مدخل ..
اذا صباح ..صباح الخير
اذا مساء .. مساء الخيـر
كم اشتاق لقلوب جميله طالما أسعدني جماااااااال نفوسها
وطاب خاطري بطيب روحهاااااا
فلكم مني تحية وفاااااء
وهمــسة ود ....:26:
ـــــــــــــــــــــــــــــــــــــــــــــــــــــــــــــ
نبدا بموضوعي ...
تعرفون الايام هذي بالجنوب جونا الحمد لله روووووووووعه
والله وقررنا نطلع نشم هواااا انا وعائلتي الحبيبة ..
جهزنا القهوة والشاهي واللي علينا بالخير ونطلع ...
والجو ماشاء الله ولا اروع <<< ما اسوي دعاية ولا شي :42:
جلسنا بحديقة وتقهوينا وووو
المهم يوم جا المغرب ومعاد بقي حولنا احد
قامت محدثتكم تتمرجح <<< ماحولنا احد ابدا
وتجي ببالي فكره ...
ليه ياسترووووبري ما تطبيقين حديث الرسول عليه افضل الصلاة والسلام « مَنْ بَنى للهِ مَسْجِدًا، ولو كمَفْحَص قَطاةٍ لِبَيْضِها، بَنى اللهُ له بيتًا في الجنَّة » ) [ أخرجه أحمد من حديث ابن عباس ].
وفي رواية
(من بنى مسجدا لله كمفحص قطاة أو أصغر بنى الله له بيتا في الجنة ) .
ومعنى ( مَفْحَص القَطاة ): المكانُ الذي تَبيضُ فيه القَطاةُ وتُفَرِّخ.
والقَطاةُ: نوعٌ من الحمام وخُصَّت القَطاةُ بهذا: لأنَّها لا تبيضُ في شجَر، ولا على رأس جبَل، إنما تجعَلُ مَجْثِمَها على بَسيط الأرض، دون سائر الطَّير.
هذا وقد حَمَل أكثرُ العلماء قولَ النبيِّ – صلى الله عليه وسلم -: « ولو كمَفْحَص قَطاة » على أنه تمثيلٌ على جهَة المبالغَة؛ لأن مِقدارَ مَفْحَص القَطاة لا يكفي للصَّلاة فيه، ويُمكن أن يُحملَ على أنه حَضٌّ على التعاون والتعاضُد في بناء بُيوت الله، وبَيانٌ لعِظَم الأجر على ذلك، حتى لو كانَ نصيبُ الفَرد المشترِك صغيرًا كمَفْحَص القَطاة.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الحمد لله اللي الهمني وقمت ولقيت بلاط مرمي باماكن متفرقه
وبديت اجمع طبعا اعمل في صمت ...وشويه الا :arb: جا وده يشاركني الاجر وبدا يساعدني وشويه جدتي جات وقالت والله لاساعدكم وشويه الا احساس<< طبعا اسمها بحوا هههههه جات وقالت :وانا معاكم ..وحتى عيالي الصغار فرحوووووا مرررررره وجلسوا يبنون ويسألون ليه نسوي كذا وبدينا نعلمهم انا واحساس نجمع البلاط ونقرب للجده وهي تعطيه :arb: يبنيه وبعد ما خلصناه قررنا نسميه مسجد التعاون لان الكل اشترك فيه .. وتصورنا معاه وجاتني فكره ثانيه اللي هي اصوره لكم يابنات حواء .. يمكن اذكركم بشي غايب عنكم وحنا الحين على وقت صيفية وطلعات لو كل وحدة منا طبقت هالحديث كم لها من الاجر ...ولا انسى المتعه في العمل المشترك جربوها وربي متعه لااااااتقااااوم ...
اسأل الله الاخلاص واعوذ به من الرياء
ويشهد الله ما كتبته الا للتذكره والفائده
مخرج ...
اللهم بارك لنا في رجب وشعبان
وبلغنا رمضـــــــــــــــــــــــاااااااااااااااان
اللهم امين ...
الى اللقاء في رحلة ممتعة جديدة تقبلوا ودي
محبتكم ...سترووووبري :26: