شاركي في النقاش

سجلي الدخول لإضافة تعليق.

التعليقات

132
  1. @akht_aazoo

    صاحبة الموضوع
    التميمية*
    أحس انك انسانه دلوعة بزياده كله نعله وأنتهت الحكايه بس وش أقول الله يرحمنا برحمته حريم آخر زمن!!!!!!!!!
    أنا لادلوعه ولا شي بس بعمري ماشف عقرب بحياتي والحين تجينني وحده قدام عيني بيني وبينها خطوة لا وبعد أنا على نيتي جالسه على اللاب مدري وش ينتظرني ويوم شف إذا عيني بوجه عقرب وش تتوقعيني أسوي ؟؟؟؟؟
    أقل شي الروعه اللي جتني بتخليني أنتفض بمكاني حتى لو كنت شجاعه وغير كذا فكرت بعيالي اللي كنت أسحبهم لها وأقول أذبحوها ومت خوف لأني كنت أسحبهم للموت وأنا مدري عن نفسي ياربي ترحمنا
  2. @akht_aazoo

    صاحبة الموضوع
    ام كنان 111
    يالله ذكرتيني بموقفي..الله لايعيد ديك اليوم.. روحنا اسئجرنا بالهدا مدينة تابة للطائف..واخدنا محل فيلو مسح وانا في الصبح خرجت اغطس رجولي بلمسبح.. بس لقيتو غاارق جري ع بابا قلي امكن مات مع الكلور..قامت الخدامة الله يهديها طلعتو بالمكنسة وكان…

    الحمد لله على سلامتك
    أنا الخوف اللي جاني لحاله طير النوم من عيني حسيت كل شوي بحركه وعيوني بس يمين يسار كنها رادار وسوست الله لا يعيد هالعقرب
    تدرين أن زوجي يقول هالعقرب كان يدورها جارنا قبل كم يوم وهربت والبارح مسيره علي الله لا يعيد هالمسيار بس تستاهل ماتت على يدين حماي الله يجزاه الجنة ويوفقه دنيا وآخره
  3. @akht_aazoo

    صاحبة الموضوع
    لام ميم
    صادقه والله والحمد لله على سلامتك وجزاك الله خير خلي عيالك يفرقون بين الخنفس والعقرب والثعابين وايش مخاطرها
    الله يسلمك يالغلا
    عيالي صغار أعمارهم ماوصلت 4 سنوات بس نبهت عليهم أنها عقرب مو خنفس بس الله يهديهم علقوا على الخنفس لأنهم يحسبون كل حشرة أو حيوان غريب خنفس
  4. @lms_hryr_1

    الحمدالله على سلامتكم
    لي قصهـ مع العقرب والحمدلله والشكر على العافيهـ
    كنت بالحوش وكان فيهـ فرشهـ افرشها قبل المغرب بشوي
    المهم فرشتها ودخلت البيت وتحكني يدي حكهـ قويهـ مع حرارهـ واحمرار
    وانا عـ بالي انهـ نملهـ او من هدومي مالقيتلهـ بال الا وشوي ويجيني تنميل
    والقاها بكم اليد صغيييرهـ صفراء يمااااااهـ وانا يجيني حالهـ خوف وبكاء
    وعلى الاسعاف واتنوم ومغذي وتخطيط للقلب يارب رحمتكـ انهبلت
    وعقبهـ توبهـ اني اتهاون باي شي وصرت خوافهـ واخاف على عيالي
    والحمدلله انهـ ماقرصت عيالي من اللي شفتهـ....
    والله اني اكتب واحكـ يدي مكان القرصهـ احسهـ كانهـ اللحين
    ومرهـ بعد دخلت علينا عقرب سووووداء تخوف وماعرفت اذبحها يجيني
    ارتباكـ ودوخهـ ماااركز ولاعندي احد يذبحها وجبت سطل وكبست عليها>>من الفرحهـ كاني ذابحهـ يهودي
    لين جاااء زوجي وذبحها مع المحاضرهـ المعتادهـ صيري مررهـ وووو وشلون لو اللي داخلهـ حيهـ >> ثعبان

    الله يجزاااكـ خير ويصرف عنا وعنكم كل شررر
  5. @akht_aazoo

    صاحبة الموضوع
    ام لين وديم
    يمه جالسه انفض وربي شعر جسمي وقف من خرعه كيف انتي؟؟ حمدلله على سلامتك وسلامة عيالك الحمدلله ماقرصتك ولا قرصت عيالك،، بس كيف جتكم العقرب غريبه يطلع في بيوت !!! على عموم اقرأ في البيت سورة البقرة والله يكفيكم الشر جزاكي الله خير على تذكي…
    لا تستغربين أنا ماني بمدينه ساكنه بقريه تابعه لبريدة وكل اللي حولنا صحراء وطعوس فماهو غريب تجي من الصحراء وأزيدك من الشعر بيت بالصيف الزواحف تكثر وتطلع من حرارة الأرض لأني يوم كلمت صديقتي وقلت لها قالت هالموقف حصل لي وكان ولدي يلعب بحوش أهلي ودخل وكانت مسيره عليهم جارتهم الأ البنات يصيحون عقرب بالحوش تقول وتقوم جارتنا وتذبحها وتكنسه وتحذفه وتقوم أمي تنصحني على ولدي قالت بالصيف كل شي يطلع وخصوصآ أن قدام بيتنا أرض فضا وعلى فكره هي ساكنه بالرياض مو قريه مثل حالتي
    أما الصراخ من الخوف جمدت وجتني أم الركب وحطيت الحره بزوجي أصارخ عليه والمسكين بالدوام وبعيد عني مايقدر يجي .. أنا من النوع اللي إذا تروعت تتنح بمكانها زين بعد قلت له يكلم أهله يجون نعمه طلعت مني بالموقف هذا

تابعي تجارب أخرى من هذا القسم.