http://www.dhofari.com/showthread.php?t=141833
قصدك منطقة شعت في رخيوت يا بنت المشايخي ولا قصدك جبل سمحان ؟<<<< ترى السحب تقدري تشوفيها تحتك من أكثر من مكان في ظفار... حتى بجبل ناشب <<< بس بعدهم يشتغلون في تعبيد الطريق المؤدي له ...
وبعدين يا بنت المشايخي وش الخويسة والمغلول اللي ذكرتيهم بردك بجنب طاقة ؟؟؟؟ حاسة إنك مو مجمعة زين وتخربطي بين مناطق الشرقية وظفار وبتضيعي البنات معك هههههههه ركزي الله يخليك ...<<< من حسن حظهن إني عشت في الشرقية وعارفة إن الخويسة والغملول فيها هههههه ولا كانن بيضيعن من وصفك... حتى العرسية من أكلاتكم صح ؟ <<< ما كليتها إلا في الشرقية !! بس طعمها رائع وكليت هذاك اللحم اللي يدفنوه بالأرض تسموه الشواء اللي تسووه عندكم بالعيد <<<< أي مكان تروحه لازم تجرب ك شي فيه حتى اللبس الصوري فصلته و أخذته ذكرى معي هههههه.... وما أعرف إذا يسوون العرسية هنا كتنويع بين الأكلات العمانية ككل أو لا بس أتوقع عنده جميع الأكلات الشعبية الظفارية ترى ما اشتريت منه إلا عصيدة ومرة صيادية ومرة هريس وما ضبطها بالشغل الظفاري صراحة يعني كانت تمشي حالها ههههههه وبالمهرجان في القرية التراثية يبيعون أكلات كثيرة شعبية للي يحب يجرب ...
نسيتي أهم شي في صلالة شرب ماء النارجيل من الأكشاك <<< هذي اللقطة مستحيل يفوتها أي زائر ! هههههههه وبعده القشاط <<< قطع حلويات صلبة من النارجيل تكون موجودة بالمهرجان داخل القرية التراثية ...وخبز الكعك الظفاري <<< بسكوت ظفار تراه خبز من يجربه يقول كأنه بسكوت هههههه
وقولوا للهندي اللي يبيع بأي كشك بعد شرب ماء النارجيل نريد ( الفقيش ) لب النارجيل اللين اللي داخلها <<<< ما دري يعجبكم أو لا بس أنا يعجبني مع التمر هههههه
