إذا جاني ولدي يشتكي قلت له رح علم أمه
وهاوشت ولدي وقلت لا تتعامل مع هالنوعيات من الناس البثرين
طبعا الطفل مايفهم بيرجع يلعب
لكن إذا شفت الطرف الثاني متسلط على عيالي أول شيئ أكلم أمهم وأعلم عيالي
برضه من يوم يبدأ معك بكلام هوشة أبعد عنهم
وتعال علم أمهم عشان يصير عندها خبر وتدري ان عيالها هم اللي بدوا بالغثاء
لو لقيتهم ماسكين في بعض فكيتهم وهاوشتهم كلهم وعيالي ممكن أضربهم حتى لو هم مظلومين
بس عيال الناس ماعمري مديت يدي على أحد
أبد أبد حتى لو كانوا عيال أخواني أو أخواتي أحمد ربي وأشكره
لكن لو جيت ولقيت الأم جاية تفزع لو لدها أو مدت يدها على صغار عشان تدافع عن عيالها
هنا عاد أطلع الوجه الثاني وأمسح فيها البلاط وأعرفها مقامها بس كله بدون مايطلع مني كلمة شينة أو غلط
لأنه ماعمري مديت يدي على عيال الناس ولا أرضى أحد يمد يده على عيالي
خاصة أنه عيالي غالبا مسالمين ولا لهم في الهوشات أحمد ربي حتى في البيت مشاكلهم عادية
لأني مأدبتهم وشديدة عليهم فيحسبون لي ألف حساب
الله يصلحهم ويبلغني فيهم يارب
والي بتمد يدها على عيال الناس وتدخل في هوشات بزران وتزعل
تطق راسها بألف جدار
لأنه مثل هالعقليات أنا بغنى عنها
والحمدلله أنها موب منتشرة عندنا بس موجودة الله يصلحنا وإياهم يارب
الحريم اللي يتدخلو بهوشات الاطفال موضوع للنقاش
متابعة النقاش، صفحة 7