الرجال كرهوني 0000

انا استعرت الاسم من صاحبته ماقصرت








بنات انا دايم اذا طلعت سوق مستشفى منتزه مكان عام يعني



اتعرض لمضايقات من الرجال شباب ومراهقين وشيبان بعد


باخذ راحتي مقدر يلاحقوني وين مااروح واذكر زمان ايام المدرسه كنت ارجع على رجولي اجلس ابكي اذا جيت اطلع من الخوف واذا طلعت مايتركوني الا لما اهلي يفتحون لي الباب وينشبون الا خوذي الرقم واحيانا يحرجوني يجلسون يطالعون ويتميلحون ويرمون كلام بايخ وغزل وحركات تافهه حتى محاسب المحل ماينسلم منه ولاجاك رجال كبير مصيبه يصرف عياله عشان بس يقز انحرج لااقدر اتمشى على راحتي ولا اتسوق ع راحتي احيانا امي معي وابوي بعد ومع ذلك يتعرضون صارت امي تخاف علي وتشوفني الحمدلله عبايتي راس ومسكره ووسيعه وطويله ونقابي سخيف مره مايطلع الا العدسه لان امي متشدده وحريصه علينا

والرجال عيونهم زايغه مدري وش يبون وحده لابسه عبايه وش يبون مادري خواتي يقولون يمكن عشانك طويله وانا والله العظيم اني ماافتن مشيتي امشي بحياء ولا احب اتلزق بالرجال وعيوني تحت ماارفعهم على رجال واقزه مستحيل اسويها وعيوني مامن كبر عاديات واذا رمى احد علي كلمه امشي ولا اطالع فيه والله مبين علي الحياء ولااهتم واضح اني متضايقه منهم

اخاف امي تشك فيني وابوي بعد قد مره راقبني من بعيد بيشوف انا احارشهم او لا الحمدلله واثق فيني بس يخاف علي ويشوفني متستره وحيويه مايمديه عليهم ولاكا ن مسح فيهم الارض لو صار معي ابوي مايخلون احد لاصار معي بس يطالعون من بعيد وابوي يحس ولاصارت امي معي يتلزق عادي ماعنده مشكله ولاصرت لحالي اعوذبالله صرت انا اخاف لحالي والله الدنيا تخوف والناس يقولون الرجال ماينشبون الا للي مسويه شي يانظره ياتميلح وانا اقول والله العظيم اني منب راعيه هالحركات احيانا امي تنتبه لهم انهم يلاحقون قبل انتبه ماودي احد يظلمني يقول انتي تبدين معهم :44: حرام عليهم يحسبوني قليله ادب وحياء واحيانا لاشفت وحده مع زوجها على طول الف وجهي عنهم عشان مااتعرض لظلم من زوجته تحسبني اطالع فيه او تحسبني من البنات اللي مايتسحون ولاني ادري بعد بعض الرجال حتى لو معهم حريمهم مايستحون عادي يقز بالبنات عشان كذا انا اصد على طول والله اذا شفت مجموعه رجال استحي امشي بينهم من بد خواتي واصبر لين يروحون

والله اللحين صرت اخاف اني افتن بدون مااحس شكلي مامن زود عادي اخاف من ربي والله اني ذاك اليوم لابسه جوارب ومسكره نقابي ومع ذلك ماسلمت منهم مستحيل اطلع بدون مايتعرضون لي شكلي اذا عاكسوني بفتش وجهي اقول تراي عاديه عشان يهجون:icon33: اشيل هم اذا طلعت عشان امي وابوي وخواتي مايشكون واطيح من عينهم وش اسوي امسك عصا اعرج ياخوفي اذا تزوجت يشك فيني بعد ذا العله وكرهت الرجال شكلي بصير شكاكه بعدين بزوجي اكره الرجال اللي يقزقز ماشاء الله المطاوعه احبهم في الله لامر من عندك نزل راسه هو عن الحريم ماشاء الله الله يكثر من امثالهم يارب ويرزقنا منهم



:44:

46 تعليق 5,135 مشاهدة

شاركي في النقاش

سجلي الدخول لإضافة تعليق.

التعليقات

45
  1. @sfra_toylh

    هههههههههههههههههه

    لاتفكرين فيهم اصلا

    لاشافوك معطيتهم طنااااش قال بخاطره الله يحفظها ويرزقني مثلها
  2. @um_faisel

    الله يهديك شكلك مكبرة الموضوع كلنا نخرج ونروح ماشفنا اللي تقولين علية ومادام على قولك عبايتك على الراس وقفازات وشراريب يطالعون فيك ليش وهم يشوفون سواد وبعدين العبايات الملونة والعيون المكحلة زالمخصر مالية الشوارع بيتركونهم ويطالعون فيك ...

    شكلك حساسة والله يسترنا فوق الارض وتحت الارض ويوم العرض
  3. @grhony_kthyr

    صاحبة الموضوع
    um faisel
    الله يهديك شكلك مكبرة الموضوع كلنا نخرج ونروح ماشفنا اللي تقولين علية ومادام على قولك عبايتك على الراس وقفازات وشراريب يطالعون فيك ليش وهم يشوفون سواد وبعدين العبايات الملونة والعيون المكحلة زالمخصر مالية الشوارع بيتركونهم ويطالعون فيك ..…
    شفتي ردك هذا اذا اشتكيت للبنات قالو زيك يحسسوني اني مسويه شي

    وع قولتك يطالعون بعبايه سودا وانا متستره وانا وش مضيق صدري الا كذا وش عليه يطالعون ويضايقون

    ولاحساسه ولاشي اقولك اهلي صاروا ينتبهون لي من اللي يشوفونه منهم :(
  4. @ord_alaashak12

    ؟أنتي في أي مدينة ؟؟؟؟؟؟؟؟؟
    وليش تطلعين لوحدك مادم هذا الامر يصير معك؟؟؟؟
    الله يستر عليك ياقلبي واستودعي نفسك دايماً.................

تابعي تجارب أخرى من هذا القسم.