من تساعدني بطبخ الملوخيه اكون لها شاكره الله يسعدها ابيها مضبوطه تبيض الوجه الله يبيض

اقطفي الورق وغسليه واسلقيه بماء بس وبعدين افرميه بالخلاط
واطبخيه مره ثانيه وحطي عليه بهارات وملح وصلصه ولاتكثرين المويه عشان ماتكون خفيفه
هذا بختصار

اهلين

قطعي الدجاج ااثمان واطبخيه ..ضيفي له االبهارات والملح والفلفل الاسود ..واخلطي باالفرامه بصل وطماط وثوم

وضيفيهم للدجاج ثم بالخلاط حطي ورق الملوخيه مغسول و نظيف مع شوي ماءو اخلطيه ثم ضيفيه للدجاج

وخليه يطبخ لين يستوي ..وبس

ان شاء الله الطريقه واضحه

هلااختي
طريقتي تغسل الملوخيه وتوضع في الخلاط وضعي معها مرقه لحم اودجاج من دون اي بهارات فقط شوي ثوم
ثم ضعيها في القدر واطبخيها مع التحريك المستمر لمده تقريبا عشردقايق

انا راح اقلك على طريقتي المعتمدة وان شاالله تعجبك
اقطفي ورق حزمتين ملوخية واغسلية زين بالموية وتكون مجهزة لحم سوى كان غنم او دجاج اهم شي يكون بعظم وحبة بصل متوسطة قطعيها صغار وحبة طماطم وسط نفس الشي مقطعة صغار
جيبي قدر الضغط وحطي شوي زيت وضيفي البصل وقلبي شوي وضيفي اللحم وقلبي ثم الطماطم كأنك تسوين مرق وانتبهي لايتغير لون البصل وبعدين تضيفين 2 ماجي وشوي ملح بس لاتكثرين علشان ماتطلع مالحة وموية تقريبا 4 اكواب اواقل شوي على حسب اللحم وقفلي القدر وتخلينة لحد ماتنضج اللحم شيلي اللحم و خلي القدر على نار وسط جيبي خلاط وحطي الملوخية وصبي عليها شوي من المرقة اللي سويتيها وخليها مفرومة ناعم بس مو مرة او افرميها بالفرامة اليدوية الذ وبعدين صبيها في القدر وقلبيها مرة وحدة وخليها على نار اقل من الوسط لمدة دقيقتين وتكونين مقطعة 7 حبات ثوم مفرومه صغار وتقلبينها في شوي زيت على النار ومن ثم تصبينها على المل وخية وطفي النار تبغين تضيفين اللحم على القدر ضيفية او قدمية مع رز ابيض وبالهنا والعافية

بعلمك طريقه اختي الكبيره وهذا طريقه اعتمدها وبعلمك طريقه امي الله يحفظها ويطول بعمرها ...

طريقه اختي ..

طبعا بعد ماتقطفين ورق الملوخيه نقعيها بطااسه كبيره مااي ..
بالقدر حطي حطي بصل مقطع مربعات صغارمع الزيت وحركيها مع بعض واول مايصير ذهبي حطي عليه شويه ماي و مرقه ماجي قطعه وحده مربعه او حسب كميه الملوخيه اذا كانت كبيره ماجي كامله وحطي ثوم لو يغيتي مع البصل من اول يعني ...
وبعدين ابدي بغسيل الملوخيه جيبي مشخله وحط تحتها طاسه كبيره وابد خذي شوي شوي من الملوخيه وكل دفعه خلي غسيلها على ثلاث مرات وواخلطيها بالخلاط الكاس واذا خلصت الكميه عندك حطيها على المويه والبصل والمويه يفي القدر ماتكون كثيره لا خليها اقل من الربع ..وحطي الملوخيه وحركيها واذا شفتيها ثقيله زيدي الماي ولاتثكرين ملح عشان ماتطلع مالحه يكفي الماجي مالحه ..الين تشوفينها وسط مو ثقيله ولاخفيفه ...ولو تحبينها بالدجاج قطعي صدرو دجاج او اللي تحبين قطع صغار وحطي مع البصل والثوم وكملي باقي الخطوات ..وقدميه مع رز ابيض امريكي اطعم والذ عندك رز انكل بينز جربيه وبالعافيه على قلوبكم ..
-------------
طريقه امي ..
بصل وثوم تحركينه مع الزيت الين يصير ذهبي وتحطين الدجاج المقطع صغار وتقصرين النار وتغطين القدر شوي وبعدين تحطين الطماط اول كانت تحط شوي طماطم عشان ابوي يحبها كذا بس امي ماتحط مااجي وتغطين القدر الين تشوفين الطماط بدا يذبل في هذي الاثناؤ تكونين غلستي الملوخيه بنفس الطريق المذكورة اعلاه وتخلطيها بمفرمه اللحم اذا عنديك الكبيره وتحطينها بطاسه وتضيفين عليها ماي وتحركينها الين تحسينها بدت تصير شبه مكثفه واندمجت مع بعضها حطيها على الدجاج وحركيها كل شوي وخلي القدر مفتوح ووي قصري النار وخلي الغطا شبه مغطا وكل دقائق حركيها وخليها تقريبا 10 دقائق وانتي ذوقي طعمها اذا تحسينها خلاص طفي النار ولاتنسني تكونين مجهزه معها رز ابيض امريكي او بسمتي اللي يعبجك وبالعافيه عليكم ..

------------
والاولى اسهل واطعم عن تجربه ..