فوبيا الاختبارات

بسم الله الرحمن الرحيم..
السلام عليكم ورحمة الله وبركاته..كيفكم ياحوائيات.؟ ان شاء الله تكونوا بخير يارب..
انا عضوه جديده في هذا المنتدى الرائع ..والصراحه سجلت عشان ابغى استفيد من خبراتكم وتجاربكم
راح ابدأ في الموضوع مباشره..
انا عندي مشكله متعبتني جداً في حياتي ..والصراحه خجلانه من نفسي لأني صرت مشهوره عند زوجي وأهلي وصديقاتي:(
مشكلتي اني طالبه جامعيه واحب الدراسه ومنتظمه في دراستي واذاكر قد مااقدر ,وأهيئ نفسي واقول اني شاطره وراح اكمل وانجح واتخرج ,,,لكن مشكلتي ان ايام الاختبارات
اتعب نفسياً وابكي وامرض وما أحب الأكل وما اقدر اذاكر وما أرضى اروح الاختبار واقرر اني انسحب من الدراسه ..كل هذا من الخوف,,لكن بعد اصرار زوجي اروح واختبر ..وبعد الاختبارات اندم اشد الندم على اللي ضيعته من وقتي في البكى والخوف واتمنى لو يرجع بي الزمن عشان اعوض اللي راح..
ارجوكم ساعدوني في هذي المشكله,,وقولوا اذا في احد غيري يعاني من نفس المشكله ..واللي ماعندها حل
تدعي لي