الرجال والألقاب

السلام عليكم ورحمة الله

سبحان الله وش لي قلب روسكم ياهالحريم على أزواجكم
وعلى عيالكم بكل طالعه ونازله سب في السعودي وانه تمساح وانه قاسي وبعيد عن الرومنسيه
وماخذين مقلب كل ماقلتوا ابو سروال وفنيله

وبعض الردود في موضوع وحده من الأخوات ان الكرفته تعطي اناقه
والشماغ له دور في قسوتهم
بالله هذا يعقل كل العيوب عندنا وغيرنا لا
البلا مو في كرفته وبجامة نوم البلا في العقول الي ماتقتنع بالي عندها وتشوف الغير افضل منها
ليش ابو كرفته
يصلي كل فروضه قايم بأسرته مراعي حق الله في أفعاله
طبعا فيهم الصالح والطالح
وابو كرفته الي طايحين فيه عقب هالمسلسلات التركيه وغيرها الي العبت بعقل المسلمين الجاهلين
كثير منهم يسافر ويترك زوجته وعياله بالسنين
وزمام الامور مع امه على زوجته وأولاده وفلوسه الي يسافر عشان يجمعهم
ترضين بهاشي يازوجة ابو سروال وفنيله
عجبك الانفتاح الي فيه ابو كرفته
ياحبيبتي مابغى أتكلم في ناس هم ماتكلموا عنا ولا حباه اجرحهم
بس أنا ذكرت نقاط بسيطه واساسيه في الحياة
ليش مافيه شكر النعمه ليش نتضايق من الرجال ونقول لهم ليش تقارنونا بغيرنا وانتم كله ذم في رجالكم
ليش انتم عشتوا معهم تشوفون حياتهم
أسألكم بالله ماشفتوا في الاسواق ابو كرفته وهو يهاوش زوجته وربي بيحاسبني وقسم بالله أني شفتهم ومن جنسيات مختلفه يرفع صوته عليها ويمشيها من السوق
والي تتجادل وياه بصوت وهم ماشين
الله يسخر لهم ويسخر لنا
وكل الفئات فيها الخير والشر والاهم القرب من الله
واذا انت ماعرفتي تتعاملين مع زوجك او تنازلتي عن حقوقك مو شرط العيب منه هو بس
العيب منا حنا يالنساء الي كل ماجت وحده تشتكي من زوجها اسكتي والرجال مايعيبه شي
ولا اذا طلق وراح يخط عالطول قبلوا فيه بدون محد يسأل عنه كويس
طيب من الي عطى الرجل اكبر من حجمه والشاهد
ردود النساء في منتدى نسائي
بالله كيف الرجال بيعرف قيمتك
والأخير التربيه الغلط وحنا امهات هالحين كيف نربي عيالنا وهل هيئناهم لتحمل المسؤليه زين وعلمناهم احترام الطرف الاخر وغيره من امور الحياة
ياليت نرتقي في طرحنا ونتأدب مع آبائنا وأخوانا قبل ازواجنا
 

6 تعليق 853 مشاهدة

شاركي في النقاش

سجلي الدخول لإضافة تعليق.

التعليقات

6
  1. @ksh_shta

    بس معروف الرجل السعودي جاااف المشااعر وخااصه اهل نجد لان بئته صحراويه جااافه واثرت على صلابته وقوته
    والطف رجاال هم اهل الطااايف
    يااعيني على الطاايف
  2. @sham_alghla_2

    صاحبة الموضوع
    قصه شتا
    بس معروف الرجل السعودي جاااف المشااعر وخااصه اهل نجد لان بئته صحراويه جااافه واثرت على صلابته وقوته والطف رجاال هم اهل الطااايف يااعيني على الطاايف
    اجل النساء مثلهم لانهم يعيشون في بيئه جافه
    ليسوا الكل سواء زوجي يختلف عن اخي مع انهم في بيئه وحده
    والاخوه انفسهم يختلفون وهم من نفس البيئه
    لكن لو وجدت القناعه والتنازل لكل من الطرفين لرأوا الحياة بمنظور اخر
    لكن الكل يطلب المزيد ويدعي الكمال
    او التنازل من المرأه وهي كأن الرجل خلق لينقذها من ويلات الدنيا وظلم الأهل
    لو عملوا بأنه لا إفراط ولا تفريط في الحياة لعرفنا طريق السعاده
  3. @yadlaay

    الحمدلله
    راضيه بزوجي وبكل عيوبه
    يكفي انه مصلي فرضه ويعرف دينه وحقوقه وحقوقي
    وربي الرجال السعودي يصون حرمته
    احترمها ماحترمها هذا شي راجع له
    يكيفي انه يغار ولا خلاها تتكشف
    ولا ابوكرفته كل الرجال شافوه حرمته الحمدلله على النعمه
  4. @sham_alghla_2

    صاحبة الموضوع
    الله يديم عليك السعاده يادلعي
    المجتمع صار يطبق ماجا في المسلسلات والأفلام
    بالله كيف عيشتهم خارج التمثيل
    كيفالحياة وطعمها معهم
    والكثير يغفل عن امر عظيم وهو قول الله تعالى ومن يتقي الله يجعل له مخرجا

    وكل مقومات السعاده مطلوبه من الزوجين
    ومن هان عليه الله هانت عليه دنياه
    وفق الله الجميع

تابعي تجارب أخرى من هذا القسم.