قصتي الاخذ العبرة و العظة

قرئت موضوعك ولامس شيء من حياتي مع زوجي واهله الله يرحمه لاكن بالنسبه للمال صح يهمهم القرش ويتكلم عندهم بس الحمد لله انا مغنين ربي بوظيفتي

انا ماقولك ردي لانه مو بصالحك وراح تقلبه ام زوجك عليك وتكوني انتي الشينه عند زوجك لاكن الحين زوجك بصفك لانه شايفك ساكته وامه هي اللي متسلطه
لاكن خلي عندك خطوط حمراء
مثلااا اذا بترجعني بيت اهلك عطني ورقتي (( حياة لاتطاق في ظل هذه الام وانتي بعيده ماتفتكين من شره كيف لاصرتي عنده تقعد تتفنتك عليك ))

حسبنا الله ونعم الوكيل
ونصيحه انتي حساسه مثلي شيلي هالحساسيه من اهل زوجك وخلي الكلمه اللي تجي منهم ولا شيء بخاطرك اعتبريه غيره وانه من غيرته منك تكلمت عليك وتبي تعكر مزاجك ... شوفي اذا انتي من النوع اللي مايطلع الموقف من قلبك الا اذا اخذتي حقك خوذي حقك منهم بالكلام ميخالف اهم شيء يرتاح قلبك بس بقوللك زوجك بيقلب عليك

قولي (( حسبي الله على من طالتني مظااااره )) انا كنت اقوله قدام زوجي الله يرحمه وينهبل منه يقول لاتقوليه وهو حمق قلت له انا ماقلت شيء اتحسب على اللي يضرن انا دعيت عليك او على اهلك علشان تزعل ويسكت

انا قبل يتزوج اخوي كنت اقول مسكينه الام يمكن من غيرته على ولده تخرب عليه حياته وغصب عليه وهذولي امهات العيال يعني اعذر له حركاته بس يوم تزوج اخوي وشفت امي معاملته لمرت اخوي قلت اجل هذي موب كله غيره قد ماهي لعانه به
امي تداري مرت اخوي اكثر من بناته والله يشهد قسم بالله يابنات ان امي لبغت تعطيني مسمنه او اي شي شيء انه تقسمه بيني وبين مرة اخوي حتى هي والله تقول خالتي ماهنا حليله على فكررره امي مرتن دينه وتخاف الله ومسكينه تغربلت بحياته .. كان اول عندي فكره ان اذا ام رجلي متغربله فهي بتغربل بي لاكن لقيت العكس الحين الامهات اللي متغربلات بحياتهن ازين تعامل مع حريم عيالهن من هاللي متهنيات مع رجالهن لانه ذاقت المررر ولا تبي مرة ولده تذوقه لانه حست بالظلم والقهر
اقولكم يابنات لاتتضنون ان الام مانفقد ولده اذا اعرس والله يابنات ان امي يوم اعرس اخوي وبدأ يهف عن امي ان دميعاته على خده الضغيفه وانا اللي اهوش اخوي اقول له تعال طيب خاطره لو تقهوى عنده المغربيه تراه تفرح بك تحسبونه امي تقول له شيء وراك ابطيت علي ياوليدي لا والله ماتفتح اثمه بس الله يسعدك الله يهنيك ياوليدي ولا طلع وجلست انا واياه احيانا بدون مقدمات تذكر اخوي وتصيح (( عاد انا تشتب كبدي غصب علي والله اني مرتن هايشته قدااام مرته وراك ماتجي وتطيب خاطر اميمك تراه ساعه تقعد عنده وانقلع لا اشوفك بس طيب خاطره .. عاد مرة اخوي الضعيفه تقول والله ياخاله انه موب عندي دايم طلعات مع اخواياه ... الله ياخذ هالشلل اللي تخليهم يقصرون بحق امهاتهم وعيالهم بسببهم الله يمحق هالطلعات ووهالاستراحات انا عندي عقده من الرجل اللي همه وناسته وشلته احس انه مابه خير
وعلى فكررره كل وحده منا بهالمنتدى هي مرة ولد واخت زوج وتلقا كل وحده تقول رجلي شين وبه وبه وعكس اخواني طايرين بحريمهم والثانيه تقول نفس الكلام
وبقول لكم يابنات اذا الرجل نفسه مابه خير لاترجين منه خير سواء كان زوجك او اخوك او ولدك
اما صحبة الموضوع انا بقول لك حاجه
زوجك فيه خير الدليل انه مناظر لامه صحيح ماله شخصيه ويظلمك بس ربي عطاه مرتن تحمل ظروفه وطيبه مثله
شوفي هالانسان هذااا اذا ماتت امه بيكون احسن الرجال لك ويجيك العلم بعدين .. وياحظ اللي امه دينه وتخاف الله لانه بتخاف الله بك
انتي شوفي هالحريم اللي اعمارهم خمسين سنه وابحثي بتاريخ حياته وشوفي رجله الحين كيف هو له وكيف كان قبل له وبتعرفين ... فكري لبعيد .. والله يصلح حالنا وحالك واحوال المسلمين اجعين بالوقت الفضيل ويرزقنا من صالح فضله والله لايسلطنا ولا يسلط علينا

عندي طلب يااختي

تقدرين تمسحين ذكرى الماضي من فكرك وتبدين صفحه جديده علشان تقدرين تتهنين بحياتك مع رجلك بما انك ابعدتي عن اهل زوجك شوي وصارت لك استقلاليتك نوعا مااا
على الفكره ترااا رجلك عنده عيب انه مايقدر يتخذ قراراته بنفسه عندي لك فكره دوري له عن دورات في بناء الشخصيه والقرارات علشان يخرج شوي من التوهان اللي هو فيه مسكين زوجك كوني له عون بطرق تدعم شخصيته وتنمي مهاراته شوي لانه بصراحه ارضاء الام والزوجه بنفس الوقت قد يكون صعب في بعض الاحيان ويحتاج لرجل حازم يوزن الامور صح علشان يطلع باقل الخسائر الممكنه خاصه مع الام القويه والزوجه القويه يبتلش فيهم الرجل هههههههههه

اعتذر من الاخت صاحبة الموضوع اذا انا طلعت من محور الموضوع واتمنى اني افدتك بشيء

وهذي دعوه لك
اللهم ياحي ياقيوم اسألك ان تصلح حال صاحبة الموضوع وتسخر لها زوجها وامه وكل اهله ويناظروا خاطرها كا احسن بنت من بناتهم ولكل من قال امين وللمسلمين اجمعين

تدرين عاد الوحده المفروض وهي تدعي بالزوج الصالح تدعي بالاهل الطيبين اللي يعتبرونه مثل بنتهم والوحده اذا بغت تدعي بسخرة زوجه تدعي معه ان الله يسخر له اهل زوجه معه وخاصه امه وابوه

السلام عليكم
شكر جزيل و جزاكن الله خيرا يا اخواتي لن اذكر اسماء لكي لا انسى احد
لقد خففتن عني و مسحتن على جرحي برفق بدعواتكن و الشكر لله اولا و لكل اخت خطت بيدها و كل اخت قرات و دعت بظهر الغيب
يا اخواتي انا اكرر لم اكتب القصة الا لدعوة بظهر الغيب و لتكون عبرة و عظة لعل ام زوج تقراها و تشعر بظلمها لزوجة ولدها وولدها ايضا و لعل ام فتاة تقراها و تتعلم كيف تحمي ابنتها و لعل اخت زوج تقراها و تتقي الله في نفسها و اهلها فكما تدين تدان و الله عزيز ذو انتقام
و حسبي الله و نعم الوكيل