شاركي في النقاش

سجلي الدخول لإضافة تعليق.

التعليقات

2,689


  2. جلاش بالتفاح

    قشرى 5 تفاحات وقطعيهم مكعبات ممكن تستعملى بدالهم كمثرى مش حيبان ثم ضعى عليهم كوب سكر بنى وثلث كوب ماء وعصير نص ليمونه وارفعيهم على النار لمده 15 دقيقه ثم اضيفى ملعقه صغيره قرفه وقلبيها جيدا ثم ملعقه صغيره دقيق وقلبيه ثم اطفى النار واتركيه يبرد ثلث ساعه
    قطعى الجلاش نصفين واحشى كل ورقه بخليط التفاح واغلقيه مثل ورقه عنب كبيره ثم رصى الاصابع فى صينيه مدهونه وامسحيهم بفرشاه فيها زيت ودخليهم الفرن حتى يحمروا ثم رشيهم بسكر بودره
    ممكن تستعملى سكر الدايت مع التفاح وفى السكر البودره مفيش مشكله وممكن تزودى مع الحشوه عين جمل مجروش .


  3. الباذنجان بالفراخ والبشميل

    شوحى بصلتين مع 6 فصوص ثوم كويس ثم زودى قرن فلفل حامى ونص كيلو صدور فراخ شرائح وقلبى كويس لغايه الفراخ ما تشرب ميتها وتتشوح كويس
    زودى عصير 4 طماطم متوسطه من غير ميه وملعقه كبيره صلصه وملعقه كبيره زعتر ونص ملعقه بهارات وملح وفلفل وخليهم يغلوا 5 دقائق
    قطعى كيلو الباذنجان شرائح ثم اصابع تخينه ورشيه بالملح ثم حاجه من ثلاثه اما تقليه واما تحطيه فى الفرن واما تسلقيه 3 دقائق ثم تشوحيه فى ملعقه زيت وانا عملت كده
    قلبى الباذنجان مع الفراخ
    اعملى 4 اكواب بشميل واخلطى نصهم مع الباذنجان والفراخ
    اسلقى ثلثين كيس مكرونه وحطيه على الوجه وعليه بقيه البشميل ودخليه الفرن

    بتكون مشطشطه وتحفه


  5. لقمه القاضى

    نص كيلو دقيق
    قطعة خميرة بيرة في حجم عين الجمل
    ملعقة سكر
    ماء دافئ
    ملعقه
    ذرة ملح
    حبه بطاطس مسلوقه ومهروسه وطيه جدا
    زيت غزير للتحمير
    شربات أو سكر بودرة أو صوص شيكولاتةا
    الطريقه
    1- يضاف للخميرة ملعقة السكر وقليل من الماء الدافئ وتترك لتخمر.
    2-والبطاطس يضاف الملح للدقيق ويقلب ثم يضاف لهما الخميرة بعد تخمرها وتقلب ثم يضاف الماء الدافئ ويقلب العجين حتى يصبح مابين السيولة والصلابة (شبه سائلة أو لينة نوعا ما)
    ثم تترك لتخمر لمدة ساعة ثم تقلب بالملعقة بسرعة ليهبط العجين وتترك لتخمر ساعة
    - تؤخذ قطعة عجينة باليد اليسرى وتغرف بملعقة صغيرة مدهونة زيت باليد اليمنى وتوضع قطعة العجينة الصغيرة في زيت التحمير الغزير ولما تحطي الكرات في الزيت وطي النار واستمري في تقليب لقمة القاضي لغاية ما تحسي انها قرمشت ونشفت من بره (بتاخد حوالي 10 دقايق تقليب مستمر) وبعدين ارفعي النار واستمري في التقليب لغاية ما توصل للون الذهبي الجميل
    وهكذا حتى يصبح لون الوحدات ذهبيا وتنشل من الزيت على مناديل للتخلص من الزيت الزائد.
    تسقى بالشربات أو يرش عليها السكر أو صوص الشيكولاتة.

تابعي تجارب أخرى من هذا القسم.