استشارتكم بنتي والغربه والامراض

اختي بيارق الله يكون في عونك لكني اقترح اذا عندك اجازة الحين اهتمي في بنتك بالاكل الصحيح من فواكة وخضروات ولحوم حتى يساعدها في تقوية المناعة غير كذا هناك طرق عديدة في تاكيل الطفل غير عادات اكلها احضري العاب واكليها خلال مشاهدة التلفاز صفقي لها وغني لاتياسي حاولي بكل الطرق اما بالنسبة للامراض فلااخفيك الامر بناتي طول فترة الشتاء يعانون من الزكام والتهاب الاذن ولكن بعد الثلاث سنوات تحسون والحمدلله طبعا المشكلة في الحضانة وقد لحظتها بنفسي ان الاطفال يقوم بادخال الالعاب في فمة ثم ياخذها طفل اخر ويدخلها في فمة وتنتقل العدوى هذا سبب واحد ولكن هناك اسباب اخرى مثل المشاركة في صحن الطعام والملعقة نصيحتي لك انك تسوين لها اكلها من البيت واعطيهم يعطوها في الحضانة واذا رفضوا خذي من الدكتور ورقة تثبت انها تحتاج اكل خاص واحضري لها صحنها وملعقتها وكل ماتحتاج ووقولي لهم لاتنظفوا الصحن بعد الاكل عشان تشوفين قد ايش اكلت وان شاء الله تتحسن ويبارك الله لك فيها وتشوفيها عروس وبالتوفيق

عادي حبيتي كل الاطفال يمرضون........يعني السعوديه الي مافيها مرض والله أنه وش كثر الامراض فيها بسبب الجو الي مليان
جراثيم وفيروسات.........طبيعي الطفل يمرض.....ولاترسلينها للسعوديه مهما كان الامر لانك راح تشتاقيلها وهي بعد راح تفدك...
بعدين إحنا يالمبتعثات أتخذنا قرار لازم أنكون قده ونتحمل عيالنا وتعبهم ......لاتزعلين من كلامي بس أحس أني أنقهر من الي تترك اولادها وتجي هنا......الي موقد الشي لايبدى فيه من البدايه....طبعا الكلام مش لكي.........لكل وحده تترك أطفالها وتجي هنا

صادقه اخت مبتكره انا بنتي كان اكلها يطفشني فصرت اقدم لها الاكل وقت افلام الكرتون اللي تحبها ومااقولها كلي لا احطه لها قدامها واقولها لاتاكليه هذا حقي انا الحين اجي اكله فتعاندني وتجي تاكل ماشالله عليها وبعدين انتي قدمي لها نقتس دجاج الحبحب بطاطس مقلي اللحم قطعيه بعد الطبخ وحطي لها في صحن وخلي لها والله يعيننا عليهم اللي سوينا مع اهلنا راح هم يسووه معانا


بيارق انتي في اي مدينه باستراليا؟؟ انا في استراليا في كانبرا:26::26::26:

ماادري صعب تعيش بعيد عنك
انا اقول انتي شيكي عليها بين فتره وفتره وقت الدوام
مثلا وقت البريك حقك روحي عندهااا وجيبي اكلها واكليها واهتمي فيها واعطيها فيتامينات
وارجعي دوامك وانتي مرتاحه
وكثري لها سناكس تحبه كوكيز اي شي اهم شي تاكل
انا سويت كذا مع ولدي وعادي يسمحون في الديكير تمرين عليها وتاكلينها وترجعينها لهم
كذا ترتاحين اكثر