شاركي في النقاش

سجلي الدخول لإضافة تعليق.

التعليقات

76
  1. شوفي ياقلبي اللي كاتبه ربي بيصير
    لاتتعبين نفسك ولاتسوين مشاكل لمرة خالك تخلينها تندم ع معاملتها الزينه لك
    إذاربك كاتب لك أنه هو اللي بيتزوجك تطمني راح يجي بنفسه ويخطبك
    أنتي عليك بالأستخاره والأستغفار وبس
  2. صاحبة الموضوع
    جزآآكم آلله الف الف خير جميعآ

    آنآ فكرت بعقلي والي بمصلحتي

    خليت الحب هذا اللي مدري من وين طلع لي على جنب وفكرت وابي رآيكم باللي فكرته

    كل وحد فيهم رجال والنعم فيه واعمارهم قد بعض

    ولد عمتي اللي انا انخطبت له وماصار شي بيني وبينه لا ملكة ولا شي فقط كلام وحجز

    يدرس ويتخرج بعد سنتين وعلى بال مايتخرج يدور وظيفه ويتوظف وغيره وغيره

    ماعرف عنه الكثير وفوق هذا مدري اذا هو اللي يبيني والا امه اللي خطبتني له

    ولد خالي متوظف بالعسكريه وعلى قولتهم مكون نفسه وقادر يفتح بيت غير اني اعرفه منذ الصغر واعرف طبوعه ولو القليل والرجال شاريني من سنتين يبي يخطبني

    وفوق هذا هو اللي جا تكلم بنفسه مو امه لاني اعرفه امه هي اللي بنفسها اختارت لولدها الثاني بنت خالتي بس هو اللي قرر بنفسه واختار

    وفوق هذا مابي اصبر سنتين على ولد عمتي مابيني وبينه اي شي رسمي وبعدين هو اللي يهون وهذا شي قد صار عندنا لوحده من جماعتنا ولد عمها خطبها ووافقت وبعد فتره سمعوا خبر زواجه بوحده ثانيه

    صحيح هالسنتين ماندري ربي وش كاتب لنا فيها لكن اخذ واحد شاريني من سنتين والا انتظر سنتين لواحد مايندرى شاريني والا لا ويمكن بعدين يبيعني

    انا افكر بمصلحتي والانسب لي خواتي وهذا تفكيري لحد الان وخليت اي شي اسمه حب على جنب

    مابي اربط امالي بواحد خطبني ولا فيه شي رسمي بيني وبينه وبعدين يهدمها لي ويمكن لا

    والثاني رجل متوظف ووقادر ومقتدر وجاهز انه يفتح بيت

    وفوووق هذا كله انا بالبيت اللي عايشه فيه كل شوي جاي واحد طاردني وانا زي ماقلت نفسي نفسي مالي شغل باحد ولا بمشاكلكم حتى تعليق ماعلق واللي خلاهم ساكتين عني جدتي والا هي بعد بعض الاحيان تجيها حالات تزعل وتطردني وهذا حصل قبل 3 اسابيع بموضوع انا مالي خص فيه ابدا ابدا
    ولا سمح الله بعد عمر طويل جدتي ودعت الحياة وش اسوي ابوي مايبيني وامي ماتبيني ولا خوالي

    عارفه بتقولون هذي وش فيها قالت كل شي عنها بس والله ماعندي لا اخت ولا احد كبري بالبيت افضفض له ولا احد يسمعني او عطيني وجه يسولف معي

    واللي قالت انه يمكن زوجة خالي تكذب ماعليش نسيت نك نيم حقك

    بس ابي اقول انا مو غافله عن سوالف الحريم وهي لو كذابه او تبي لي الشر كان مانصحتني بكل شي ينفعني ويحل مشاكلي او كل ماجيتها ببيتها ماعبرتي او ضيفتني

    لو ماتعتبرني اختها كان ماتزعل علي اذا مادرست او ذاكرت وتتهاوش مع خالي عشان يوديني للجامعه كل ماطلعت لي مشكلة مع خالي جيت شكيت لها وهي حلت الموضوع معه وبعدين ماصار يسوي لي نفس المشكلة

    ماقول الا الله يوفقها دنيا واخره ويجزيها كل الخير على اللي سوته فيني ويوفقها بزواجها ويخلي لها ولدها

    الحين انتظر رايكم باللي توصلت له وللمعلوميه تعذييب 3 ردود باليوم << من امس انتظر ابي ارد على الموضوع احس ابي اطلع كل شي بقلبي
  3. @aahd_alakhaaa_1

    درة الغيــد
    الله يفرج همك ويرزقك بالصالح اللي يخاف الله ويتقيه فيك وترى ياحبيبتي أنت ما تدرين ممكن يكون ولد عمتك أحسن وكذلك ممكن يكون الثاني أحسن وممكن الله صرف الاثنين عنك رحمة بك باختصار لا تسترسلين مع عواطفك اعتصمي بالله وادعيه يرزقك الرجل الصالح ا…
    ياغالية كوني على ثقة أن ماسيكتب لك هوالخير
    وان الله يقدرالخيرللعبد وإن كان في الظاهر سيئا

    يقول أحد السلف:لوعلمتم كيف يقلب الله القدر لذابت قلوبكم من محبته
    عليك بالاستخارة والاستغفار فإن لهم مفعووول عجيييب ولك دعائي بإذن الله

تابعي تجارب أخرى من هذا القسم.