شاركي في النقاش

سجلي الدخول لإضافة تعليق.

التعليقات

401

  1. @anaml_naaamh_2

    حبيبةحبيبيH
    هلا وغلاااا يااااعمري انتي والله وربي استحيييييييييت الله يحبب فيك خلقه ياعيوني واشكرك على مشاعرك الطيبه يالغاليه عاد بخصوص طاري رمضان يؤ يؤ عاد توقعتك بتقولين لما يجي الطاري افرح وانبسط ليش تشيلين هم ؟ سبحان الله ربي يهون كل صع…



    ياعمري انتي
    دامها اول سنه اكيد ماتنلامين
    فعلا توك ماتأقلمتي مع شخصيه زوجك برمضان
    لان هم ماشاء الله طول السنه لهم نفسيه وبرمضان نفسيه ثانيه

    ..

    عشان كذا صدقيني مالك الا التفريز
    والشوربه سويها تكفي يومين
    صدقيني طعمها مايتغير بتااااااااااتا
    وحاولي من الان اعرفي زوجك ايش يحب عالفطور
    عشان ماتطبخين كثير وتتعبين عالفاضي
    اخاف انه من النوع اللي ماياكل نفس اللي عندي :eek:
    ..

    اوكي تقدرين تسوين الثوم بالطريقه اللي قلتيها
    بس كيسه الثوم الكبيره حطي عليها عصير ليمونه وحده وسط
    واحفظيه بالفريزر
    ..

    الباذنجان مدري مااقتنع اسويه وافرزنه
    احسه يتشرب الزيت
    وبعد مايطلع من الفريزر ويفك الثلج حقه يصير طررري ومرطب

    بس اشوف كثير ناس يفرزنونه بس مادخلت مزاجي

  2. @hbybhbybyh

    يااااااعومري عليكي يا أنمولة
    والله انك عسل وتنحطي ع الجرح يبرى

    هوا شكلو اللي عندي:arb: نفس اللي عندك ياكل قليل بس ماشاءالله مايقصر
    يعوض بعدد الوجبات يعني فوق ما اطبخ اغسل مواعين لليل:angry:
    ان شاءالله يحن عليا ويجبلي غسالة
    الحمدلله ع كل حال وزي مايقولوا كلو بأجرو
    بس وربي خوفتني حكاية نفسياتهم في رمضااااان:30:
    يااااااااااااارب يسخرلك زوجك

  3. @an_sktna_khr

    موضوع جميل واكثر من رائع
    يكفي انه يزودنا حنين لشهر الخير ياني مشتاقه له
    وما شاء الله البنات كلهم متعاونين واخص بالذكر اختي انامل ناعمه

    ماشاء الله عليك مبدعه وست بيت ممتازه وطويلة بال

    انا عندي اضافه ان شاء الله تفيدكم بالنسبه للتفريز

    اغلبكم يقول انها مايمدي الاشياء تفك من الثلج علشان كذا اقولكم يفضل انك اذا صليتي الفجر وخلاص بتنامين تنزلين الاشياء من الفريز الى الثلاجه بتفك شوي على مهلها واول ماتقومين من النوم طلعيهم من الثلاجه يفكو بسرعه

    والطماطم اذا كانت في كيس محكمه مايمنع انك تخلينها تحت مويه جاريه

    وبس هذا اللي عندي حاليا

    وجزاكم الله خير وبلغنا واياكم رمضان وبارك لنا في شعبان

  4. @rosy_4

    اللهم صلي على نبينا وحبيبنا محمد
    صلو عليه يابنات
    حقولكم نظامي برمضان
    ويارب يارب تستفيدو
    اولا اقسم وقتي من قبل
    دخول رمضان بأسبوع
    واعلق الجدول ع التلاجه
    ان شاءالله اذا قدرت انزلو هنا
    اكتب فيه الاساسيات الي يوميا
    اطبخها اكتب سفرة كل يوم
    في الجدول بس اصحى وانفذ
    وكمان احيانا اجهز اشياء من
    الليل لانو الجدول قدامي
    وعارفه ايش حطبخ بكره
    والاشياء الي يوميا على سفرتنا
    شوربه انوع فيها
    مره حب مره شوفان مره خضار
    مره عدس الخ
    وسمبوسك ومنتو بالتبادل يوم دي ويوم دي
    وسلطه خضرا
    خبز بيتي اكون عاجنتو بالليل
    تمر ولبن وطبق رئيسي يكون
    معكرونه او صينية خضار الخ
    دي كلها الاطباق يوميا اعملها
    مع التنويع يعني لو عملت اليوم
    شوربة خضار ومعكرونه
    اعمل بكره شوربه حب وصينية فرن
    خضار او مصقعه او اي حاجه
    وكمان السمبوسك لو عملتها اليوم لحمه
    اعملها بكره جبن وبعدو خضار الخ
    يعني اساسيات مع التنويع فيها
    ان شاءالله فهمتو عليا
    بالنسبه للحلو مااتكلف فيه
    ياكريمه او مهلبيه او بسبوسه سريعه
    بعد التراويح بنحلي فيها
    حتى لما بيجيني ضيوف
    نفس الاطباق بس ازود الكميه شويا
    متى ادخل المطبخ؟
    الشوربه والسلطه والحلو اعملهم بالليل
    وادخلهم التلاجه بس السلطه بدون ليمون وملح
    عشان ماتدبل
    والنهار اصلي العصر وادخل اعمل الطبق الرئيسي
    والله مابياخد وقت سريع سريع

    لانو بكون خفيف مافي اضافات كتيره
    يدوب تسبيكه ولحمه او دجاج مقطعين مكعبات
    وع النار لحد مايخلصو او الفرن
    واحط الصاج حق البيتز ع النار واحط عليه
    عجينة الخبز مابتاخد وقت بسرعه بتستوي
    وبجلس ربع ساعه الف السمبوسك واستغفر
    واسبح واغطيهم الين قبل الادان بربع ساعه
    وبقليهم
    بخلص من المطبخ خلال اقل من ساعه
    ماشاءالله تبارك الله
    وبجهز الطاوله احط التمر واللبن والشوربه والمويه
    نفطر ونصلي وبعد الصلاه بنرجع للسفره
    وبنحط السمبوسك او المنتو المتوفر وقتها
    والطبق الرئيسي والسوبيا اوقمرالدين
    والسلطه والخبز
    والله يابنات بكون طوال النهار فاضيه ومرتاحه
    وعندي وقت طووووويل اذكر الله واصلي
    واقرا قران والعب مع الصغار واهتم فيهم
    وحتى بعد الفطور مابيكون فيه شغل كتير
    بشيل السفره واتخلص من بواقي الاكل
    واحطها بحوض الغسيل
    واحط عليها مويه وفيري ونقطتين كلور
    واتمدد الين ادان العشاء واصلي واتروح
    واقرا قران ولله الحمد وبعدها ادخل المطبخ
    الاقي المواعين نظيفه بس اطلعها من الحوض
    تحت الحنفيه على الشبك حق الغسيل
    ومن الساعه 10 الين وقت السحور حوالي
    الساعه 2 اكون فاضيه يااتعبد او نخرج نتمشى
    او اكون ف بيت اهلي زياره او اقاربي الخ
    واذا ماخرجت وغالبا مابخرج اجلس اجهز فطور بكره
    الشوربه والسلطه والحلو وكلها والله مابتاخد
    نص ساعه
    اما العشره الاواخر تختلف كليا
    نحاول نلزم البيت اكتر وقت ممكن ومابنخرج
    الا للضروره
    اتمنى تستفيدو من هرجي الكتير هههههه
    بس والله نفسي تستفيدو من نظامي
    لاني من حوالي 6 سنوات ماشيه عليه
    مع تغيير بعض انواع الاطباق شويا
    ياريت تطبقوه لانو مسهل عليا لدرجة اني
    مابفرزن ولابجمد النظام وتقليل كميات الاكل
    وتقليل انواع الاصناف = وقت للعباده ووقت للراحه
    وبركه في وقتهم

تابعي تجارب أخرى من هذا القسم.