قصة غياااب اخوي الي لا خلت ليلنا ليل ولا نهارنا نهار الله ينتقم ممن كان السبب

السلام عليكم ورحمة الله وبركاته
تخيلوا يااابنات صااار لنا موقف الله لا يحط احد فيه يااارب روعه وخوف وقلق وترقب ما ادري وش اوصف وش اقول شعورر صعب صعب صعب جعل ما احد يمر فيه يااارب:icon33::icon33:
تخيلوا الخميس هذافي الليل الساعه 2 قبل الفجر دق اخوي علينا قال انا بروح لديرتنا وهي تبعد عن الرياض حول 200 كيلو او اقل يعني باذن الله في ساعتين الى ساعتين ونص المفروض يكون واصل هناك:time:
دق على امي قال عيال خالاتي مجتمعين وبروح لهم وترى جوالي يقول بيطفى ولا معي شاحن واستودعناه الله وراح يوم جت الساعه اربع ندق مقفل الجوال ندق على عيال خالاتي الي ينتظرونه نقول جاكم
يقولون لاجت الساعه 5 ماجاء 6 ماجاء يعني صار له من راح 4 ساعات او اكثر وانا ما ندري عنه شيء والجوال مقفل ندق ندق خلاص مالنا حيله ياااارب فرجك يااارب تطمنا اتصالات جاء لا قالت امي خلاص ماعاد اقدر اصبر
اكيد الولد ياحادث يامتعطل ويروح ابوي الصبح يمسك خط ديرتنا من الرياض وقال لعيال خالاتي انتم امسكوه كنكم راجعين ويتلاقون عن محطه عشان يمشطون الطريق كله وتلاقوا عند المحطه ولا لقوا له اثر :44:سالوا أمن
الطرق عطوهم مواصفات سيارة اخوي قالوا ما فيه سيارات متعطله سالوا الهلال الاحمر قالوا ما جانا حوادث لا حول ولا قوة الا بالله وين اختفى الولد ان لله وانا اليه راجعون رجع ابوي وما للولد اثر راح لم
استراحه يجتمع فيها مع زملاه قالوا مهوب فيه لا حول لا قوة الابالله يااارب فرجك ياارب جت الساعه 8 الصبح وانا ادق معلقه على جواله ورد علي صوت قال الووو الجوال مافيه شحن وانقطع الصوت يااربيه وفي نفس اللحظه رد على
صديق اخوي هالصوت ياربيه ثمن تقفل الجوال ثانيه انا خلاص ما عاد اقدر اميز هو صوت اخوي ولا بس خلاص الواحد يحاول يتعلق بااي شيء احاول اضغط على نفسي واقول لامي وابوي انه صوت اخوي الي سمعته بس فيه شيء يقول داخلي انه مهوب هو مهوب صوت اخوي ياااارب:icon33:
ناخذ ارقام المستشفيات الي حول منطقتنا ما لقيت عند الاستعلامات الا رقم مستشفى منطقتنا بس وعجزت وانا ادق ولا يردون لاحول ولا قوة الا بالله حالتنا ما يعلم فيها الا الله
جاء الظهر صلوا الجمعه ننتظر الولد يجي ما له اي اثر جاء العصر راحوا اهلي ثانيه لا ستراحة زملاه وراحوا لبيت واحد من زملاه الي متعودين يروح له قال خبري فيه الاربعاء ولا عاد ادري عنه ان لله وانا اليه راجعون
خلاص الولد مختفي وين بنلقاه يااارب فرجك يااارب وابوي يقول خلاااص كاني مربط ما ادري وش الحل مدري وين بندور عليه فيه مدري وين اروح
ونحاول نطمن انفسنا نقول لو فيه شيء ان كان دقوا المرور لا ن رقم البيت يكون مكتوب في البطاقه لاحول ولا قوة الا بالله :44: وين راح الولد له مفقود اكثر من 16 ساعه لاحول ولا قوة الا بالله
خلاص وينه يااارب هل اختطف ؟؟ هل احد حده وخطفه مع سيارته ؟؟ هل هل هل هل خلاص الافكار تدور بنا وانا وامي بس جالسين والجوالات في يدينا بس ننتظر اي شيء ارهاق وتعب وقل نوم وخوف ترقب لاحول ولا قوة الا باالله شعووور صعب صعب جداا واخر
ساعه من الجمعه وندعي ربي وندعي ربي يااارب فرجك يااارب ما الطفك وما ارحمك الا صديق اخوي يدق على ابوي الله يسعده دنيا واخره ويرزقه من حيث لا يحتسب يااارب راح للمرور لقاهم حاجزينه في مرور الناصريه قاطع الاشاره ووقفوه في التوقيف من الساعه 2 في الليل
الله ينتقم منهم يااارب ويقولهم عطوني الجوال بكلم اهلي اطمنهم وعيا العسكري الله ينتقم منه جعله يشوفها في نفسه يااارب يقول بس بطمن اهلي وكل شوي يقول طيب طيب شوي ويسفهه الله ينتقم منه الجوال خذوه منه يقول بس بطمن اهلي وخذوه وعيوا حسبي الله عليهم
تخيلوا 17 ساعه في التوقيف وانا ما ندري عنه لا والمصيبه ان الي رد علينا مهوب اخوي العسكري هو الي راد علينا ولا فكر يطمنا يووووه صرراااحه يوووم رعب وخوف وخلاص جانا ابوي قال لقوه دق زميله علي يقول وانا خلاص صياح وسجود شكر لله حمد لله والشكر لله
بس صراحه يوم عصيب عصيب جدا جدا ما اقدر اوصف لكم شعوري ومشاعري يوم دخل اخوي وصياح وتقول له امي خلاص حسيت اني ماعاد نيب شايفتك ثانيه يااارب ما ارحمك وما اعطفك وما اكرمك اللهم لك الحمد حتى ترضى ولك الحمد اذا رضيت ولك الحمد بعد الرضا
بس فيني ناار بقلبي ودي ادق ع الشرطه اهزاهم صرااحه يعني تكفون يااابنات الي اخوها او زوجها او ابوها عسكري في التوقيف تعلمهم تقول حررااام عليكم خلو الموقوفين بس يطمنون اهلهم ثمن خذوا جوالاتهم لا تخلون اهلهم على نااار وطلعه صديقه الله يسعده بكفاله عقب ما دفعوا 900 قيمة قطع الاشااره
وهذي قصتنا بس حبيت افضفض شوي لكم والحمد لله على كل حال ياررب