مشكلتي الله يفرج هم كل من فرجت علي لو بدعوه

السلام عليكم ورحمة الله وبركاته
خواتي بنات حواء واعز والله من الخوات استفدت كثييييييييييييير منكم غيرتو لي حياتي للاحسن الله يسعدكم
وينور حياتكم ويجعلنا من المتحابين فيه
خواتي مشكلتي هي اني اذا صار عندي مناسبه يجيني قلق وما أنام وتتعب معدتي ومااقدر آكل شي
اصير على الحال هذا قبل المناسبه يمكن اسبوع او ثلاث ايام
ولا تروح عني الحاله ذي الا اذا رحت للمناسبه وشفت الناس خلاص وقتها انسى تعبي بس يصير شكلي مره تعبان
وفي يديني رجفه
مادري وش اسوي عندي زواج قريبتي الشهر ذا وخايفه لاني من الان احس اني تعبانه


سؤالي يارب يسعد كل وحده ترد عليه ويفرج همها وش اسوي هل احد يصير له زيي
هل فيه حبوب مهديه او منومه بس ماتكون قويه لان فيه حبوب الواحد اذا اكلهم اليوم كله ما يقدر يصحي
انا قبل كذا كنت اراجع عند دكتور نفسي وصرف لي دواء وتحسنت عليه كثير استخدمته مدة سنتين
بس حملت وتركته
وهو مشكلته انه ينومني كثير وانا ابي النوم الطبيعي
انا سمعت وحده فنانه بالتلفزيون مره تقول انا استخدم حبوب مهديه تريحني وتبلد احاسيسي وكتبت اسمهم ودورت بالنت بس مالقيتهم
والله تعبانه وطفشت من حياتي وعقدت الي عندي خصوصا بناتي لاني كل مناسبه وانا طايحه عليهم
الله يجزاكم خير الي عندها خبره بالحاجه ذي تفيدني والله يفرج عنها كرب الدنيا والاخره
طولت عليكم سامحوني


خواتي كل من دخلت الموضوع ياليت ترفعه وتدعي لي ممكن وحده عندها خبره تساعدني لاني تعبت

14 تعليق 1,301 مشاهدة

شاركي في النقاش

سجلي الدخول لإضافة تعليق.

التعليقات

14
  1. @alkhyzran_3

    أشوف من الأفضل أنك تراجعين عند دكتور لأن مشكلتك نفسية ماهي أجتماعية ماراح يفيدك إلا مختص
    وبعدين مادام أنك كنتي تاخذين أدوية اللي أعرفه أنه لازم يكون معها جلسات نفسية لأن الأدوية ماهي كافية
    إذا الدكتور اللي تراجعين عنده ماهو من النوع اللي يستمع للمريض ويعطي أدوية على طول فغيريه أفضل لك وشوفي غيره
  2. حبيبتي الله يشفيك ارقي نفسك واقري سورة البقره والله والله تحسي براحه عجيبه واستغفري ربك اشتري كتاب كيف تعالج مربضك يالرقيه الشرعيه تاليف الشيخ عبدالله السدحان دعواتك بتفريج همي والله يرزقني الزوج الصالح
  3. @ahlam_aamrna_1

    دى اعراض قولون عصبى لازم تاخذى الأمور ببساطة وما تشيلى الهم ولا تحملى نفسك فوق طاقتها وربنا يعفو عنك

تابعي تجارب أخرى من هذا القسم.