شاركي في النقاش

سجلي الدخول لإضافة تعليق.

التعليقات

3,929
  1. @roshana

    ولاء
    اهلا بيكى معانا وان شاء الله تنبسطى معانا وتنسى حكاية الاكتئاب دى خالص
    بس لازم تحافظى على الصلاة
    واحسن حاجة للموضوع ده انك تصلى اول ما الادان ما يأذن
    لأنك لو اجلتى شوية كل شوية هاتلاقى حاجة شغلتك تقولى كمان شوية وبعدين تلاقى ابنك شغلك تقولى طب شوية كمان وبعدين جوزك عايز ياكل او تعملى اكل
    وتلاقى الاذان اللى بعدة وراحدت عليكى الصلاه فاتكسلى تصليها وصلاة على صلاة هاتكسلى اكتر
    حاولى تصلى على طول بعد الاذان وكل صلاه ادعى ربنا بصدك يهديلك نفسك ويزيل عن قلبك الهموم ويريح بالك وادعى كتير ربنا يقدرك انك تحافظى على الصلاة وان شاء الله ربنا يقدرك
    واكثرى من الاستغفار وانتى ماشية وانتى قاعدة وانتى بترضعى ابنك وانتى بتطبخى وانتى بتغسلى الاطباق وخاصة قبل ما تنامى جربى كده سبحان الله 33 والحمد لله 33 والله اكبر 33
    واستغفر الله استغفر الله لحد ما تروحى فى النوم
    وان شاء الله تبقى احسن
    ويا سلام بقى كمان لو ايه على الاقل كل يوم
    ايه واحدة خلى القرأن فى متناول اييديك جنب سريرك مثلا
    وكل يوم قبل ما اتنامى ايه ولا 2 بس يعنى دقيقة واحدة او دقيقتين


    وبالنسبة للزهق فى البيت احمدى ربنا ان عندك كمبيوتر ونت امال اللى ماعندهمش يعملوا ايه
    انا كنت اتجنن لو كنت قاعدة فى البيت من غير نت :)
    قوليلى بس هواياتك ايه وانا ابعتلك مواقع للصبح تتسلى فيها
    ده غير المنتدى هنا ما شاء الله فيه كل حاجة ادخلى قسم الطبخ الاعمال الفنية الطفل

    وبالنسبة للاكئاب حطى فى دماغك انه شيئ عادى وبيجى لكل الناس على فترات بس المهم ان الواحد مايخليهوش يطول ويحاول يغير المود بسرعة
    انا مثلا فجأة النهاردة صاحية عندى اكتئاب :( عادى بتحصل

    بالنسبة لزيادة الوزن عادى كل اللى بيولدوا ويقعدوا فى البيت معظمهم بيزيد وزنه زى :(
    بس مش اخر الدنيا يعنى
    اى نعم معظم لبسي اول الجواز مش بيدخل فيا دلوقتى
    بس جيبت لبس يناسب شكلى الحالى وغيرت شوية فى ستايل لبسى ولفة الطرحة
    واعتقد بقى شكلى ظريف الحمد لله متناسب مع وزنى وبيبينى ارفع شوية كمان
    ممكن تفكرى بعد ما تفطمى ابنك تحاولى تدورى على نظام ريجيم تجربية وما اكثرهم فى قسم التغذية هنا وبيعملوا مسابقات كمان للتخسيس ممكن تشتركى معاهم

    المهم انسى حكاية مريضة نفسيا خالص
    ولا مريضه ولا حاجة كل الناس بيجلها وقت تكتئب وتبقى عايزة تعيط وساعات تعيط فعلا وفترة وبتعدى بإذن الله
  2. ازيكم يا احلى بنالت
    عاملين اية
    بالنسبة للتطعيم الجرعة الاولى يوم 2/4 الى يوم 4/4

    ولاء
    و لا يهمك يا غالية احنا حوليكى و اصحابك يعنى ما فى اى غربة راح تحسى بيها
    بس اهم شيء قراءة القران و الصلاة ربنا يهديكى يا احلى ولاء


    معلش يا بنات بكتب بسرعة اصل البنات هيموتوا بعض من الضرب
    سلالالالالالالالالالالالالالالالالالالالالالالالالالالالالالالالالام
  3. روشانا يااااااااااااااااااااااااااااااااااه كلامك جميل جدااااااااااااااااااااااااااااااااااااااااااااا
    جزاك الله خيرا
    اهو انا مش اللى شاكية بس كلامك حلو اوى اوى

    على فكرة انا مزعلتش منك بدليل انى شلت الصورة زى ما شورتوا على انا بس حسيت انك اكتابتم بسببى

    ام جوجو ربنا يكرمك برده على كلامك بصراحة الصفحة مليانة ناس عاقلة وربنا يديم المعروف
  4. المحبة للرسول
    استنى استنى تعالى اشدك من ايدك واللا ايه
    يا بنتى ده انا بهاتى من الصبح
    وانتى اخيرا رديتى بتارخ التطعيم بس البنات برده ردوا ووفروا على المشوار بدل ما كنت رحت لمركز الاسرة وملاقيش تطعيم

    المهم ميرسى ليكى اوى اوى ريحتى بالى يا ست الكل والف شكر

تابعي تجارب أخرى من هذا القسم.