انا زوجه ثانيه لكن ردوا علي بعقووووولكم مو بقلووووووووبكم/ أستوفى حقه

ياعمري انتي اللي فكري بعقلك شوي

لاتتحسبين عاى زوجته الاولى هو قالك كذا يبي السالفة تطيح براسها وانتي فكرتي بقلبك وصدقتي

زوجك من الاول قايلك ابي بيتك هادئ والحين مب صاير كذا هو عارف من قبل وش الاطفال يسوون فمن بدايتها راح يدور بيت هادئ

يعني لو ان زوجته الاولى هي اللي اقنعته كان من الاول اقنعته ولاتزوج عليها ولا كان اقنعته يطلقك يوم ماحملتي يعني لاتصدقينه انها قوية ومأثرة عليه

هو مب طفل تسحب يده وتزوجه وهو يعرف ظروفكم المادية اكثر منكم ثنتينكم لانه بالاخير هو اللي بيتورط ولازم يدبر

لكنه طق كل شي بالجدار وقال وين الثالثة فرطت السبحة عنده خلاص

وكونها رجعت برضاوة تقص الظهر شي طبيعي ومن حقها ماغصبته لو مايبي مارجعها ولك نفس الحق تسوين مثلها

كونك مصدومه شي طبيعي وكونك تحسين انها السبب بالخطبة برضه شي طبيعي

لكن انك تتوقعين ان الخدامة وسفرة اندونيسيا ومخليك براحتك عند اهلك كله لك يبي رضاك هنا اقولك لاتفكرين بقلبك انتي من بعد زواجك بشهر شهرين لا اكثر صرتي بنظرة زوجة مب حبيبة يسعى لرضاها يعني يجري عليك اللي يجري على الاولى
والدليل انه اول ما انشغلتي عنه فكر بالثالثة


المقاومة مب نافعتك ابد ان ماضرتك وكرهته فيك واصلا يبيها فرصة علشان لايجيك ويلزق بالجديدة ولاتتوقعين لو زعلتي بيهون لان عنده غيرك غير انه جرب التعدد وطاحت هيبته عنده ولو الزعل ينفع نفع ام عياله قبلك وخلاه يهون عن الزواج منك
الحل فقط الصبر والدعاء الله يكتب لك اللي فيه خير  

الله يصبرك

لاحول ولاقوه الابالله الله يعينك ان شاء الله واصبري زي ماصبرت الاوله وهذا المعدد مايكتفي بوحده اوثنتين او ثلاثه واعرفي انه الرجال لوماعارف انه يقدر يفتح البيت الثالث صدقيني ماراح يفكر في الثالثه لكن شكله عنده خير بس يدس عنك واستحملي ماجاك الله يسهل عليكي وكوني فري مافي احد كامل الاوجه الكريم

اعرف الرجال اذا جرب التعداد ما يوقف عداده الا الرابعه وبعد يصير مشبك مع بنات
والا الشغاله هذا حال اغلبهم نسال الله العافيه
خالي تزوج على زوجته وحط فيه النون وما يعلمون
والثانيه تشيله فوق رمشها باقي يبغى يتزوج
وابو زوجي تزوج اربع وباي يتحرقص اذا سمع بطاري احد تزوج
تقدرين تقولين السالفه ادمان
المعدد اناني
و اذا شغل العداد ما يفكر لا بفلوس ولا بشيئ
يفكر في طريقه

صحيح اني احقد عالزوجات الثانيات
بس رحمتك حسيتها متعمده تخرب عليك
خصوصا شكلها انقهرت يوم حملتي
وتبي تخرب فرحتك
انتي بس ادعي قهرتني مرره
وشكلها ناويه تتحد مع الزوجه الثالثه ضدك
بس انتي خلي ايمانك قوي واكثري من الدعاء عليها بس مو تقولين جعلها المرض ولا الشلل اكره هالادعيه
والله ينصرك عليها اذا كانت ظالمتك