احتاج مشورتكم تكفوووووون قسم بالله ضايقه ومحتاره

يا حبيبتي وسعي صدرك وتفاءلي
امك مسكينه اكيد شغل البيت كبير وما يرحم
صدقيني حتى لو رحتي لبيتك ما راح ترتاحين
هذي الولاده واتعابها مافيها راحه
مافيه نوم زي اول ولا راحه فيه بيبي يتدلع ويبله عنايه طول الوقت
انت حطي كل الاغراض اللي تحتاجينها حولك ماله داعي غرفه ثاني حطيهم لو تحت السرير
اما بالنسبه لللجوع حطي عندك بسكويت وكيك وفواكه وكولي منها كل ما حسيتي بالجوع

النفاس محد يرتاح فيه حتى لو اهلك ما قصروا معك وحتى لو عندك خدم لازم بتقومين كل شوي علشان بنتك رضاعه وتغيير
الله يعنك ويقومك بالسلامه
وصدقيني هي عشر ايام وبعدها تخفي وتطيب الخيوط وتقومين بنفسك

ياقلبي انتي ارجعي بيتك وجيبي لك شغاله الي باليوميه واذا ماقدرتي ع الشغاله في اخوات زوجك اكيد مايقصرون معك وعن اكلك اكيد ام زوجك مابتقصر معاك اهم شي الراحه النفسيه.

الله يعيييينك يااختي

حبيبتي جيبي شغاله تمسك بنتك وتهتم في اغراضها وملابسها وكل شي يخصك انتي وبنتك مو لازم تنظف

وبنات اخوك قولي لبوهم والله حرام صغار

لا ترجعين لبيتك لأن الناس كلها بتتكلم وأولهم أهل زوجك وحتى زوجك بيحطها بنفسه حتى لو ما وضح لك

النفاس هذي المرة عديها على خير وكلمي أخوك الكبير يآخذ أخوك الصغير ويطلعه معه عشان يخفف من الإزعاج وقولي له على اللي يسويه ببناته حرام يمكن أبو البنات ما يدري عن الضرب اللي تتعرض له بناته ،،،

وبعدين المرات القادمة بإذن الله نفسي ببيتك من الأول

الله ييسر لك ويهدي الجميع