وليش عامله في نفسك كدا ترا الدنيا ما تسوى انا زيك نحيفه بس مني قصيره وسط يعني دايما يتريقو عليه في الاول كونت ازعل بس دحين نو ووووواي اصلا كل الناس دحين تدور على النحافه
وبعدين ازا احد قهرك وقلك ايش يبغابك زوجك وانتي كدا ولا شي قولي عاجبني
ولاقالو منتي حلوه شوفي جسمك قوليلها جسمي كدا بس اعجب ولا كونت ماتزوجت وعشت
وصدقيني الي قالت لك الكلام دا اكيد مقهوره اصلا الكلاام الجارح ما يطلع ا لا من ناس مقهوره وحاسده
وزي مالقالولك البنات على الملابس تلاقي فين انا بالنسبه ليه اكتر شي من الملابس تناسبي حقت جنفر وزارا وبيرشكا واي مكان غيرو احيانا اضطر اضيقو
وبالنسبه لطولك هادي خلقت ربي لازم ترضي بس تقدري تطولي نفسك بلبس الجزمه او الصندل (الله يكرمكم)الدبابه
قريبتي مره قصيره دايما تلبس منو وتبان كنها طويله
اتمنى اكون افدتك اختي
قصيره وعصقوله وزوجي وامي معقديني
متابعة النقاش، صفحة 2