افكار عصريه ومودرن لحفلة زفاف باقل التكاليف بالصورحصريا لعالم حواء + تجاربكم يابنات

متابعة النقاش، صفحة 28

شاركي في النقاش

سجلي الدخول لإضافة تعليق.

التعليقات

171
  1. موضوووع رائع واتفق معااك خاصه في زفة العروس وانها ماتحس في زواجها لوو يوم تنزف بدري وتحس في فرحتها مع اهلها وصحباتها
  2. @sugar_cube

    يا الله يارورو والله انك بتقولي كل اللي في قلبي ..

    انا فعلا ضد زواجاتنا التقليديه المكلفه على غير فايده ..

    يعني انا يوم شبكتي كنت في الغرفه اسمع هيصه صحباتي وكان في زفه لاختي واخويا بمناسبه تخرجهم وكنت اسمع الاغاني وغطاريف الناس وانا في قمه حسرتي كانت نفسي اخرج واتفرج واشاركهم فرحتهم ..

    والله اتزفيت بس وصلت الكوشه وجلست دقيقه وماعاد شفت احد قدامي كل الناس راحت للبوفيه ماعادا صحباتي والمقربين مره ..
    طيب ايش فيها لو اتزفيت على الساعه 12 وجلست معاهم احلل قيمه فستاني والتسريحه واجلس مع الناس وانبسط .. لكن عاداتنا وزواجاتنا جدا سيئه ..
    وكمان لو جيتي للحق لما تجي تنزفي بدري معناتو اغلب الناس تمشي وعلى قد قيمه الصاله اللي دافعتها يعني 30 الف على 3 ساعات مره حرام .. واصحاب القاعات مره سار عندهم طمع كبير والاستراحات يا ماتلقي شي مناسب وكبير يا اما كل شي انتي تدفعي حسابو لدرجه لو تبغي طاوله زياده بحسابه تبغي عامله زياده بحسابه وخدي على كدا ..

    ايوا كمان ازيدك يوم شبكتي انا اخترت الكوشه وغيرت فيها ونسقت مع المحل وفي الاخر ما جلست على الكوشه الا دقايق ووالله مني فاكره شكلها كيف كانت ..

    يعني والله حرام .. ولو بغيتي تنزفي بدي الناس ما سارت تجي الا متاخر .. يعني الوضع كله ملخبط عندنا ..

    الله يعين ويبطلوالتخلف اللي عندنا .. يعني بنصرف مبالغ كبيره على اوقات قصيره وعلى شي مايستاهل ..

    وبالنسبه لزواجي ماراح افصل فستان لانه منجد مايستاهل فراح استاجر لانه فعلا محد راح يفتكر فستاني ..

    راح اجمع افكار ويارب يتصلح الحال

    ومره اشكرك على المووضوع واسفه على الاطاله :)

تابعي تجارب أخرى من هذا القسم.