دخلت زوجي غرفه الولاده وياليتني مادخلته
بدخل لكم في الموضوع على طول انا زوجي مايعرف في الرومانسيه شي ابد انسان عملي لابعد الحدود كل همه الدوام وربعه والناس يعني انسان اجتماعي بس في امور الزوجه والحركات اللي يعرفونها الرجال مع حريمهم انسي الكلمه الحلوه بالموت تطلع منه عاد انا شكيت حالي لوحده من زميلاتي وقالت لي اذا تبين زوجك يحن عليك ويدلعك اذا حملتي خليه يدخل معاك غرفه الولاده عشان تتغير مشاعره للاحسن علما بولاداتي السابقه مادخل معاي ولاشاف شي ويوم حملت قررت اني ادخله معاي ويوم جا اليوم المنتظر يوم الولاده قلت له ادخل معاي غرفه الولاده وجلس جنبي وانا في قمه الالم واقول له اقرا علي قرا يقول لي انا مو فاضي والله فيني النوم :icon33: ولما فتح معاي الرحم 9 سانتي جا وقت الولاده وشاف البيبي وهو يطلع المهم وانا انتظر الحين المشاعر تتغير على قوله بعض الحريم ويمر يوم ويومين ورحت بيت اهلي للنفاس والله العظيم يابنات انه تغير للاسوأ صار مايحب يتكلم معاي ولا يحب يجلس معي ولايكلمني تلفون الا اذا انا كلمت ورجعت بيتي على اساس انه بيتغير والله ولا تغير ولاشي بس وش تبون تاكلون ووين بتروحون زي السواق بالسياره مايتكلم الا اذا انا تكلمت وطول الوقت سب وشتايم على العيال ويسوي اي هوشه عشان يطلع من البيت معقوله كل هذا عشان دخل معاي وشاف الولاده مدري والله انا جلست افكر واقول يمكن انقرف مني لانه شاف البلاوي حقت الولاده والله ماني عارفه وش اسوي اقل كلمه وهوشه يقول روح بيت اهلك اذا مو عاجبك ياليت تقولون لي وش اسوي