طالبة سعودية تغش في مدرسة أمريكية

للاسف هالاسلوب ماشي معنا حتى بدراسة الماجستير وخاصه عند الدكتورات
المشكله طول الترم وهي تفهمنا اهميه الفهم والاستيعاب ومراعاة الفروق الفرديه
وبالاخير صدمتنا بالدرجات بحجة انك ماكتبتيه نصاً !!

اما الدكاتره الرجال عكس الشي هذا كتبتي نصاً ماتاخذين الدرجه
اضافه ان اسئلتهم كلها تقيس مستوى الفهم والابداع للطالب


عقبال مانقدر نغير الوضع بيدينا

فعلاً..
في زماني أيام المدرسة كان النظام قديم فيها "آخر دفعة أدرس النظام القديم" و اللي هو حشو 90%!!!
الـ 10% الباقية لمدرسات للحين أذكر فضلهم في تدريس المادة بطريقة تثبت في المخ فهماً =)

المهم
في الجامعة
شفت الأعاجيب..
- كان صعب التأقلم على نظام الفهم و نحن دارسين 12 سنة نحشر المعلومات في هذا المخ..و كل سنة نسوي تنضيف للي قبل خخخخخخ
- بعض المواد دراستها مستحيلة من الكتاب..فلازم تفهم شرح الدكتور عشان تحل في الإمتحان ><
- أساليب 98% من دكاترة الجامعة فهم × فهم
- أصلاً لو الواحد بيحفظ بتصيبه تخمة معلومات خخخخخ .. لأنه لازم تترجم بعدين تدور في النت المصطلحات العلمية بعدين
دور أحد يشرح لك المكتوب بالعربي "حتى العربي ما ينفهم"!!..و جرب بعدين ينحفظ الكلام و لا ؟!



الحمد لله
أحس التعليم الحين يتطور بسرعة..أكثر عن قبل .. عالأقل بالنسبة لنا فالإمارات
يعني الحين خواتي يدرسون المناهج لكن امتحاناتهم تقيس استيعابهم للي درسوه..
فما نستغرب يوم اختي ولا أخوي يرجع من كل امتحان يقول: ما يابوا ولا شي من الكتاب!!


خخخخخخ



الله المستعان~