شاركي في النقاش

سجلي الدخول لإضافة تعليق.

التعليقات

3,929
  1. semsem2005
    السلام عليكم جميعا ازيكم يا قمرات المنتدى ام يوسف ازيك انتى عاملة ايه كهرمانة الف سلامة عليكى يا حبيبتى وربنا يكملك على خير دون انا باقول انتى فعلا تاخدى الفراخ وتقسميها بس خدى بالك ياسمين معاهم وهى هادية وما بتتحركش من مكانها وبتسمع الك…
    عندك حق يا ميرو بلاش احسن خلينا فى المضمون
  2. صباح الخير يا نودي ازيك واخبار ضهرك ايه
    في كريم ماساج حلو اوي اسمه مووف جربيه بالليل قبل ماتنامي وربنا يشفيكي انا عارفة وجع الضهر


    انا مش عارفة هما عايزين يعملوا فينا ايه اكتر من كده مش كفاية حالة الذعر اللي في البلد من الفراخ كمان اكلها في خطر

    والله مكدبش عليكي انا خايفة من اكلها كمان بس هي حاجة اساسية في الاكل مينفعش اعتمد على اللحوم بس لاني مبحبهاش

    ربنا يستر علينا بقى ويرحمنا ويرفع مقته وغضبة عنا
  3. @noody30

    صاحبة الموضوع
    صباح الفل يا ميرو، تسلم لي يا حبيبتي، انا حاخد مسكن دلوقت لحد ما اروح و اشوف الكريم ده ان شاء الله لاني فعلا مش قادرة اقعد لا هنا في الشغل و لا في القطار و انا مسافرة و حاتجنن بسببه

    بالنسبة لموضوع الفراخ يا بنات، اولا الفيروس ضعيف و بيموت بدرجات الحرارة العالية و احنا بنسلقها او بنقليها (بانيه) يعني حرارة تموت عيلة فيروسات بحالها. غير كده احنا مش بنشتري دلوقت فراخ طازة لانهم خلاص منعوها، و كله مجمد و باشراف الصحة و الفرخة المريضة بيبقى فيها زي كدمات او تجمعات دموية ظاهرة جدا تحت الجلد، يعني مفيش اي احتمال اننا نشتري حاجة زي كده متكونش ظاهرة. مش عاوزين نعيش نفسنا في ذعر ملوش اساس
  4. صباح الخير يا نودى سلامة ضهرك
    خدى بالك من نفسك وادهنى اى حاجة مسكنة زى فولتارين
    واوعى تتهاونى انتى عملتى اى حركة غلط ولا شيلتى حاجة تقيلة
  5. @noody30

    صاحبة الموضوع
    الله يسلمك يا سمسم، ابدا و الله معملتش اي حاجة و لا شلت اي حاجة، بس ضهري تاعبني من كتر القعدة في نفس الوضع لفترات طويلة، خصوصا موضوع القطار ده، بالرغم من انها قطارات مكيفة و ديزلات و المفروض انها احسن حاجة للسفر و تكون مريحة، لكن منهم لله هيئة السكك الحديد، الكراسي غير مريحة بالمرة و طبعا اللي بيسافر رايح جاي يوميا زيي اللي بيحس بمساوئها، كفاية التكييف و اساءة استخدامه، امبارح كنت حأعيط من الثلاجة اللي كنا فيها و اشتكيت لرئيس القطار و للزفت السفري اللي بيبقى مشرف على العربية و الله كأني باشحت مش باطلب حقي على الاقل مقابل المبالغ اللي بندفعها لهم في التذاكر و الاشتراكات، بس حسبي الله و نعم الوكيل بدل ما يقفل التكييف او يرفع الدرجة قللها زيادة و بقت العربية بجد ثلاجة و المصيبة ان الناس يا اما نايمة يا اما مش عاوزة تتكلم لان كفاية واحد اتكلم يا اما مش عاوزين يوجعوا دماغهم. يالله الحمد لله على كل حال، معلش صدعتكم بمأساتي مع سكك حديد مصر، بس و الله من التعب :(

تابعي تجارب أخرى من هذا القسم.