حبيبتي ام فارس ومحمد بارك الله فيكم
ابغاك تساعديني في لون وشكل البويه وكنب الصاله انا صالتي تعتيق لونه كريمي والاثاث بني
والحين بنغير البويه والكنب ورحت الجزيره وشفت اخر مانزل ابداع وخيال والحزام قالوا قديم بين لونين
وانا محتاره ايش اختار بين الشكلين وانا عجبني شئ تاني مااعرف انزل الصوره >لونها لؤلؤي > وحوصف لك المدخل والصاله
اول ماتدخلي ممر طبعا يتخلله غرف ثم تاتي الصاله ثم ممر لغرف النوم والصاله امامها باب المطبخ احترت في اختيار لون البويه ولون الجلسه لاني حقيقه مايلفتني الا البيج والوانه فمحتاره اختار اللون المناسب لاني ابغاه جميل ويعطي انتعاش للبيت
وماابغى اكرر البني ودرجاته في البيت لان بوية المجالس تفاحي والجلسات بني وبيج وياليت تحطي صور لكنب حلو وكلاسيكي
مودرن والله يكتب لك الاجر
طلبات صور الديكور هنا ( طلباتكم اوامر ) ✿ الجزء التاسع ✿
متابعة النقاش، صفحة 56


















