ملف استشارة مطبخبيه * 6 *

الجمبرى المشوى

ضعى ك جمبرى بقشره ومنظف فى طبق فرن ورشى عليه قليل من زيت الزيتون وربع كوب ليمون وملعقه مسترده وكمون وكزبره ناشفه وشطه واوريجانو وملح وفلفل وبابريكا وقلبيهم جيدا ثم دخليهم فرن حار لمده ثلث ساعه او حتى يصبح لون الجمبري برتقالى واضح‬

سمك بصوص الليمون

مقادير الصوص
ربع كوب عصير ليمون
2 ملعقه زبده او مارجرين
نص ملعقه صغيره بودره ثوم
ربع ملعقه صغيره بودره بصل
ممكن لو تحبى تزودى ملعقتين جبنه شيدر مبشوره
نص كوب مايونيز
تخلط جميع المقادير وترفع على النار حتى تذوب فيضاف ملح وفلفل وشطه

لتتبيل السمك اخلطى نص ملعقه بهارات السمك م نص كوب عصير ليمون ونص كوب لبن وبيضه
ينقع السمك ساعتين فى التتبيله ثم ينقل فى بايركس مدهون ويصب عليه التتبيله ويدخل الفرنحتى يحمر

يقدم وبجانبه صوص الليمون الدافىء‬

فى السريع كده كيكة التفاح الهششششه لسه طالعه من الفرن ولسه حتى مزوقتهاش بالصوص بتاعها وهى كده على فكره مش محتاجه حاجه زواقها منها فيها بس قلت اصورهالكم تشوفوها بسرعه ويارب تبان قدام الحاجات الفظيعه اللى حطاها مهموهتى الجميله
الوصفه شوفتها فى برنامج تسلم الايادى امبارح وعجبتنى اوى وقلت اجربها قبل رمضان
الاول نجهزالصنيه بتعاتنا ونكون دهنينها زبده وحاطين فيها الكراميل اللى هو كوب سكر فى طاسه على النار لحد ما يدوب ويعمل كرامله دهبى تحطيهم فى الصنيه وتمررى على الجناب كمان بالكراميل بعد كده تجهزى التفاح اربع تفاحات بلدى الحلو بتاعنا تقشريهم وتقطعيهم شرايح زى ما تحبى رفيعه وتحطى عليهم معلقة قرفه ومعلقة صغيره زبده وممكن لو تحبى تزودى معلقة صغيره سكر بنى تقلبيهم مع بعض وتحطيهم فوق طبقة الكراميل فى الصنيه
مكونات الكيكه
3 بيض و2 كيس فانليا ونقطتين خل فى خلاط العصيريضربو ضربا مبرحا معاهم كوب سكر
بعد كده نضيف كوب عصير برتقال او لبن اللى موجود عندك انا خلطت بينالاتنين عملتكوكتيل نضرب كل ده فى الخلاط ونضيفهم على المواد الجافه اللى نكون نخليهم فى بوله وهم عباره عن2 ونص كوب دقيق ورشة ملح ونص معلقه صغيره بيكنج صودا ومعلقه كبيره بيكنج بودر ونقلب بمضرب يدوى ونحطهم فى الصينيه بتاعتنا وعلى الفرن درجة حرارته 180 لمدة 45 دقيقه وحسب فرن المهم مش تفتحى فى التلت الساعه الاولى بعد ما تدخلى الصنيه وتختبريها قبل ما تطلعيها بعود خله وبس كده تخرجيها وتقلبيها وهيا سخنه ويا سلام على الصوص الابيض او مع بولة ايس كريم فانليا واااااااو تحفه هتعجبكم ان شاء الله

طاجن جمبرى بالخضار

محتويات الطاجن

جمبري بقشره
بطاطس مقطعه حلقات متوسطه اسمك من الشيبس نوعا ما
وجزر حلقات تكفي واحده
فلفل اخضر وممكن الوان
وطماطم وبصل وباذنجان الكل مقطع حلقات
التتبيله توم ملح كون قرفه شطه كسبره ناشفه وكسبره خضرا ولومي وجنزبيل مطحون وخل وليمون


ونقسم التتبيله نتبل الخضار بنصف ونتبل الجمبري بالنصف الاخر ثم ندهن الطاجن بالزيت ثم نضع الخضار المتبل وعلي الوجه الجمبري وقليل من ترنشات الطماطم والفلفل الاخضر والبصل ثم يرش بالزيت ويدخل الفرن ويغطي بالفويل لمدة عشر دقائق او عند بدا نضج البطاطس الجمبري هيخرج سوائل كثيره اتركيه حتي يتم امتصاص هذه السوائل ويقدم مع الارز‬