مخنووقه- يارب فك كربة الي ترد علي وجازيها بالخير

السسسسسلام عليكم ورحمة الله
مخنوقه جدآ ومتضايقه والحمد لله رب العالمين على كل ماهو مكتوب لنا اللهم لااعتراض

ابي افضفض يابنات واسسوني شووي وجعل الي تدخل وتدعي لي ماتذوق الهم وتفرج كربتها ويؤجرها رب العباد

وصلت ال 27 ولاتزوجت اللهم لااعترااااااض

كنت انخطب كثير كثير من صغري وللاسف ماتتم مو مني منهم هم يرفضوني مابي امدح نفسسي بس يوم كان عمري 19 20 واقل الجماعه والاصدقاء طايرين فيني والكل يتمناني فجأه انقلب الحال ولاعاد احد يبيني حتى الي كان يبيني وخاطبني ويقرب لي وكنت ابيه ماعاد يبيني تزوج الله يستر عليه اذكر يوم حضرت زواجه كنت مستانسه وارقص ولابييييينت لاحد لكن ماخفيكم ان كان قلبي مجرووووح جرح كبير وخصوصا يوم شفته بالزفه لاشعوريآ دمعت عيني تعرفون هالشعور انسان احبه وماتخيلته يكون لغييييييري وصار لغيري وماني حاسده وربي يشهد اني نسسسيت ولكن لازلت مجروحه
تحطمت صرت اشوف نفسي فيني نقص تعرفون هالاحساس صععععب والله مع الايام اكتشفت انه فيني حسد وشغلات من هالكلام

الي خلاني افتح هالطاري الحين
شخص خطبوني اهله قبل فترره وفجأه سكتو واليوم سمعت انه زواجه قريب اللهم لااعترااض يارب اجرني في مصيبتي واخلف لي خيرآ منها

ادعولي يابنات الله ييسر لكم كل عسسسسسسسير قادر ياكريم تكفون لاتنسون اختكم

بس ياترا انا عمري 27 بس ماشاء الله حلوه هل ياترا دخلت اطار العنوسه وهل العنوسه ماتفرق بين حلوه ومو حلوه مع اني اشوف كل البنات حلوات

مدري تمته في صدررري لاتواخذوني

الحمد لله رب العالمين واستغفر الله العلي العظيم واتوب اليه

71 تعليق 4,363 مشاهدة

شاركي في النقاش

سجلي الدخول لإضافة تعليق.

التعليقات

71
  1. كلنا تمر فينا نفس حالتك من هم وتفكير بالزواج
    بس انا بقولك شي
    دايما لاضاق صدري والا انهميت تذكرت مقولت مادري مثل الموهيم اللي هو علمت ان رزقي لن ياخذه غيري فاطمأن قلبي
    واحيان بعد ظروف تمر على صاحبها وتمر علي بس شفتي توقيعي يعطيني امل وتفاؤل
    والنصيب مايعرف حلو والا مي حلوه دام رزقنا عند رب العالمين ربي بيفرجها واذا تاخر فهو رايد لنا الخير
    الله يوفقك ويوفقني ويوفق كل من تبي الرزق اي كان
  2. @girl23

    صاحبة الموضوع
    ياحياتي ياكتكوته الله يسعد قلبك ويفرحك امين والله صادقه انا الحين صرت اصبر كثير وارضى بالواقع بس اوقات اضعف واقعد افكر لكن الأمل بالله كبير ونعم بالله وياااااااااارب تفرج
  3. @dyala1

    وعليكم السلام والرحمه الله وبركاته
    قولي الحمد الله على كل حال
    ياقلبي ماشاء الله توك صغيره والعمر قدامك لا تضيعي احلى سنين عمرك بالهم والتفكير السلبي
    ياقلبي انا عمري 31 عازبه ههههههه الحمد الله اهم شي عايشه بعفو وعافيه وامن وامان مرضيه ربي وبعدين اللي اطلق كلمه عانس للاسف المجتمع ولا في القران والسنه مافي لان ربك سبحانه وتعالى جعل لكل انسان اجل سواء في الحياه او الموت والرزق يعني كوني متفائله بان اذا ماتزوجتي هاليوم يمكن باكر او بعد شهر احسني الظن بالله وحسن التوكل عليه لا تستعجلين على رزقك لان الله احكم مني ومنك في تاخر نصيبنا ورزقنا مو مهم تاخر النصيب يا حياتي الاهم اذا جاء النصيب يكون خير ومبارك وراحه وسعاده دائمه
    دائما قولي الخيره فيما اختااااااااااااره الله واعلمي بان رزقك مافي احد راح ياخذه غيرك
    اسالي الله دوم التوفيق والسعاده وحسن الختام
    الله يرزقك الزوج الصالح اللي يسعدك ويخاف الله فيك ويعينك على طاعه الله واتباع سنه نبيه صل الله عليه وسلم ويعينك على بر ووالديك وعمل الطاعات ويشغل وقتك وتفكيرك بما يرضي الله يارب

    نصيحه: من اختك الكبيره طبعا انا فديتني .... كل ما حسيتي بضيق على طول روحي توضي وصلي ركعتين واقري ماتيسر من القران واكثر من الدعاء وذكر الله لا تستسلمي للحزن والافكار السلبيه
  4. @aldayaah_2

    هلا حبيبتي

    والله ياقلبي الزواج مو محصور على الحلوه والا الشينه او البيضاء و السمراء او او او او ...الخ

    البنت ما تاخذ الا نصيبها

    و بقولك حاجه مهمه اللحين بهالوقت علمك و شهادتك والوظيفه هي الاهم انا ما اقولك الزواج مومهم .. بس فيه الاهم منه

    ادرسي وتوظفي عشان بكرررى محد يمن بلقمتك هذا المهم

    وصدقيني لو لك نصيب بتاخذينه سواء كان زواج او غيره



    والله يوفقك يارب

تابعي تجارب أخرى من هذا القسم.