بالنسبة للون الوجه الغير موحد .. هاتي كريم فولدكس دا كريم تفتيح مكوناته طبيعية وانا حاطه صورته بأول صفحة من الموضوع على فكرة
فيه منه نوعين نوع للبشرة العادية وفيه نوع للمنطقة الحساسة
هاتستخدميه شهرين يارورو مرتين صباحا ومساءا
مع الترطيب بكريم بيبانثين هاتلاقيه في الصيدليات الكبيرة لأنه مستورد ب 36 جنيه تقريبا لكن ممتاز
ولازم لازم واقي شمس .. الواقي اللي كتبتهولك الدكتورة كويس استخدميه
والإسمرار حول الفم تجنبي حاجتين: معجون الأسنان حاولي بقدر الإمكان مايوصلش للجلد حول الفم
والفواكة أو الموالح عموما كليها بالشوكة علشان برضه ماتلمسش حول الفم
المنطقة الحساسة السيروم اللي الدكتورة كتبتهولك كويس جربيه لو جلدك ماتحسسش منه استمري عليه حلو جدا (( لأنك قلتي بشرتك حساسة جدا)) هاتلاقي صورته برضه بالموضوع دا بأول صفحة كتبت عنه
أما الجسم فدا ماينفعش تستخدمي له كريم تفتيح لأن المساحة كبيرة
فبس بنكتفي بالترطيب المستمر والحماية من الشمس
وكمان حاجه أنا دايما بنصح بيها
دايما رطبي بكريم جليسوليد الأحمر مع الإستمرار بيفتح
وقبل الشاور اعملي خليط من كريم جليسوليد وعصير ليمون وادهني بيه جسمك لمدة ساعتين وقومي تحركي بالبيت وبعدها خدي شاور
الشاور بقى يارورو علشان جلد الوزة وعلشان توحيد اللون:
لازم تدعكي جسمك كويس بالليف الخشن المصري العادي لما الشعر يبدي يطلع خصوصا علشان تشيلي الجلد الميت فيتوحد اللون وعلشان الشعر يقدر يطلع من تحت الجلد ولتنشيط الدورة الدموية فيساعد على توحيد اللون
وبعد الشاور نشفي جسمك ورطبيه باللوشن اللي الدكتورة كتبتهولك
كمان حاجه بنصحك بيها في حالتك وهي السنفرة الجافة يوميا
لو تعرفي محلات ذا بودي شوب موجود فروع ليها في سيتي ستارز بالقاهرة بالركن الجديد في ثاني دور وبكارفور وسان ستيفانو مول بإسكندرية فيه هناك فرش لعمل مساج للجسم جاف زي سنفرة
دي تعملي بيها سنفرة للساقين والفخذين من أسفل لأعلى على الجاف يعني بدون كريم بدون ماء بدون شاور جيل يوميا
وبعدها تاخدي الشاور بتاعك عادي
والسنفرة دي تكرريها يوميا
دي ترجمة من موقعهم لقيتها بأحد المواقع وأنا ببحثلك عن الصورة
خصوصا لما تعملي سويت ولما الشعر يبدأ يطلع تاني إهتمي بالخطوات دي في وقت طلوع الشعر
وأنا بفضل في الحالات دي الترطيب بلوشن فازلين المجدد بالريتينول اللي لونه بنفسجي لأن فيه نسبة تقشير خفيفة
هو الحل في حالات جلد الوزة الناتج عن نمو الشعر بطريقة غير سليمة لداخل الجلد هو الليزر فعلا
لكن لأن الليزر غالي والمساحة بتكون كبيرة فمافيش مانع من تجربة حلول أخرى
لو استمريتي على السنفرة دي مع استخدام اللوف الخشن في الإستحمام والترطيب بلوشن فازلين البنفسجي بالريتينول
هايجيب نتيجة جيدة جدا بإذن الله
بس دايما دايما دايما رطبي جلدك