الحكيمة تفهمني : الكلمة هذي كبيرة فعلا والا أنا كبرت الموضوع ؟

لا تهمك وانا اختك
على كيفهم انتي كبرت السالفه ليه وهي ليه تقول كلام وسخ
يعني اهي تعدى الحدود وانت تسكتين احسن انك سويتي شكوى خلها تحرم على نفسه الالفاظ السوقيه
الله يقويك عل الحق وانا اختك
لايضر السحاااااب نطح الكلاب

لا حبيبتي معاك حق بس انتي لا توصلينها للادارث خلاص يعني تكفي المديرة وهي اكيد بتبطل مزح ثقيل وقلة ادب وخصوصا انتي بتنقلين عنهم خليهم يذكروك بخير هذا رأي وتقبلي ودي  

طيب بصراحه

لو كانت ذكرت قبيله غير قبيلتك هل كنتي بترفعين فيها شكوى و و و عشان تحترم نفسها وماتقل ادبها مره ثانيه ؟؟؟

صحيح كلمتها غلط بس هالغلط يوحي بتربيتها هي وقلت ادبها واخلاقها

مو حنا الي نعلم الناس ونربيهم كل يربي نفسه

السالفه عصبيه قبليه انتي رديتي عليها خلاص اما سالفه الشكوى بجد مالها داعي حتى لو كانت تخويف لانه لو قبيله ثانيه ماراح تتدخلين وتادبينها

وبطلوا سالفه معلمه ومربيه اجيال بلا قدوه بلا بطيخ
الامهات وهم الامهات مايربون على الصح والخطا تجيك البنت غلط في اسلوبها وكلامها وتربيتها

نجي نحاسب المعلمات على اخلاقهم


ردي هذا عام والي مو عاجبها كيفها لاتقراه ماراح ارجع اناقش احد عليه

لا بالعكس الي سويته عين العقل والله يكملك بعقلك يارب كيف مدرسه فاضله تتلفض بهاذي الفاظ وش خلينا للناس الجاهله والي ما تفهم اقسملك بالله اني احيانا اشوف ناس جاهل ما تعلمت لكن في قمه الادب والاخلاق ما شاء الله تبارك الله اما الحين استغفر الله واتوب اليه فيه مدرسات الفاظهم من جد تنصدمين منها انا بنتي في الثانوي وتقولي ان عندهم مدرسه الفاظها يا مو كويسه والله حتى استحي اكتبها الله يهديها كنت ابي اروح واشتكي عليها بس خفت على بنتي ان هالمدرسه تتعدو لبنتي بس فيه رب بيحاسب