السلام عليكم :
يابنات ابي اخذ رايكم بحركه يسويها ولد اختي عمره 4 س ويفهم وذكي
وهو ياخذ الطبايع الي مو حلوه من اخوانه ويسويها بعيالنا
صعبه الوحده تربي وتربي بعيالها وبيوم يخربون عليها ويضبع تعبها هباء منثورا
اختي ولدها هذا من يوم ندخل المكان سواء بيتي او بيتها او بيت اهلي او ملاهي او اي طلعه خارجيه لازم يعبي عيالنا (( تفاال )) تكرمون مليت صراحه تخيلوا من يوم ادخل قبل افصخ عباتي والولد يتفل ويتفل ومايرتاح لين يملي الوجه حركه مقرفه صراحه وولدي يبعد الولد عنه ويرجع مره ثانيه كان يسوي هالحركه بكل البزران
وطبع ولدي الصغير ماشاء الله عليه يجلس بجنبي مايحب يفارقني واذا سوى ولد اختي هالحركه يلتفت ولدي علي ماما شوفي ماما شوفي ولا اقدر اسوي شي غير ياولد عيب ياولد ترى بزعل عليك
بس هذا الي اقدر اسويه
ولا عليه مني اصلا مايخاف من احد نهااااائي وامه تشوف وسااااااااااااكته او تلتفت عليه وتضحك وترجع يعني قصدها ولدي حركاتها حركات اطفال وبراءه
والله عيب ليش ماتصكه كف ولا تعاقبه تعبت والله
والله انقهررر اعلم عيالي وهم بالسياره وطول الطريق تعليمات انتبهوا خلكم عاقلين ومؤدبين وهم الحمدلله فعلا مؤدبين مو مدح بعيالي بس هي بنفسها مره قالت لي بلحظه وولدها قاعد يتفل ههههه ليش ولدك مايقوم مع ولدي يلعب عشان كذا يتفل عليه خليه يقوووم وولدي يخاف منه لانه اذا قام يلعب معاه اما يتفل او يعضه مع شفايفه
يعني قهر مطنشه وتضحك على حركات ولدها على حسابنا
ولا اقدر اضرب ولدها ولا كف لاني ماتعودت اضرب غير عيالي ولو بطقه عارفتها بتعصب وتزعل وتقول ولدك الغلطان ومستحيل تعترف بخطأ ولدها
انا كنت ساااكته ومتحمله بس الولد تجرأ وصار يتفل حتى على الي جالسين يتعشون او يلعبون واعمارهم 13 او 11 ينصدمون لاهين ياكلوون وهذا يتفل مو على الملابس على الوجه انا يوم شفت الولد تمادى التفت على امه بشوف ردة فعلها لقيتها تضحك ماتبي تهين ولدها عشان عيالنا وولدي ( 13 س ) مسكين انصدم والتفت على خالته توقع بتطق ولدها او تسوي شي قالها ياخالتي فلانه شوفي يتفل التفتت وصدت
والله قلة ادب وش الحل يابنات تعبت وتعبوا البزران لدرجه مره كان القولون متعبني وكنت ناويه ادعي على ولدها من الحره الي فيني بس استغفرت وهونت
هذا اكبر ايذاء للمسلمين
شاركي في النقاش
سجلي الدخول لإضافة تعليق.
التعليقات
68- بصراحه انا لو مكانك ولله لاصكه بكف
اخليه يدور حول نفسه بطقه بطقه بطقه لحد مايبطل هالعاده
>>> لا تقولون قاسيه بس انا طبعي عصبيه وما اتحمل البزران ومصاختهم
^_^ - قومو عندة واتفلي بوجهه الين ينعدم وإذا اختك زعلت قلي بغيت امزح معاه واقلد حركته واستلمية تفله في وجهه الين يتوب اول ما تشوفينه صكية بذيك التفله المباشرة الغير مسبوقة وهكذا الين يتوب وتزعل امه وتمسكة عن تفلة الناس حتى ولدك الكبير خليه اول ما يشوفة يتفل بوجهه الين تعرف امه تادبة كذا مو معقول تخلي ولدها يتفل على الناس وما تردة خليها لمن تزعل انكم تفلتو بوجهه ذيك الوقت تردة
عاد كل شي الا التفل قرف ايش هذا
الله يعينك والله انك صابره لوا انا كان حكيته ذاك الكف وعسى امه ما ترضى احسن تادب ولده هو صغير الغلط منها هي وقولى لها ترضين احد يتفل في وجه ولك ولا تزعلين - صح كلامكم يابنات
بس اذا تفل ولدي بيرجع ولدها يتفل لين نمل ونستسلم لانه ماراح يتعب مخلي هالحركه لعبه له
وهي اذا زعلت زعلها شين بتزعل شهر شهرين ولو بعطي ولدها كف بتوصلها لزوجها وزوجها مايبي احد يضرب عياله وحتى لوغلطوا تقول مايتحمل احد يضرب عياله ووحده من القرايب طفش ولدها من هالولد وعطاه كف سكت الولد الي يتفل وصبر لين جاء ابوه بالليل ياخذهم وعلم ابوه ومسك الولد وعطاه كف وهاوشه وهزأه قدام البزران لين حرم يلمس ولدها صار يتفل ويهدد بأبوه ترى بعلم ابوي ياويلك من ابوي
حسبي لله ونعم الوكيل وهي فرحانه ان زوجها ياخذ حق عيالها - سبحان الله انتي مثل حالتي ولد اختى عمره 6 سنوات قله ادب و دلع اذا ما اعجبه شئ ممكن يكسر البيت فوق راسي بس والله انا ما اتحمل اطقه امه تزعل كل عاده هههه تخيلي يبهذل خواته و امه جمعه حريم عادي انا يحترق دمي
الله يهديه - ^^ ^^
توته 17
وش تقولين لامه اذا زعلت وشلون ترضى ..؟؟
اختي زعلها شين اقعد اكلمها وماترد ولا ترضى الا بعد شهوررر قاسي قلبها الله يسامحها
وتوصلها لزوجها وممكن يكلم امي يهاوشها عشان ولده يبيها توصل الكلام لي
وكلن يدور رضاها هي وعيالها عشان الفلوس لان زوجها غني ويسكت الناس بفلوسه
احس اني انمرضت وبمرض عيالي من تصرفاتهم
مواضيع مشابهة
تابعي تجارب أخرى من هذا القسم.