اللي فيها ||| صـــــــــــــــــــــــــرع ||| هل ممكن تتزوج؟؟؟

السلام عليكم ورحمة الله وبركاته
آخواااتي لجأت لكم بعد الله ابغى استشيركم بموضوع

اخوووي يبي يخطب وحده فيها صرع طبعا حنا ماتقدمنا لهم الحين يعني البنت انا اعرفها من زمان
واشوفها عادية مادريت انه فيها شي بس عرفنا بالصدفه انو فيها صرع...
طبعا انصدمنا ودعينا لها بعدها بفترة قدرربي وقال اخوي يبي يتزوجها حنا تفاجانا من عيب في البنت وربي ماعليها قاصر ماشاء الله بس الصرع مششششكله
يعني الحمدلله انا شخصيا ماعرف احد عنده صرع يعني ماقد شفت حالاته عشششان كذا مااااعرف عنه شي

عشششششششششششان كذا لجات لكم ياحلى خوات وربي مالي بعد الله غيركم
وربي متفاجاة انا وامي ماندري وش اللي خلاه يختارها وهي يجيها صرع
والمشكله ماندري وش درجة الصرع اللي فيها ؟؟؟؟
هذي بتصير ربة بيت بيروح زوجها للدوام وتقعد لحالها بتربي اولاد بتتولى مسؤؤليات كثيرة خبررركم
هل ممكن تمشي حياتها وهي تصرع


تكفوووووووووووون اللي يعرف عن الصرع شي يفيييييييدني :44:
وربي التفكيييييييييير ذابحني يعني البنت ماتعاب بس ولو خايفة على اخوي يتبهذل او يصير معه مشاكل

30 تعليق 4,522 مشاهدة

شاركي في النقاش

سجلي الدخول لإضافة تعليق.

التعليقات

30
  1. @rond_8

    استخيرو وادعو والله راح يصرفه عنها ترى اعرف وحده كذا تنصرع بس اغماء يجيها يعني لازم عندها خدامه ولا عيالها بيروحو فيها وترا الصرع وراثي والله يشفيها يارب

  2. الصرع له حبوب تمنع التشنج وممكن بعد استمرارها على العلاج تتحسن الحاله

    اعرف اطفال كانت يجيهم صرع واتعافوا بأمر الله

    ومين قال انه وراثي موشرط

    إذا اخوك راضي خلاص يستخير وباسم الله
  3. @nkhl_mthmrh

    انا اعز صديقاتي توفت بسبب الصرع وسبحان الله طول عمرها مافيها شي بس جاها الصرع من اربع سنوات
    وكانت نايمه وجتها حالة التشنج وماتت الله يرحمها ويغفر لها ويدخلها الج في جنه ويجمعني معها في

    جنات النعيم

    بس عيلتها وامها وابوها مافيهم صرع الكل كان مستغرب كيف جاها امر ربك سبحان الله

    انا اقول اذا اخوك يبيها............خلاص اخطوبها له وهو براحته

    صدقيني اذا كانت نصيبه ربي بيعمي عينه عن كل سوء فيها بس انتو خلوه براحته يتخذ القرار

  4. @aloaaathkh_1

    ايه تتزوج عادي اعرف وحده عندها صرع ومتزوجه وعندها 9 عيال ما شاء الله
    لان الصرع له حبوب تمنع التشنجات وهو مرض بسيط ان شاء الله وما هو وراثي لانه عباره عن حاله تشنج تجي 5 دقايق وهي تشبه الاغماء
    واهم شي يكون اخوك عارف وراضي

تابعي تجارب أخرى من هذا القسم.