الله الله يا مصراتة .. هذا هو ما وعد به المدمر القردة من بناء و تعمير!!
(وبشر الصابرين ) نسائم الحرية قريبة يا وطني- دعواتكم لليبيا + الأخبار
متابعة النقاش، صفحة 205
شاركي في النقاش
سجلي الدخول لإضافة تعليق.
التعليقات
1,429
الله الله يا مصراتة .. هذا هو ما وعد به المدمر القردة من بناء و تعمير!!- تذكــــــــــــــــرت اهل الزاوية وعربها
جتني افكاري والافكار سببها *** تذكــــــــــــــــرت اهل الزاوية وعربها
تذكرتهم والدمع ماهو مني *** سبب حسرتي لومي على بن عمي
لومي على الجيران *** اللــــــــــــي شاركوا في كلمة الجرذان
اللي شاركوا المجنون *** الفكــــــــــــــــــر رايح والنسب مطعون
ومازلت مش قادر إني نحسبها *** الخــــــــوان كلمة دهر من يعربها
وياحيف عل المهدي اللي سلمها *** خسارة رتب وحاملين وسمها
لكن النصر قريب *** ووننســــــــــــــــوا شكاله والجروح تطيب
- مع طرابلس قلبي مشى خلاني
مع طرابلس قلبي مشى خلاني ,,,,,,,,,,,, هي بلادي وفرحتي واحزاني
هي نور عيني الصافـــــــــــــي ,,,,,,,,,,,, وهي الحبيبة والحنان الدافي
وهي الغزالة ومهجتي واريافـــي ,,,,,,,,,,,, وهي المحبة الحب ليه مكان
وهي اللي شالت حمول كتفاي ,,,,,,,,,,,, لما مشيت ودرت في الاركان
وهي حنان القلب ماهو خافـــي ,,,,,,,,,,,, مــــن طبعها ماتعرف الحرمان
لكن سكنها جرذ ذيله وافـــــــي ,,,,,,,,,,,, لو تذكروا جاها اللي حفيـــان
ايريد الحظارة نسبته شفشافي ,,,,,,,,,,, جاهل ومتغطرس كما الطليان
لو نوصفه فايت جميع اوصافي ,,,, خسيس طبع مايصلحش حتى إعلان
وهي الضحية ليك ياقذافـــــــي ,,,,,,,,,,,, لين تنتهي وترجع ايام زمـــــان
الله ينصر الثوار قالوا كافـــــــــي ,,,,,,,,,,,, واليوم ضي النصر راهو بـــــان
سما اسبانيا قصيدة الوطن يبي ناسه
الوطن يبي ناسه ,,,,,,, ولايعترف باجناس غير اجناسه
الوطن موش هوين ,,,,,,, والوطن كيف الام ديمة حنين
لاتكذبه ولاتقول عندي لسين ,,,,,, راهو فساد الملك من حراسه
الوطن يبي ناسه؟؟؟
الوطن عنده اشاره ,,,,,, وتصعب عليه ان كان فيك مراره
جميع حكمتك من غير وطن خساره ,,,,,, كيف العسل مدسوس في الكباسه
الوطن يبي ناسه؟؟؟؟
الوطن ارض الخوت ,,,,, وهو ايشيل الاسم بعد الفوت
وياصاحبي تراب الوطن مايموت ,,,,, ولاينتهي حب الوطن واحساسه
الوطن يبي ناسه؟؟؟
الوطن يبي الغيره ,,,,,, والوطن يبي الصدق في تفسيره
لون الحياة من غير وطنك حيره ,,,,, وتبدى مثيل الحبر في الكراسه
الوطن يبي ناسه؟؟؟
الوطن يبي رجال ,,,,,, وماينفعه مليون من انذال
يبدوا مثيل البوم في الترحال ,,,,,, وين تشبحه تشبح معاه خساسه
الوطن يبي ناسه؟؟؟
الوطن يبي الطيبة ,,,,,, ويبي معاني الدين ترتيبه
كيف الحجر لوكنت تبي تعيبه ,,,,,, ابعد عليه وحط فيه كناسه
الوطن يبي ناسه؟؟؟
يامعمر ياجبان عبد الجليل فى الميدان
مواضيع مشابهة
تابعي تجارب أخرى من هذا القسم.