي أنتي
عائشة : لآ عآد تصدقيين غيداء أن الجووع رآح مع الضحك
غيداء – تضرب رآسهآ - : أي صح نسييت القهوة ع النآر
ياسمين : ماشاء الله عليك
بيداء : يالله بنآت خلونآ ننزل تحت بس
عائشة : يالله
...
كلهم أستغربوآ من رشا اللي ماضحكت ولآ علقت على شيء
أمآ رششا فكآنت تغلي من الغيض تتمنى أنهآ كانت مكآن غيداء
...
بعد يومين
عائشة : غيدآآء ورآك مآسولفتي علي من جينآ ؟
غيداء : يآحبيك يمّه تعرفين أنشغلت بالبنآت
بنآدي البنآت ونجي نسولف معك كلنآ
عائشة : لآ يابنتي رآسي يوجعني البنآت بزعجوني
أكثر تعآلي بس سولفي معي أنتي
غيداء : ان شاء الله , وشلونك يمّه ؟
........
بيداء : تكفيييييييييين يمّه
العنود : والله دآيم جآلسه بالريآض ومآعمرك نمتي معنآ
بالشرقية !
عائشة : يآبنت الحلآل مآا أقوى أخلي بيتي ويبّه يكفي
بيداء : لآ مآيكفي تكفيين
العنود : وبعديين يبه بيرجع
خالد : يمه أجلسي عششان خآطري وخآطر البنآت
وخآطر نوره
عائشة -: يآبنتي ودي بس أخلي غيداء لحآلهآ
بيداء : تجي معك
عائشة : لآ ي بنتي والمدرسه وبعد الأمتحآنآت مآبقى عليهآ شيء
خالد : يآسمين موب مقصصره معهآ وخوآتي بعد
العنود : أي يمّه بس أجلسي
بيداء – بالحآح - : يمّه الله يخليك
عائشة – بتفكير - : خلاص بجلس
بيداء – نقزت - : وآآو – تبوس راسهآ -
عائشة : وغيداء مع مين تروح ؟
خالد : لآيهمك يمه أبوي وغيداء بيروحون مع فهد
عائشة : زيين
...........
غيداء تضآيقت كثيير يوم عرفت أن يمّه عائشة
ماراح ترجع الآ بعد كم أسسبوع
: يآربي مقدر أسوي شيء بدون يمّه –تنهدت –
الحمدلله أن يبّه بيجي معآآي ولآ كآن طحت بخبر
كآآن - جآهآ أتصآل من البتول شافت الشاشة
مكتوب فيهآ بتووله وأبتسمت -
..........
البتول : السلام عليكم ورحمة الله وبركاته
غيداء : وعليكم السلام ورحمة الله وبركآته
البتول : أهلللن
غيداء : يا أهللن وسسهلا
البتول : وشخبآرك ؟
غيداء : تمآم الحمدلله وشخبآرك انتي ؟
البتول : آطآمر الحمدلله
غيداء : دووم
البتول : تدوم أيآمك
غيداء : اشتقن آلك يآفقده
البتول – بحزن - : وأنآ أكثر
غيداء : آيوآآ وشخبآر فرنسا ؟
البتول : ماشيء الحآل
غيداء : طيب وصآدقتي أحد شيء
البتول : أي كثيير
غيداء : ميين ؟
البتول : ثنتين مثلي من السعوديه ووحده أبوهآ سعودي وأمهآ
من فرنسآ
غيداء : آخر وحده رحمتهآ صدق
البتول : عآآد وأبوهآ متبري منهم مآيعرفونه ولآ يعرفهم
غيداء : لآحول ولآ قوة الآ بالله الحمدلله ع النعمة
البتول: والثآنيه جآيه هي وأبوهآ وأخونهآ أمهآ متوفيه وأبوهآ
له شركه هينآ
غيداء : أي وبعد ؟
البتول : والأولى مثلنآ
غيداء : يابعد قلبي ايه الله يوفق الجمييع
البتول : آميين الا وينك ؟
غيداء : بالشرقيه ؟
البتول :جد وش ودآك ؟
غيداء : آمممم بنت عمي مولده ورحنآ نزورهآ
البتول : آهآ كذا , ومتى بترجعون ؟
غيداء : ان شاء الله بكرى بس اللي قاهرني يمه مو رآجعه معي !
البتول : ليييش ؟
غيداء – بحزن - : مدري بتجلس عند عمي وكذا وأنآ برجع لحآلي
البتول : الله يعينك
غيداء : آميين
.........
بعد أيآم
غيداء كانت تمر عليهآ الأيام بملل
تحس أن يمّه عائشة مهمة بالنسبة لهآ
....
غيداء – بملل - : يبّه محمد متى تجي يمّه ؟
محمد : مدري عنهآآ يآبنتي
غيداء : يبه مليييت صدق أبغآهآ تجي
محمد : تجي قريب ان شاء الله
غيداء : طيب أنآ ملييت
محمد : الله يهديك يآبنتي – يرفع العصا- لآعآد تعيدين
هذي الكلمة سسامعه
غيداء : سم يبه
محمد : خلي صديقآتك يجونك
غيداء – نقزت - : والله فكرره مو شينه
محمد : سوي اللي تبغين بس روحي جيبي لي
كوب عصير أبل فيه ريقي
غيداء : من عيوني
.............
غيداء عزمت صديقآتهآ وشيلم ^^ ويآسمين وعائشة
......
ياسمين : غيوود طلعي الحلا من الثلاجه وحطي
عليه شكولآته
غيداء : طيب وأنتي قطعي الكيكه
ياسمين : أوكيه
غيداء : وين عيووش ؟
ياسمين : أظنهآ عند يبه دقيقيه وتجي
غيداء : لأني بشغلهآ
ياسمين : ههههههههههههههههه وأنتي ما في أحد سلم منك
غيداء : اقوول أسمع صوت شكل بعض البنآت جوو
ياسمين : يالله نطلع لهم
غيداء : يالله
...........
منيرة : ايه هذي عائشة ؟
ياسمين : هآو أنآ ياسمين
منيرة – باعتذار - : آسسفه خربطت
فتون : منيره أحيآنآ تحووس
ريوف : وين فرح وشيلم ؟
عائشة : مآجوو للحين !
منيرة : طبعآ مآيبغآ له فررح بتجلس ساعه
تتكشخ
ريوف : وشيلم مآندري عنهآ ^^
منيره : عائشة بآي صف ؟
عائشة : بثآني جآمعه
ريوف : موو بآين أبداُ
منيرة : آيي صدق
عائشة : يآكثرهم اللي يقولون كذا بس ايزي
فتون : أنآ اللحين اذا قلت أني بثآني ثنوي
قوموا علي الدنيآ أنتي بأول متوسط ولآ ثآني ولآسادس بعد
عائشة : هههههههههههههههههههههه
منيرة : هههههههههههههههههههههه تبين الصدق عآد أنتي
فتوون جسمك صغير
عائشة : وغيوود حولهآ لكن غيوود أسمن منك شوي
أنتي والعصا أخوآآن صدقت غيوود يوم قآلت عنك نحيفة
الجمييع : ههههههههههههههههههههههههههه
فتون – تسوي نفسسهآ زعلانه - : مآلت أنآ والعصصا أخوآآن
أورييك عيووش مره بنتقم بس أصبري
عائشة – بترجي - : لآتكفيين خلاص بسكت
فرح : السلام عليكم
الجميع : وعليكم السلام ورحم الله وبركآته
غيداء : آهلييين مآبغيتي تجيين
فرح – بتعب - : جلست أتهآآوش أنآ وأخوي سساعه
وحلف مآيوديني ليين جآء أبوي وحل المشكله
ياسمين : ههههههههههههههههه رحمتك
فتون : أصلا أنتي معرووف عنك الهوآآش
ريوف : أي مآيبغآ لهآ
فرح – معصبه - : أوريكم ! , أنآ أبغآكم تسساعدوني
وتجوون وتقومون علي
غيداء : ايه وشلونك ؟
فرح : بخير الحمدلله
غيداء : بنآآت مآيستحىآ منكم تبغين شيء مدي أيدك
فتون : ايدينّآ طويله
منيرة : غيوود وين يمّه حقتك ودي أششوفهآ من كلآمك
عنهآآ أحسسهآ جمييله
ياسمين : يمه حقتك أحسهآ شيء من أعضآئهآ لو سمحتي
لآتخطيين يمتي أنآ ويآسمين وغيداء
منيرة – تسوي نفسها خآيفة -: بسم الله علي أكلتيني بقشوري
غيداء – تنهدت - : آآآه يآجديدتي
ريوف : وينهآ ؟
غيداء : بالشريقة
منيرة : كآن نفسي أششوفهآ
غيداء : ان شاء الله اذا جت عزمتكم
فتون : ترجع بالسلامة ان شاء الله
غيداء : ان شاء الله
........
غيداء : وشخبآر أخووك شيلم ؟
شيلم : طلول ؟
غيداء : ايه
شيلم : الحمدلله
غيداء : يرّحــم صصرآحه
شيلم : أي يآبعد قلبي – تنهدت - الله يشفيه بس
فتون : وش فيه ؟
شيلم : مآيششوف
ريوف : يآبعد قلببي يرحم
فتون : وكم عمره ؟
شيلم : 9 سنوآت
فرح : يعني من يوم هو صغير وهو مآيشوف ؟
شيلم : اييه
غيداء : يآبعد قلبي
فتون : طيب من اللي دآيم معه ويمسكه وكذا ؟
شيلم : بيتنآ يعرف يمشي لحآله الا أنه أحيآنآ يعني
يصقع بالأشيآء أمآ برآ دآيم الخدآمه مععه
غيداء : الله يشفيه
الجميع : آميين
شيلم : ورغم أنه مايشوف الا أنه حآفظ 7 أجزاء من القرآن
الجميع : ماشاء الله تبارك الله
فتون : يعني حآفظهآ زيين
شيلم : أي ماشاء الله اذا قلتي له سمع يسمع لك من أحسن
مآيكون
ريوف : ماشاء الله وشلون قدر يحفظ ؟
شيلم : يسمع
غيداء : الله يخلف علينآ بس مآحفظنآ شيء حتى السور الصغيرة
فرح : وحنآ الله منعم علينآ ونناظر بعد
فتون : الله يهدينآ بس
الجمييع : آميين
...............
أنْتهَهَى ..
الله أكبر ..
عِندَما يُوزِعٌ اللهُ الأقدَار ولا يَمنحٌنِي شئياً أُرِيدُه !
أُدركُ تَمَامَاً أنَ اللهَ سَيمنَحُنِي شَيئاً "أجْمل"
شيئاً يَعجَزُ الجميعُ عن مَنحِي إياه
ويتَعَالَى" الله" ُبِمَقدِرِتِه
