عجززززززت اقتنع بكل اللي يسويه لي ..وش اسوي؟؟

هلا بنات عطوني حل وش اسوي
كيف ابدا والله حيرانه بس لاتلموني لاني عجزت وماقدرت
انا متزوجه وزوجي ملتزم حبوب وطيب ويحبني الله يخليه لي ويحفظه ماقصر معي يوديني اللي ابي واسافر ويهديني وادلع عليه :16: ويتحملني وماحرمني من شى انا والله طيبه معاه واحاول ارضيه بكل شى واحبه ولااقدراستغني عنه لورحت لاهلي يوم فقدته :( بس المشكله اني مااقتنعت بكل اللي يسويه واحس اني ناقصه وصديقاتي افضل مني :( حتى احيانا نتهاوش وترتفع الاصوات ويقول اصلا انتي ماتستاهلي كل اللي اسويه لك غلطان اني دلعتك ..والله يابنات صحيح انادلوعه بس وش اسوي والله اتندم والوم نفسي :icon33: ...وارجع مره ثانيه واكرر الموال مدري ليش ماقتنع في اللي يسويه واحس انه ماسوى شي..احيانا اكره نفسي لاني احس اني محرومه قبل مااتزوج ماتدلعت ولاتنعمت كل همي دراستي لاغير.. مااعرف سفر ولامطاعم ومع كذا ماقتنعت والله طفشت من همي وحيرتي ..وش اسوي انصحوني تكفون :icon33: :icon33:

35 تعليق 3,212 مشاهدة

شاركي في النقاش

سجلي الدخول لإضافة تعليق.

التعليقات

32
  1. @dnya_alaagb

    هذا الشيطان ياعزيزتي الي قاعد يوسوس لك

    انتي عايشه حياة كاملة ماشاء الله
    يكفي ان زوجك ملتزم هذي بحد ذاتها نعمة

    يااختي لاتخربين على نفسك بالاحاسيس هذي
    حطي قدام عيونك انو هذي حياتك معاه ولا يمكن تتغير
    وبالعكس حياتك مره حلوه على كلامك

    لاتصيرون ناكرين للمعروف وكفارات للعشير

    اقري مشاكل البنات كيف

    وشوفي وضعك انتي كيف


    وكوني قنوعة وخلي همك بالاخرة مش بالدنيا

    والله يكتب لك الخير وين ماتكونين
  2. @styla_2

    انا بعض الاحيان افكر نفس تفكيرك
    بس اذ فكرت بكل شي حلو سواه لي واقنعت نفسي انه ماقصر معي وهو فعلا ماقصر والله كل الوساوس تروح واذا كنت مزعلته علشان هالشي والله اروح واراضيه ولاكن شي صار وانا قبلها اقول لا ليش اراضيه وهو كذا
  3. @am_aazan_1

    خذي لك جوله في قسم المشاكل وشوفي أخواتنا الله يخفف عليهم والمشاكل الأليمه والهموم

    الي عايشينها وأحمدي ربك على النعمه ترى النعمه بعيد الشر زواله

    وزوجك كل ما أسعدك مره أسعديه الف مره حتى تحسين بالسعاده الي تشرح الصدر

    والشيطان اقطعي دروبه ولا تعطينه مجال يخرب بينك وبين زوجك
  4. @amphnadyamp

    خذي لك جوله في قسم المشاكل وشوفي أخواتنا الله يخفف عليهم والمشاكل الأليمه والهموم

    الي عايشينها وأحمدي ربك على النعمه ترى النعمه بعيد الشر زواله

    وزوجك كل ما أسعدك مره أسعديه الف مره حتى تحسين بالسعاده الي تشرح الصدر

    والشيطان اقطعي دروبه ولا تعطينه مجال يخرب بينك وبين زوجك
  5. نفس الشي بس انا انتهت بالطلاق :(

    لذالك انصحك حبيبتي دامه بالمواصفات الي قلتيها لاتفرطين فيه وهذا الشيطان يوسوس لك

    الله يوفقك ويسعدك ياررب:)

تابعي تجارب أخرى من هذا القسم.