زوجي،أخته،بنته ... !؟
السلام عليكم و رحمة الله ..
إخت زوجي عمرها تقريباً 16 ( أخر العنقود )
فقدت أبوها وهي صغيره و صار لها زوجي الأب و أكثر،
عندها أخوان و أخوات بس تزوجوا وهي صغيره الكل إنشغل عنها ماعدا زوجي الله يحفظه ..
و صارت جداً جداً متعلقة فيه تشوف فيه الحنان اللي فقدته ..
و الآن و لله الحمد رزقني الله ب بنوته عمره بالأشهر، وصار كل إهتماام زوجي فيها
يلعب / يضحك / يغني / يسولف عنها و لها،
و إخته حزيييييينه!
فاقدة حنانه لها تحس إن بنتي أخذته منها،
تحبها بس في قلبها غصّة ..
تحاول تلفت إنتباه أخوها بأي شكل و الله ماأكذب إنها تسوّي أشياء أتوقع إنها لا إراديّة بس ودها يرجع إهتمام زوجي فيها
يعني مثلاً أي شيء قدام زوجي تشيله و تنزله ب تسوّي حركه على شان ينتبه
وهو و لا هو داااااري!
و أنا معاها أسولف و أسألها عن دراستها و و أبي زوجي ينتبه لها و لكن!!
و يشهد علي الله إني فرحت بزوجي كثييير لما عوّضها عن حنان أبوها،
لأني مؤمنة ب عواقب فقد الحنان!
و لكن الآن كل شيء أشوفه عكس زمان،
و هي دائماً حزينه و دموعها تحاول تحبسها قد ماتقدر بس أنا أشوفها الكل مشغول عنها،
شلون أبيّن لزوجي تقصيره مع أخته؟
لأنو حساس و لا أبي أجرحه :(
إحترت صراحة أخاف أتكلم يحس إنها رحمة وشفقه على أخته اليتيمة،
أو يبدأ يتحسس لمّا يمسك بنته عند أهله
أو أو
بودّي كل شيء يمر طبيعي و كل وحده تأخذ حقها!
ساعدوني ياحكيمات بطريقة غير مباشرة أقنع زوجي الله يخليه ب تقصيره !