مواقف المعلمات و الطالبات التووووحفة

يا هلا والله و حيهم 
كيفكم حبيباتي مع الاجازة و ايش أخباركم مع ذا الحر اللي خلانا تماسيح 
زي ما تعرفون القسم هذا مليات مشاكل فعشان كذا قلت يلا خلنا نفرفش شوي رجاء خاص يا مشرفاتي حبيباتي اللي مسنترات 25 ساعة علي الأقسام لا تنقلون موضوعي لمكان ثاني لأني اب افرفش هالناس الزعلانة و المتضايقة
نجي لموضوعنا " مواقف المعلمات و الطالبات المضحكة" 
أنا بصفتي معلمة حاليا و طالبة سابقا عندي الكثير من المواقف اذكر قريب لما رحت مدرسة جديدة و معروف لما تكونين مدرسة جديدة تحضر لك مشرفتك كثير و بحكم أني طويلة مرة ( أطول من تايرا بانكس و حليمة ههه ) لبست الصندل اللي يجبك كنه دبابة و مدرعمة في الفصل اشرح و البنات كانهم جدار يمثلون انهم مو فاهمين شي و أنا اسأل و اجاوب نفسي يا ان كان ودي اكفخهم بس قلت بعدين حسابكم معي في نفسي طبعا المهم و أنا خاشة جو في الشرح ما ادري الا الجزمة انعطفت و اختفيت تخيلوا العملاق الاخضر فجاة صارنملة بقدرة قادر طااااااح وجهي بس قمت و كملت الشرح و لا كان شي صارو أنا ميتة من الفشيلة في نفسي 
المايك الان لصديقتي هي تدرس متوسط انجليزي و هم متعودين المدرسات يطلبون فطور دايم من المطعم لان مدرستهم في وسط مطاعم فمدلعين كل يوم مطعم المهم ذاك اليوم صديقتي دخلت الحصة و هي جوعانة في وسط الدرس لتقوم وحدة من البنات اسمها " لُبنى " نادتها " لَبنة " دورا صديقتي عاد ما تابوتها من القشلة ما قدرت تمسك نفسها من الضحك و كل الفصل ماتوا من الضحك و البنت متحطمة تقول عاتي كثير ناس يغلطوا و ينادوني لبنة ههههه إش رايكم :35:
الان المايك لكم كل وحدة تحكيلنا موقف تحفة لها سواء كمعلمة او طالبة:hahaha: 

21 تعليق 8,593 مشاهدة

شاركي في النقاش

سجلي الدخول لإضافة تعليق.

التعليقات

21
  1. @am_rghd_3

    وش اقول وش احكي
    بس الي اكثر شي يصير لي موااقف التعليقااات علي لبس علي لون او تجيك وحدة تتميلح والشكل يفشل تقول مس وش رايك بكشختي اليوم خخخخخخاااااي
  2. @rymas_alaanbr

    لا يااختى انا موقفى غير كنت اطبق تربيه ميدانى بعد مخلصت الدرس جاء وقت التقويم رجعت وراء اوزع الاوراق على البنات وفجاءة اصقع الطاولة كانت زجاج طاحت ونكسرت صوتها عالى قمت الفشيله وعندى حاضره معلمة المادة بس الحمد الله انتهت على خير
  3. @amyrh09

    ايش رايكم فى طالباتى شاده الحيل وهات ياتعب وصور من النت وتعلم تعاوني بحذافيره :rolleyes:
    ودرسي عن اكل البحر فقة ثالث متوسط كان اوريهم صورة سرطان البحر اتوقع كلكم تعرفون ولا بتصرون زي طالباتي:024: كان اسا لهم ايش نسمي هذا الحيوان البحري
    كان الفصل ينقسم لقسمين قسم قالوا ما نعرفه :eek: وقسم قالوووووووووووا عــــــــــقرب :icon32: وانا وجهى :08:خاصة انا فى الشرقيه استحاله مااحد يعرف سرطان البحر حنا ناكله اصلا لو من افلام الكرتون جيت اعدلها قلت حنا فى الاحساء والشرقيه نسميه قبقب يمكن يعرفونه لاكن مصرررررين عقرب:rotaeye: وتقوم الاولى على المرحلةقلت جاء الفرج وتقولى عقرب وانا خلاص عرفت انهم قمة ادلاخه كل هذا والمشرفه موجوده بس بعدين عرفت السبب مدرستى كلهم شيعة ولما سألت مدرسة شيعة فى نفس المدرسة قالت يمكن ما يعر فونه لانه محرم اكلة عندنا ........واهل القطيف الشيعة هم الى يبعونه ............
    موقف ثاني اقول لطالبه فى درس الزكاة الناقة ولدها ايش نسميه قالت قالت عنـــــــــــز ههههههههههههههههههه:42: جابت العيد
    وموقف حدث لمدرسة ثانيه يقولون لها ان المعكرونا ينزرع بالله كنا حنا ندرس عند متخالفين عقليا:icon33:
  4. @gaal_aamr_amy_ytol

    احرج موقف عندي اني دخلت ودرست ثالث متوسط وكنت بهجره وكانو بناتهم كبار مره اكبر من بنات الكليه بالمدن اذا دخلت عليهم وجيت بابدا الشرح واشوف عيونهم تناضرني ودي ابكي من الحياء واله ودي انحاش من الحصه حريم كبار حريم
    وكنت احاتي وافكر قبل مادخل عليهم استحي منهم مره والله استانست انهم تخرجوا ذا السنه

تابعي تجارب أخرى من هذا القسم.