رجع هديتي للمحل !!!!

السلام عليكم ورحمة الله وبركاته ...

بنات حابه استشيركم في شي بس ابي اعرف انا صح او غلط !!

يعني يحق لي تطقني الصيحه ولا لا !

قبل شهرين كملنا خمس سنوات متملكيين انا وزوجي واحتفلت فيه جبت له هديه وسويت له كيكه بيديني المهم اني غيرت جو وسويت حفله صغيره .. في هذاك اليوم قلت له عقب شهرين بيكون ذكرى زواجنا عاد هلمره عليكم ابهرني قال طيب طبعا انا عارفه بيكون عندي اختبارات فا منيب فاضيه ....

المهم جاء اليوم الموعود اللي هو قبل امس وانا صاحيه من الصبح مفروض اذاكر عشان عندي اختبار !! بس قلت لا خليني انظف البيت وارتبه وكذا .....

سويت حمله تنظيف عظيمه وانا من نظمن الحمله المهم جت الساعه 3 وانا ما درست ولا شي فجاه دق علي قال وش تبين هديتك <<< اكرررررررررررررره هذا السؤال مرره قلت مابي شي انا مااحب تبادل الهدايا !! ابي شي من قلبك وبسسس ..

المهم انا جهزت هديته وضبطتها قبل يجي .. لبست بسرعه ودخل هو علي بكيس فيه هديه معقووله بس تبون الصراااحه الهديه تحوووم الكبد ماعجبتني فا انا سكت وقلت الله مره شكرا وكذا ....
وقلت له رووح شووف هديتك ..
ودخل و شافها مرره عجبته وقالي بكم قلت له بحدود 5 الاف بغى ينجن !!!! قااال لاااااااااا ما ابيها الحيييييييييييييين ترجع ويضفني انا و شعري رطب ويرجعها وانا اخذت هديته واصريييت انها ترجع بعد ...
قال ليش تبين ترجعين هديتي قلت زي ما انت تبي ترجع حقتي ..
وهو يرجع هديتي قلبي تقطع لاني تعبت فيها وكنت مره فرحانه فيها ...
مره جرحني مره عورني ....

نزلني في البيت وراح مدري وين راح .. اوانا نمت من الضيقه اللي فيني ....
المهم جاء الليل وعزمني في مطعم .. بس كان يلعب بلجوال ومخه مشطوب مو معي خلصنا رجعنا البيت لبست قميصي الجديد وانسدحت قام هو جاء بينام وناااام !!!!!! قلت له تبغاني انااام !! قال ايه نامي انا بطني يعورني !!!

ونمت بدون شي لا هديه ولا شي مررره محتره احس انه كان لازم يصييير .............. ... صار لنا شهر !!!

ماادري مخي مشوش ...

ابي رايكم في السالفه بليييييييييييييز وابي تدعون لي في اختباري الله يسعدكم دنيا واخره ....

111 تعليق 13,857 مشاهدة

شاركي في النقاش

سجلي الدخول لإضافة تعليق.

التعليقات

111
  1. @mtgr_dy_alkmr

    الله يكون بعونك احباط بس احسني الظن يمكن هو مابغى يكلف عليك عشان كذا قال رجعيها بس ماجابها باسلوب حلوة
    وترى لمن تعطي الرجال اكثر من قيمته وتجري وراه وتحاولي ترضيه يتهرب ويحس انه ملاحق حاولي تشغلي نفسك باي شي وطنشيه والله يرجع هو يدور دلالك ويفتقده
  2. @sun_rse

    الله يصبرك ويعينك
    والله اني لو مكانك يطقني عقر بقر واقاعد ابكييي لين يطيب خاطري شي يقهر صراحه
    طيب كان سألتتيه ليه تبي ترجع هديتك ؟!
    اما قصة لكم شهر مـ.....ـا ...!!
    هذي بصراحه مقدر افتي فيها هي شوي صعبه لاتهملين هالجانب لأنه من اهم اساسات الزواج واهم شي بالنسبه للزوج
    راجعي امورك وصارحيه وتفاهموا يمكن شىايل بخاطره
    هونيها وتهون يالغاليه موووفقه بأختباراتك
  3. @am_fgrs

    والله ما ادري ايش اقول

    بس لا تديه اكبر من حجمه حبيه واحشميه وقدريه بس بدون مبالغه

    الرجال ما ينعرفلهم لاقدرتيه كبر راسه

    والشهر هذا مدري ايش صايرلهم صايبتهم صده عن ذاك الشي

    الكل يشتكي شكل الجو فيه شي

    استغفر الله بس شنقول
  4. @drym_oyb_2

    حبيبتي اولا مبروك الخمس سنوات ان شاء الله العمر كله
    ثانيا مبين من زوجك انه طيوب وحبوب ويحبك ولى يبي يخسرك وترى ذكرى الزواج مو شرط هديه يكفي الكلمه الحلوة وعشاء مع زوجك في مطعم
    وانتي يمكن في كل ذكرى زواج تشترين له هديه غاليه مره فاهو يتوهق يمكن ماديا مايقدر يشتري لك
    صح هو غلط يوم رجع هديتك بس المفروض ماتقولين له السعر نهائي واذا لزم تقولين قولي له بعد مده مثلا شهر

    انتي اللحين لازم تبيني لزوجك ان يوم رجع هديتك جرحك لان انتي من كثر ماتحبينه تبين له الغالي والزين

    هالمره خذي درس لاعاد تهدينه شي غالي
    وموفقه ياعسل في اختباراتك

تابعي تجارب أخرى من هذا القسم.