دجــاج بالفخــار

السلام عليكم ورحمة الله وبركاته

ذاك اليوم كنا رايحين كار فور الا شفت هالمزيون محطوط عالرف




قلت باخذه بسوي فيه دجاج او لحم

توكلنا على الله وشريناه

نسيته كم يوم بعدما اشغلتنا الظروف يارب اشفي محمد وبنتي يارب

وطرى علي اول امس اطبخ فيه

جهزت الدجاج وتبلته

والخضار قطعتها

بصل وطماط وبطاطا وكوسا وحبة فلفل اخضر حار



في الفخار حطيت البصل وفصين ثوم



فوقه البطاطا



فوقه الطماط والكوسا والفلفل



وفوقهم الدجاج المبهر

وكوب ماي مضاف له ملعقة معجون طماط وملعقتين زيت زيتون وملح وفلفل اسود وثوم بودرة ورشة زعتر

فوق الدجاج كزبرة مفرومة


توني بغطيه الا لقيت شرخ في الغطا:22:

قلت عاد هذا وقته

خسارة ما نتبهت اول ما اخذناه

المشكلة انهم قطوا الفاتورة

قلت اجرب واحطها على نار هادية

ما خذت شوي الا اسمع صوت طك هههههههههههه

على طول شلته وحطيته في فخاري القديم يحليله

اتخيله استانس لاني رجعت له:)



ومثل ماهو في الصورة لا قصدير ولا شي حطيته بالفرن 200 درجة ولمدة ساعة

80 تعليق 14,287 مشاهدة

شاركي في النقاش

سجلي الدخول لإضافة تعليق.

التعليقات

77
  1. @nor_alfgr_4

    صاحبة الموضوع
    النتيجة ماشاء الله تبارك الله
    رووووعة والريحة ياسلاااااام






    وقدمته مع العيش الابيض والخبز

    الاولاد يحبون العيش اكثر من الخبز







    صحني



    لذيذ مع الخبز والجرجير

    والحمدلله الذي رزقنا هذا من غير حول منا ولا قوة


    :26:

تابعي تجارب أخرى من هذا القسم.