يسعد مساكم جميعا بكل خير
يا اخواتي القصه لصديقه وماعندها معرف بكتبها لكم لصديقه كما اشرت بحاااجه ماسه لردودكم ومشورتكم جزاكم الله خيرا ..
هذه صديقه اتصلت علي صباحا وكانت منهاااااره وماهي عارفه كيف تتصرف
صديقتي ثلاثينية ،،،عندها ولدين وثلاث بنات،، بكرها بنت اليوم ملكتها !!وتقول بعز فرحتي وترتيبي واستعدادي لملكة بنتي كان زوجي مسااافر --زوجها كثيييير السفر-- وصاابره عليه ومتحمله مسؤوليه عيالها ،، وامس جا من سفره وحط شنطته على اساس ارتبها وجيت فتحت الشنطه لقيت كـــــرت زواجه طابعه وخالص بعد اسبوع موعده ،،، بيتزوج وحده من اقاربه لامه صغييره لم يسبق لها الزواج .. انصدمت وانصعت وتفاجأت المسكينه اليوم ملكة بنتها وقتل فرحتها اخذت الكرت وخبته وطووووول الليل مانامت منهاره وتبكي ولا بينت لزوجها انها عرفت ،، طبعا قالت له انها زعلانه عشان بنتها بتتزوج ..
مو عارفه كيف تتصرف ؟؟ تقول تحاملت على نفسي عشان الملكه الليله لمن تخلص على خير ،، ومحتاااره وش تسوي
هل تفاتحه بالموضوع؟؟ والا تروح لبيت اهلها والا تخاصمه؟؟ والا تتجاهل الموضوع ؟؟؟ تقول ودي اروح لاهلي ؟؟
الله يثبتها يااارب .. شوروا عليها يابنات الله يجزاكم الجنه ..
هي طلبت مني الان اكتب مشكلتها بالمنتدى بتشوف الردود ،،وبتاخذ بنصايحكم ،،
الله يجعلها بموازين حسناتكم يوم القيامه واللي تقرا الموضوع تدعي لها بالثبات والصبر مسكينه في حال الله العالم بها ،،
شاركي في النقاش
سجلي الدخول لإضافة تعليق.
التعليقات
157- الله يصبرها و يربط على قلبها ان شاء الله
قوليلها الضربة اللي ما بتقتلك بتخليكي اقوى ... قوليلها انها تقوي نفسها و تفرح ببنتها و تنسى انو حيتزوج و تشغل نفسها بتحضيرات ملكة بنتها و لا تكلم زوجها الا بعد الملكة و تقوله انت حر بأنك تتزوج و انا حعيش بس عشان عيالي بس لا تخليها تحسس أهلها بأنها اتأثرت كثير بزواجه لأنو اذا شافوها اتأثرت حتحصل مشاكل كثيرة
خليها تتقرب من الله بالصيام و الصدقة و الاستغفار و قيام الليل و الدعاء و تنتبه لنفسها بس مهما سوى يبقى زوجها و ابو عيالها و تراعي حقوقه و تنصحه بأنو يعدل في السكن و النفقه ... الخ و ترى على فكرة مع الوقت حيصير الموضوع عادي بالنسبة لها و الزمن كفيل يرجع المياه لمجاريها - خلاص هو بيتزوج على سنة الله ورسوله تخاصمه ليش؟؟؟؟؟؟؟؟؟؟
لاتروح لأهلها ولا شيء .. تقعد في بيتها وعند عيالها وتمسك ارضضها
هو ماتزوج الا باااااااااايع وروحتها لبيت اهلها فرصه له يفتك منها
خليه يتزوج خلاص هذا الدرب هو اختاره خليه يروح
قولي لها لاتخرب بيتها وتشتت عيالها
بعد عشره عمر 18 سنه او اكثر تخرب بيتها وتروح لأهلها ليه عشانه تزوج على سنه الله ورسوله؟؟؟
والحين بنتها بسن زواج غلط تروح وتترك البيت خليها مع عيالها وتعيش لهم
خلاص الرجال من زمان بايع دام انه كثير السفر
انصحيها تقعد لعيالها ولنفسها اميره في بيتها بدال ماتروح عند اهلها ماراح تستفيد شي
يعني اذا خاصمته بيتغير شي ؟
اذا راحت لأهلها بيتغير شي ؟؟
اذا طلبت الطلاق بيتغير شي ؟؟؟
اذا زعلت وبكت بيتغير شي ؟؟
خلاص هو خطب وتملك وعرسه بعد اسبوع معناه ماراح يتغير شي
خليها تلجأ للخالق يبرد عليها قلبها ويشرح لها صدرها
يعني لو لها سنه والا سنتين بقوول لها تطلقي
لكن عششششششششششششششره عمر زي كذا غلط الطلاق مب حل
الي خلاها تتحمل سفراته وخياناته .. يخليها تتحمل زواجه
ع الاقل الزواج اهوووووووووووون لانه بالحلال .. - نفس الشيء تماما
- الله يعينه يارب ويثبت قلبها
وانا لو مكانها كان صارخت وطلبت ورقة طلابي وأكيد باصارحة
وانا دايم اقول لزوجي تبي تتزوج روح بس طلقني
اللي مايبيني ما ابيه
بس هذا طبعا غلط وكل واحد له ردة فعل
أهني صديقتك على شجاعتها الصراحة ما شاء الله عليها
بعد اسبوع على زواجه الله يعينها ويصبرها
أكثري من الاستغفار والدعاء في الثلث الاخير
وان شاء الله البنات يفيدونها - حبيبتي انا اتوقع انه حاط الكرت و هو قاااااصد انها تشوفه يبغاها تعرف ولا معقولة يعطيها الشنطة وفيها الكرت
الله يعينها
مواضيع مشابهة
تابعي تجارب أخرى من هذا القسم.