حفلة نجاح بنتي تحولت لحفلة سلامة اخوي من حادث اليم الحمد لله على سلامته بالصوره

صباحكم قشطه وزبده ومربى وعسل وفول وتميز <<<<<<حشى فطور مهب تحيه

ياطويلات العمر قبل كم يوم نويت اسوي حفيله لبنتي بسيطه لها لحالها ولا الحفله الصدقيه راح تكون كبيره مع العمات وبنات العمات

المهم وازين الكيكه ونزلتها على هذا الرابط اذا كان فيه وحده منكم تبي تشوف الطريقة
http://forum.hawaaworld.com/showthread.php?t=3141947

واروح لم اهلي اول العصر ونسيت الشمعه الا والخبر الشين ان اخوي مسوي حادث الفجر وطلع من المستشفى الظهر والحمد لله جات سليمه مع بعض الاصابات المتوسطه الله يشفيه ويهديه


عاد قلت ما اسوي حفله لبنتي واخوي هذي حالته رحمته عاد استنيت لين قام من النوم وشفته قلت خلاص اليوم مسوين لك حفله بسيطه بمناسبة سلامتك الله يخليك لنا

ياقلبي هو تعبان لكن جامل وجلس لكن للأسف ما اكل يقول نفسي مسدوده من التعب

عاد فرشت السفره واعذروني على الحوسه لان الضروف كانت مش ولا بد

السفره كانت عباره عن الكيكه و حلا اختي جايبته تقول اسمه مثلثات التوفي وفطيرة فلافل وانواع من الشبسات ومعها الصوص وبارد





الكيكه قطعت منه علشان ابوي اكل منها المغرب لانه مايأكل شي بعد العشاء يحب ينام خفيف

هذا رابط موضوع نزلته بعنوان

بنات عيالكم يحوسونك بتجميع الكاسات عند البراده عندي لكم الحل وبالصوره حيياكم ؟؟

http://forum.hawaaworld.com/showthread.php?p=64716009#post64716009

والله الله بالدعوات الطيبه ان الله يفرج علينا كربتنا دنيا واخره