الله المستعان
كملي
ثلاث سنوات ماني قادره انساها ..ساعدوني
متابعة النقاش، صفحة 2
شاركي في النقاش
سجلي الدخول لإضافة تعليق.
التعليقات
248- معاكي
الله يعين - كملي
ميساااء1 بسسسسرعه كملللللللللللللي
وبدت الحبه هذي تكبر وتكبر خلال اسبوعين صارت
بحجم الفنجال القهوه ...
وانا مرره ضايق صدري ما ادري ايش هي
وهي بعد مسكينه محتاسه ماتدري وش اصيبها
والمستشفيات تحاليل وابر وعينات ودم هبلو فيها مسكينه ..
والوحم بدى معي وصرت اتوحم في بيتي
ورحت لـ امي بالافلاج طبعا هي تبعد عن الرياض 300 كيلو
وكل يوم اكلمها ايش صار ايش صار قلبي معها مررره ..
في النهايه
اكتشفو مستشفى قوات الأمن انو
غده فيها خلايا سرطانيه ..
ياربي لك الحمد انا هنا انجنيت
ورجعت بيتي وكل يوم اقوم الصبح واروح بيت خالتي
لانها لما اكتشفت راحت بيت امها
وما ارجع الى الفجر بيتي بس انوم وارجع لخالتي من بكره ..
وكل يوم في مسشفى شكل وانا اهملت نفسي
ونسيت اني حامل صرت اروح معاها مواعيدها
ومراجعاتها ومشي يقطع القلب الي امشيه بس احيانا
أضغط على نفسي واكمل ..
ومرت علي هذيك الاشهر من اتعس ايام عمري ..
وبعدها ولدت ..
ووقت انفاسي قررو يعطونها كيماوي ,,
انا هنا انجيت تخيلو يابنات وضعي
نفاس وكنت اختبر ثالث ثنوي الترم الثاني ..
وبس ابكي على بنت خالتي ,,
وبتنا مايوقف من الزوار..
ياربي لك الحمد ايش كانت ذيك الحاله
وبنتي تعبانه لاني اهملت نفسي بالحمل
وصار معاها تلوث بالدم ومنومه بالمستشفى
واروح انام عندها مرات امي واشوف بنتي قدامي ماتعدت اسبوعين
تنغز بالأبر والمغذيات ..
وبنت خالتي بين الحياة والموت الحبه كل مالها تكبر لحد ماصارت حجم القرعه الكبيره ورقت على جهها ولفته لها مال فمها وخشمها
وعينها تسكرت ..
............
طلعت من الاربعين
بنتي بين الحياة والموت واخذتها كذا مسشفى
فالنهايه وحده نصحتني اوديها طب شعبي
وفعلا وديتها لوحده شافتها قالت بنتك بس اكويها مع بطنها وبتتعافى
وكوت بنتي ثمان كويات ببطنها ..
والحمدالله بنتي تعافت وصارت زي البزران تبكي وترضع اللهم لك الحمد..
بنت خالتي ..
كانت بعالم مايعلم فيه الى الله
فقدت شعرها من الكيماوي وهي ياعمري صابره وساكته
بس عيونها تلمع بالدموع
وكل ماشفتني تتذكرين لما كنا نسوي تتذكرين لما كنا نفعل ونترك
هنا قلبي خلاص احس بموت ..
زوجي وبعثته ..
طبعا زوجي جته بعثه الزاميه لبريطانيا
وقلبي تشتت بين زوجي وبنتي
وبين بنت خالتي وهلي ..
واقنعني زوجي يروح اول شهرين لحاله
بعدين يرجع يخذني انا وبنتي ..
وهنا بنت خالتي تموت في اليوم الف مره من الالم الي تذوقه
وكل شي انحرمت منه اكل وشرب وعطورات وكل شي مسكينه
هنا شافتها وحده
قالت بنتكم لازم تقرئون عليها حتى بشرتها تغير لونها صارت زرقاء على اخضر ..
وفعلا جبنا شيخ يقراء عليها ..
وزوجي سافر ..
وانا خليت بنتي عند امي ورحت الرياض جنب بنت خالتي ..
بنات تعذبت وربي تعذبت
الشيخ يقراء عليها تبكي تبكي ووجها وربي له الف لوون
وبعدها تنام وتجلس يوم نايمه ..
انا جاني انهيار ودخلت بغيبوبه مدت ثلاث ايام من حالتها
اشوفها تتعذب قدامي وتتمسك فيني
تقول المرض اكل جسمي اكل الحقيني ابي اموت
والله ياروحي انتي والله لو اقدر اخذ منك المرض واعطيك صحتي
مافي يدي شي يالغاليه مافي يدي شي ..
بعدها رفضت خالتي اجلس عندها بعد الي صار لي
صارو يحرموني من شوفتها كل يوم لهم عذر ماياخذوني لها ..
وزوجي اخذ سايقي وخلاه يروح بيت اهل زوجي ,,
وانا بغيت انجن وجاء ابوي اخذني من الرياض وداني عند امي
وربي لا ليلي لليل ولا نهاري نهار بس ابكي واصلي وادعي لها ..
ولا احد راضي يرد علي كلهم يكذبون علي اقولهم اخبارها يقول طيبه
تسئل عنك لو تشوفينها تعافت طيب ابي اكلمها نايمه بالحمام
الشيخ عندها كل مره لهم عذر ..
هنا ماقدرت اخذت الجوال اتصل بولد خالتي زوجها
قلت
حرام عليك انا تعبانه ابي اعرف ايش صار لها قولو لي هي حيه
ولاميته وتكذبون علي وجلست ابكي واصرخ نسيت ايش قلت له
قالي
انا بقولك بس انتي هدي وادعي لها
هي الحمدالله حيه بس تعبانه والمرض انتقل لبطنها
وفيها نفس قويه ومس شيطاني وطلب الشيخ اني اطلقها
قلت طلقتها
قال لازم اطلقها
حرام عليك هي روحها فيك طايره فيك تحبك تحبك تفهم تحبك
تقوم تطلقها حرام عليك ماتحس هذا انتو يارجال مافيكم خير
قالي
والله والله اني قلبي منفطر يوم طلقتها بس الشيخ يقول لصحتها
وبداء يفهمني وقالي باع اثاث شقته كله وتصدق فيه لها
ومرو الشهرين من أصعب شهور حياتي
جاء زوجي وقالي لازم تروحين معي ..
قلت شرط اروح اشوفها و اودعها ووافق ..
يتبع ..- كملي
مواضيع مشابهة
تابعي تجارب أخرى من هذا القسم.