شوفوا وش صار لولدي يوم الخميس

حبيبتي هذي طفله يعني صح اهي غلط وحركتها تنرفز بس والله الي سويتيه مو بهين تخنقيها وتجرينها بشعرها لامها وين احنا عايشين قسم با الله تقولين بمسلسل قسم مدري كيف امها سكتت لك يعني اهي طفله وغلطت انتي وش نقول عنك صدقيني البنت بتجلس حرقه بقلبها ومابتنساها لك كل الاولاد يلعبووون ويرمون بعض ويتضاربووون وتصير اشياء بينهم لانهم عيال مايعرفووون يلعبووون وتلاقين مو بقصدها انها تذبحه كانت تلعب با الكرفته واذ ماتبين ولدك ينضرب مسكيه عندك ولا تقعدين تضربين بعيال الناس لانه كل العيال كذا يتهاوشون مستحيل تصير جمعة عيال ومايسوون فيها كذا وبصراحه ردت فعل امها رد على الي سويتيه في بنتها لانها بعد ام وماترضى على بنتها بصراحه حزنت على البنت لانه انتي الكبيره وتووووقعت منك ردت فعل اركز شووي صح المفرووض تهاوشينها بس مو من حقك تضربينها سوال بس انتي ماخجلتي من الناس الي عندك وانتي تجرينها بشعرها وش بيقولون عنك تقبلي كلامي وسوري اذ ازعجتك بس انتي طلبتي راينا

اختي انا مالومك والحمد لله على سلامته لكن ما تحل هالامور بالطريقة هذي يعني انتي كبيرة تسوين نفس تصرفها ؟؟؟؟ وش فرقتي عنها
كلنا ما نحب احد يضرب عيالنا ولكن نعطي لنفسنا فرصة للهدوء عشان نحل الامور بشكل ايجابي ومفيد ونعلم الاخرين درس لان المسأله مش مسألة انتقام واخذ حق وخلاص
وبعدين انتي اخذتي حقك منها كامل مكمل وش تبين امها تسوي زيادة
والله انا مجربة ان الهدوء في هالامور والتعامل بلطف يخلي اللي قدامك ما يرفع عينه فيك من الحيا
وبقول شي مش لك شخصيا لان ولدك صغير للجميع اللي يقولون ما نحب احد يضرب عيالنا وعيالنا ما يغلطون
ما فيه طفل ما يغلط او طفل مسالم الا اذا هو موطبيعي لكن الطفل الطبيعي اللي ياخذ ويعطي يغلط وينغلط عليه ولمل يصير مشكله لولدك مع احد وانتي ما حضرتي الموقف لا تحكمين ان ولدك برئ لأن للاسف كثير اطفال وانا لاحظت قدام امه ملاك ووراها شر مستشر
معليش اختي هذا رأيي واختلاف الرأي لا يفسد للود قضية
وعلى فكرة انا ولدي يوم كان عمره تقريبا بنفس عمر ولدك تعرض لموقف من ولد اكبر منه من قرايبينا كانوا بمسبح وغفلنا عنهم شوي وربي ارسلني الا الولد ماسك راس ولدي وضاغطه في الموية زين لحقت عليه بس هاوشته بهدوء وفهمته وش ممكن يصير وان هذا غلط وعلمت امه بطريق مزح منها ما تزعل و منها تنتبه لولدها وتنبهه لعدم تكرار هالشي
اسمحي لي طولت عليك