وش رايكم بلحريم الي ما يعرفون يعزمون تعزمك وتخليك تغسلين المواعين

بصراحه كثير من الحريم ما تعرف تعزم تعزمك واذا رحتي لقيتيها في المطبخ تطبخ ومعصبه وتشتكي ومتضايقه من بزران المدعوات ومقفله اغلب غرف البيت وتتافف طيب الله يبلشك ليه تعزمينا كان قلتي الوعد الملاهي ولما يجي وقت التقليط تبي كل الحريم يقومون معها الا بناتها منسدحات مثل ام زوجي سوت عزيمه لبنتها وطلعت كل المواعين اللي بلمطبخ والبيت صار فوق تحت سوت بهرجه ما لها داعي وهي ما عندها خدامه سوت بوفيه وطول الوقت بلمطبخ معصبه طيب ليه تطبخين بهلحر ليه ما طلبتي من المطعم والله اني تحسفت اني رحت لهم لو شايفين حجم الصحون والكاسات اللي تكومت بلمطبخ ما تصدقون قلت لها ياخاله انتي ما عندك خدامه كان حطيتي صحون وكاسات بلاستك من النوع الجيد قالت لا انا اعرف السنع احط قزاز يعني تبي تكشخ بنت الباشا علي حساب كتوفي تبيني اغسل المواعين انا سويت اللي اقدر عليه رغم انها ما تستاهل وما عمرها فزعت معي والحين مسويه حفله نجاح وما ابغي اروح لهم صراحه خالتي نفسها شينه وعصبيه واذا سوت عزيمه تقعد طول الوقت تصارخ وتشيل هم الدنيا علي راسها بصراحه ما ابغي ارووووح لهم الدعوه كرف المفروض اللي مثلها ما عندها خادمه تسوي عشاء بسيط رز وجريش وسلطه مثلا خالتي لا تقعد تسوي مطاريس سلطه فواكه فتوش ومدري ايش ومقليات ورز ومكرونه وتشوفينها طول الوقت زعلانه ومعصبه وتهاوش لانها تعبت وطول الوقت بلمطبخ يعني نكديه وترمي كلام وش رايكم اروح ولا اطنش وانتعش بنسبه للعضوه اللي تقول عن ام زوجي ان لها فضل عظيم علي لانها جابت لي زوجي اللي هو ولي النعمه اللي انا فيها بعد الله اقولها اتركي الحماس الزايد وللمعلوميه زوجي انا اللي اصرف عليه من راتبي يعني انا انا وليه نعمته بعد الله مهب هو

141 تعليق 16,556 مشاهدة

شاركي في النقاش

سجلي الدخول لإضافة تعليق.

التعليقات

136
  1. والله ماالومك لو مارحتي وووه وش هذا محد حدها على الحوسه واذا ودها تكشخ كان استاجرت خدامه بليوم
    على بالهم الناس همهم الاكل بس اهم شي الراحه والوناسه والاكل شي ثنوي مو مهم كل الوقت بلمطبخ وحوسه ومدري وش
    يلله بكيفهم الله يعين بس..
  2. @dr_11

    عادي اعتبريها امك ماتساعدينها يعني

    اكسبي محبة حمولتك لانك صرتي منهم وفيهم وعيالك يشيلون اسمهم

    بعدين هي يوم تكشخ وتطلع كل هالمواعين شادتن الظهر بحريم عيالها :)

    أكيد انك سنعة عشان تسذا الخالة ماتشيل هم الشغل
  3. بصراحه انا اشوف مافيها شيء احياناً الواحد يبي انه يجمل على نفسه ويعصب ويبي الامور تمشي على كيفه ويوجب عدل , مو كره في الضيوف وام زوجك لو ماتحب الضيوف مااعزمت .

    وبزران هالايام الله يهديهم فيهم رجه مو طبيعيه وينرفزون
    ومااشوف فيها شيء لو ساعدتيها ومو كل واحد ظروفه تساعده انه يشتري أكل من برا أو تجيب شغاله باليومي .

    الله المستعان العجز بيذبح الحريم .

    والله يكتب لك الاجر
  4. @maalm_oam

    الله يعين



    طيب اذا عندها بنات ايش الي يجبرك تدخلي المطبخ


    ساعدي في التقليط ةالشيل


    بس مالك ومال الغسيل اذا على قولتك بناتها متسدحين

تابعي تجارب أخرى من هذا القسم.